慈山寺除夕法會

終於有緣出席~~

祝願在世及彩虹橋家人狗貓安好~~

回家時，違泊吃了兩張牛肉乾~~感恩。

(一張要感恩，兩張屬正常，五張都合理)

(回到家，已經係一月一日一點半了)

 

爭取坐大髀

媽媽：豹豹好叻喎，終於爭取到坐大髀~~

豹豹：我等咗好耐啦，迪奇一路霸住，霸咗好耐，我想坐，

佢仲打走我....

媽媽：衣家終於等到，慢慢坐~~

 

霧化

迪奇：做咩困住我？

媽媽：醫生話試下霧化，幫你沖走氣管/喉嚨細菌....

點知媽媽真係低能，霧化完先發現上下倒轉咗個箱，

唔怪得之接駁喉位置唔啱啦，

聽日我會裝啱位~~

媽媽：由於你肺炎無乜好轉，提早覆診，

擔心細菌有抗藥性，尋日用紙巾接到你口痰拎咗去診所，

但醫生話已經被紙巾索哂，無法種菌。

咁.....醫生檢查完都認為情況無轉差，都係改善中，

衣家用緊兩種抗生素都係強效，無謂轉藥，

而其中一種可以加多少少劑量。

而你仍然好多痰，喉嚨發炎腫，所以開多一種消炎止痛藥水！

另懷疑有疱疹病毒，所以再加埋抗病毒藥！

快啲好番啦仔！

 

暖暖18度

媽媽：小健真乖，幫我陪豹豹~~

小健：今日好暖啊~~

媽媽：係呀，衣家19度.....

媽媽：不過媽媽都擔心豹豹唔夠暖，

所以都開咗暖爐，

低度數，

如果一陣真係太熱就熄咗佢，

豹豹小健半夜可以跳上牀一齊瞓~~

 

回暖

媽媽：天氣回暖，真好，唔會凍親豹仔~

豹豹：好溫暖呀~~

媽媽：不過夜晚都開暖爐畀你，驚半夜氣溫低嘛....

 

豹豹好胃口❤️

聖誕日，難以離牀

 

平安日絕育

媽媽：小美妹妹今日一早去西貢pet space絕育，

V A姐姐望住小美個英文名叫＂燒味＂。
小美妹妹咁有fashion sense，

頭罩變成裙好睇啲？

小美：咁樣C服啲嘛...

媽媽：今日上磅得2kg，比三星期前2.2kg足足輕咗200克！

一定係媽媽唔好，畀唔夠嘢你食。

從今天起，小食多餐，一得閒就餵醬醬，晚晚有消夜，

日頭我番工會放乾糧畀你！

小美：真係？

 

溫暖

是夜10度，DS家仍然好溫暖~~

繼續守護豹豹~

 

責扁貓啦.....

媽媽：今日冬至六點早收趕回來開暖爐畀你哋，但係.....

媽媽：靜直宜你責扁豹豹啦.....

媽媽：豹豹咁叻仲夠力上牀瞓....

豹豹：唔...唔.....

媽媽：但被被唔夠暖，

媽媽即刻幫你攝番兩個暖包在絨被下，咁先夠暖...

豹豹：唔該媽媽....

豹豹：

 

繼續寒冷

媽媽：真係歸心似箭，趕回家開暖爐畀你哋~~

豹豹好叻，又平安過一日~~

豹豹：暖暖......

你哋唔好黐太近呀，唔好辣燶自己呀......

 

守護豹豹

媽媽：豹豹，天氣實在太凍啦，媽媽幫你着衫保暖，

希望你唔好介意....

豹豹：唔唔，知道媽媽對我好..

Gooloo：我哋會幫豹豹保暖架~~

小風：我都有份架~~

媽媽：大家都好乖~~

 

寒冷

媽媽：今日原來比尋日凍，早啲開暖畀你哋..

媽媽：大家要幫忙暖住豹豹啊....

 

又肺炎？

媽媽：嚇死我啦，呢兩晚係咁咳，好似有嘢想咳出黎咁，

同之前肺炎好似，今早即打去診所，

好彩下午候補有得睇~~

迪奇：咳....咳.....

