小虎告別式

媽媽給你準備的花，小虎鍾意嗎？

握握小虎的手，約定他朝再相見~~

完成火化，先跟媽媽回公司，在車頭曬下太陽先~~

晚上回到家，一家團聚啦~~

 

記住小虎可愛樣

媽媽：小虎年輕時肥有肉地，

超可愛，

媽媽要記住你呢個可愛樣！

 

小虎的嚮導

媽媽：小虎星期五上彩橋當天，

傳心師見到有位穿白色長袍女士接你，

你當時就像呢個樣子，

乖乖的坐响度望住白袍姨姨，

傳心師問我，可會想到白袍姨姨同你有咩關係呢？

尋日媽媽找到答案了，

根據面書12年前記錄，小虎身世係咁：

「小虎身世可憐，被好心人發現孤伶伶一貓在西貢大洞村呆坐，拾了送到井頭村陳婆婆家。

婆婆說，小虎來時未懂吃東西，要用針筒餵奶，

其後獲生了貓B的白貓媽慷慨讓出奶頭，

小虎得以餵哺成長~~」

傳心師相信，這位白袍女士，可能就係當時的白貓媽媽！

相信佢會好好顧你。

小虎，媽媽愛你啊！

 

小虎出發去彩虹橋

小虎大約在下午兩點陽光燦爛下出發去彩虹橋

小虎好叻，尋晚仲有食晚餐，宵夜食咗半條肉醬…以為小虎仲有幾日，估唔到今朝就感覺到佢要走，由彌留到要走，只不過係幾小時，小虎好叻，走得瀟灑。

上到彩虹橋同小咪姐姐相聚，玩完之後就一齊返嚟啦。

小虎：媽媽唔駛擔心，有一位白色長衫姨姨接我，我跟佢走啦，拜拜先~~

 

抱抱小虎

媽媽：每日抱抱小虎，

早晚打水水，做Reiki~~

 

小虎很累

媽媽：小虎很累了，早晚打水都好快脫水.....你個腎已經唔識工作了...

小虎：我想食嘢，仲食得落，

要飲好多水，因為我知道自己唔夠水....

媽媽知道你就快回貓星，記得要搵小咪姐姐重聚啊~~

仲有仲有，有機會可以再回來架...

衣家好好休息，媽媽會陪住小虎的。

 

貓奴不能隨便坐低之二

小虎：媽媽我要坐頭位...

烏嘴：我隨便有個位就得...

 

小虎陪畫

小進展，繼續努力

 

黐身怪

媽媽：你哋兩個可否唔好咁痴纏？

小風：我鍾意黐住媽媽：

小虎：媽媽抱抱....

 

小虎12歲

媽媽：今日4月4日兒童節，係小虎12歲生日

生日快樂呀，

要健康呀！

咪一副愁樣啦~~

小虎：我一向係憂鬱小生樣.....

 

有貓偷食！

小虎好番啦

媽媽：小虎睇醫生檢查抽血最乖！

小虎：有無獎呀？

媽媽：每餐兩罐kakato mousse，日日都餐緊啦！

今日驗血指數全部回復正常啦hct有33%呀！

但點解無重到，只係得2.56kg......

而且減咗類固醇之後又屙雪糕，

莊醫生話你ibd呀，要食多一個月類固醇(每日1/4粒)啊！

小虎：吓，咁媽媽要獎我食多啲好嘢啊......

 

Momi momi按摩小手

小虎好成績

我小虎今日覆診，上磅有2.5公斤，重咗少少！

今日驗血成績好好呀，HCT有24.1%，貧血改善咗好多！

白血球差不多回復正常，血小板係完全正常！

膽紅素都正常番！

仲有照埋超聲波，莊醫生話之前腫大至1.5厘米既腹腔淋巴唔見咗，

腹水就消失無蹤，媽媽可以放心啦！

今日打咗造血針，下星期媽媽再幫我打，食多7日抗生素同14日類固醇，

之後覆診一定成績好啦！

我小虎食嘢先。你知啦，食咗類固醇係好胃口，餐餐可以食兩罐Mousse，

開心！

 

小虎出院了

小虎：終於番到屋企，真舒服...

媽媽：小虎要食好多藥啊，有兩種抗生素、類固醇，

止屙藥仲有開胃藥備用....

今日驗血發現貧血指數差咗，不過莊醫生吊咗幾日水，

呢個先係真正紅血球數字。已經打咗補血針，

仲有一枝下星期望你打。

仲有血小板好低，唔知係唔係免疫系統影響，

你小心唔好撞親呀！

膽指數差不到正常！

小虎好好休息，下星期覆診要有好成績啊！

 

兒子生性（食嘢）母倍感安慰

小虎有胃口

媽媽：小虎好叻，姑娘話你胃口唔錯，

有食雞MOUSSE、ID糧，乾糧都有食！

今日問姑娘攞番驗血報告，有貧血、白血球高...

膽指數高....所以耳仔黃咗囉，有黃疸呀....

不過最緊要腎指數無事。

小虎Keep住進步，希望星期五可以出院！(因為莊醫生星期五至番)

 

小虎肚屙入院

媽媽：小虎呢兩日都噴射式肚屙，今日要睇醫生檢查清楚啦~~

胰臟炎呀！

仲有貧血、白血球高，超聲波睇到肝發大，淋巴脹，有啲水....

媽媽：你乖乖住院吊用藥，快啲好番！

 

又軟便

媽媽：小虎，又要食益生菌啦~~

小虎：哦....

媽媽：呢幾日又屙軟便，今早稀便添........今日特登早放工去幫你買，

希望食幾日會無事。

不過今次都要食長少少時間，但份量少啲，

養番好腸道！

加油啊小虎！

 

叮噹的衣櫃

媽媽：做乜又推開我個衣櫃？

小虎：我哋係叮噹，入衣櫃瞓係正常....

媽媽：明明加咗三個安全扣，都幫我整甩哂.......