我係欄王

雖然史納莎不是最聰明的狗，但有時我們能夠做得到的，往往令人驚喜，或是震驚？！

我蘇菲呢，不嬲聰明可愛又乖巧，又懂得汪汪汪和媽媽傾偈，加上亮晶晶的迷人雙眼，當然人見人愛車見車載。而我，還有超能力──彈彈跳，隨時唔聲唔聲嚇你一驚啊！

這兩天，我更學識了跨欄呢！當然我不是劉翔，沒有長腿也不是高個子，但我體態輕盈時刻保持5.7kg苗條身形，是絕佳跨欄兼跳圈運動員材料，只是媽媽沒有加以訓練，好等我這個資優兒攀上高峰。不過唔緊要啦，我可以自學麻。

話說為了迪奇哥哥快啲好，媽媽架起二十九吋高的欄柵把我們分隔。雖然我沒有分離焦慮症，但無得同迪奇哥哥玩的確好悶，咁悶悶吓咯，就試吓抓呀抓啦，哈，咁又給我抓開了門。翌日，媽媽把欄柵閂得緊一點，我抓來抓去都抓不開，慘。我惟有蹬直後腿露出半塊臉四周望望望，咦，其實我都可以試下跳跳跳，好，預備，一二三，跳！衰咗，仆死.....


。再試──喔，又仆親.......




第三次，我前腿伏下提高小屁股，預備──跳，嘩，得咗！




~~~~~~~~~~~哈，媽媽回來嚇了一跳，猛叫「死啦死啦」之後急急把我回放回欄內。雖然她碌大雙眼望實我話我曳曳，但我看得出她眼神充滿讚賞。



今天，媽媽又外出一小時，回來後我當然又跨了欄逃了出來，今勻媽媽連薄責也沒有，猛叫我跳多次黎睇吓，好呀，一二三我跳，得咗！

「2008動物奧運會井頭村分組賽跨欄冠軍得主係──陳蘇菲，獎品係──羊肉條五條！」陳媽媽宣佈。

「多謝，多謝大家支持！」