媽媽：好彩呢張X光見唔到有事~~

呢張見到有少少花~~

驗血發現白血球高咗，

加埋你一入到診入就在袋內咳出來的一口泡，

醫生即時攞去微鏡下見到有好多菌，係有感染，

不過醫生聽到你肺無乜嘢，主要係氣管有聲，

肺炎應該唔嚴重。

咁，又要開始之前兩種抗生素療程，加多一種化痰藥！

 

避寒中心

早上12度~~

下午14度~~

晚上13度~~

 

室外氣溫12度

室內暖笠笠~

 

預防針記錄

今日打咗三年一度預防針，由於已經過咗預定要打針日子，

所以一個月後要打加強劑！

 

靜宜的抗病毒藥

媽媽：迪奇哥哥完成療程，呢個樽就畀靜宜用啦！

媽媽今日入咗28粒藥(55mg)，治口腔炎...

靜宜：要食幾耐架...

媽媽：一般要3個月/12星期，你好似3星期前開始食，

即係仲有9個星期咯...

或者好得快，口腔唔紅，就可以停咯..

不過我估最少要食兩個月~~

 

瘋狗針、續牌

媽媽：記錄番，尋日12月12日，

沙田即新界南漁護處打瘋狗針及續牌~~

然後星期五朝早去西貢打預防針~~

 

16周抗病毒療程成績表

紅白血球血小板一切正常~~
 

glob球蛋白仍然高少少，可能身體仲有少少發炎，

始終牙患未100%好番，

不過呢個fip療程，唔記最早兩個月打針，

8月中開始抗病毒藥莫納皮拉韋（Molnupiravir）

至尋日已經服足16周，

雖然A/G 得0.5未上到0.6安全線，

但呢項只係其中一個參考數字，唔代表一切。

所以，醫生同FIP群組谷主都一致同意停藥，

進入觀察期，醫生建議一個月後再驗血~~

媽媽：由今朝開始已經唔駛再食藥啦，
迪奇你個樣唔好咁哀怨啦.....

迪奇：係咪架....食藥真係好慘.....

媽媽，真架，停藥啦......

(除非日後再有需要....)

 

自在

媽媽：小美妹妹多啲出黎曬陽光啦~~

小美：呀呀呀...........

(被影完相就匿埋)

 

最後一課

慈心會第十二期佛學課程，今日最一課~~

期待明年下學期~~

 

你哋兩個做乜？

Bu B：我練緊手瓜~~~

小風：我刷頭~~

 

躲貓貓

躲在窗簾後被發現~~

躲在籠頂貓窩被發現~~

驚到飛機耳，

快啲習慣啦~~

 

身手好，體力好

媽媽：恐龖仔叻喎，跳到上去~~

恐龍仔：我想試下身手，證明我體力好！

 

小美body check

獸醫哥哥：睇你啲牙齒，八個月至一歲了！

媽媽：吓，唔係化，佢七月啲相似兩個月大咋喎.....

獸醫哥哥：睇相唔可以作準....

媽媽：咁當八個月大啦...點解你生得咁細粒，

得2.2kg重~

小美：係呀，(貓)媽媽話我在兄弟姊妹中係生得細粒...

獸醫：檢查過一切健康，聽心亦正常，

不過異瞳係基因突變造成，可能有其他病，例如心臟病，

可以抽血驗基因睇下有無呢啲病。

今日打第一針，一個月後打加強劑，

平安夜24號絕育啦...到時再決定驗唔驗..

 

小美的心事

媽媽：小美半夜不停喵，好淒厲，究竟有咩心事？

今日請傳心師Brenda姨姨幫忙了解~~

Brenda：小美點解半夜喵喵喵呀？

小美：我掛住(貓)媽媽啊~~

第二，我唔想困住啊.....我想(人)媽媽抱住我摸我...

第三，我知道明天要去診所，好驚啊~~

Brenda：你想媽媽抱，我話佢知；明天去診所檢查，唔駛太擔心，媽媽會陪住你，診所姑娘獸醫好好人，會好溫柔待你~~

Brenda：媽媽讚你好叻，第一晚回家就識在砂盤便便，

但點解你在牀仔尿尿呢？咁會令到身體臭臭啊...

小美：吓，便便同尿尿可以在同一地方嗎？在山邊生活唔係咁架....

而且在牀仔尿尿，暖暖的，我唔覺臭臭啊...

Brenda：衣家在室內生活唔同架啦，便便同尿尿都在同位置架..

媽媽幫你換咗新窩，唔好在窩內尿尿啦.....

小美：哦...

 

唔駛我出手...

媽媽：蘇菲妹妹，快啲起身幫我睇下小美妹妹，

佢尋晚咗成晚啊~~

蘇菲：好多貓關心佢，唔駛我出手~~

都係繼續瞓~~