除夕日跑彭福

(補)迪奇：除夕日，媽媽放假，帶豆豉眼去打針失敗後，我哋又去跑彭福！

蘇菲：今日彭福，好多狗呀！

蘇菲：尤其多莎莎友呀~~

不過我們喜歡靜，去水池後面欣賞日落~~

媽媽話今日唔好四圍跑，要留力~~

hea咗一陣，我哋就番歸了~~

壞腦

是日電腦壞咗，迪蘇blog因而暫停更生直至星期六。
睇番相，先知星期一的晚上，貓貓好忙，忙於黐埋一堆瞓~~~！真梳干呢~~~

最自在

安樂哂~~

終於可以安心騎視，唔駛再哩埋了~~

唔知死烏嘴坐幾耐監呢？
最好終身監禁，我小咪就最自在！

又輸了

今日小b女又依約在大石上等我，但係又係同我鬥耐性，死都唔入籠！

雖然我做咗足準備，全身包到冚加四個暖包，但係仍然敵不過小b女的頑強鬥志！我又輸了！
小b女，你聽住，i will be back！
(要搵傳心師再同你傾下)

小B女請跟我回家

石罅小B女我知你好叻，今日依約在大石等我哋！

但你無準克服對個籠既恐懼，始終唔敢行多兩步入籠。
小B女，你鼓起勇氣啦，只要行多幾步，你就可以見到媽媽仲有高牀暖窩同好味雞雞魚魚！
約定你，明日我們再來時，你要克服心理障礙，入籠安心吃魚吃雞，咁就可以有屋企宥幸福啦！
一言為定啊！

又犯案

法官：犯貓烏嘴，知唔知錯？
烏嘴：我無錯！
法官：你屢次犯案，專打小咪，咬到佢甩哂毛，嚇到佢瀨哂尿，你該當何罪？
基於犯貓死性不改，徵教無用！今次未知如何處罰，但至少收監三日！剝奪飽肚權一日！

平安日行大浪西

(平安日之行)
早晨呀，我哋又到赤徑啦~~

今朝北潭凹出發得12度，凍凍地，好彩好快進入陽光地帶，好暖呀~~

同行有小噹子~~

話咁快到咗鹹田~~

我蘇菲最鍾意瞓沙灘曬太陽，無論夏天定冬天~~

今日沙灘得我哋咋~~

霸哂~~

沙灘住我哋影~~

任擺甫士~~

哈哈，玩完一陣要上樓梯啦~~

上樓梯好索氣架，所以我哋成日要停低等媽媽~~

同埋影靚相~~

哇，轉個頭，我哋到咗大浪西啦~~

陪媽媽食咗蝦乾炒飯同豆花~~

輕輕鬆鬆回家去咯，沿途見到西灣村民橫額~~

番到涼亭啦，終於好快到！
平安日啲人未放假，行山真係爽！
下星期，我哋要再長征！

12度跑沙灘

各位平安夜快樂啊！我哋平安日跑咗沙灘~~
呵呵~~12度跑沙灘，迪蘇最鍾意~~~
今日玩夠了，要早啲瞓覺~~
merry x'mas！

失匙記

腦退化，繼數周前在家搵唔到車匙半小時，最後發現在廚房日前買既砂糖桔袋中後~~上星期六番到屋企，又發現唔見咗銷匙包~~

好彩我有後備門匙放秘密處，樓下鐵閘可以叫鄰居開，平安入屋。尋日配咗兩套後備後，今朝番到公司，赫然發現鎖匙包就在雜物上~~

但係我尋日已經配好新匙同買咗新鎖包~~

不過都係好事！因為舊鎖包有勁貓尿味！新匙包無尿味，梗係用新包啦！咪再尿濕佢呀你哋！

冬至暖物

今日冬至我迪奇有好介紹~~單人電暖墊一大張~~

絨面，夠暖，安全，有姨姨話好得~~

咦~~點解唔係好暖咁既？

啊，原來要冚張抓毛氈先快暖！各位細路，仲唔快啲上？

二寶三寶到新家

三腳，咪淨係眼碌碌望住我，出黎至得架？

二寶你就犀利，黎到新屋企一啲都唔驚，當正自己屋企咁~~

三腳你哋兩姊妹乖乖哋過新生活啦！唔好掛住我呀！雖然我會好掛住你哋！住得唔慣就番黎我屋企啦！但為咗幸福，要堅持適應新家啊！

白色聖誕

又到聖誕，又到聖誕~~ｌａ　ｌａ　ｌａ　～～

乖勒！

今晚明明無咁凍架，點解咁多貓既？

好彩無逼親我迪奇啫！
乖啦你哋！

血案

血呀，慘啦，邊個受傷？小咪兇多吉少了~~



小咪：我無事呀媽媽！
媽媽：真係？咁啲血邊個既？

媽媽：咦，刀疤仔，乜你塊面有血既？

噢，抵死了！

碌大對眼

各位大爺，唔駛碌大對眼望實我啊！

哎呀小咪大人，我知~~我知你想宵夜~~~

你哋呼喚既眼神，真係令人難以拒絕喎~~

但係呢碟手撕燒春雞~~~

全碟都係豆豉眼未來一星期既增肥食糧，你哋無份架！
但今晚無宵夜又好慘，食魚仔啦~~~