小威P圖去沙灘

 

殘障小貓成長記 小威：我有6架輪椅

小威回家了

媽媽：小威有好多水果味醬醬陪你呀，

其中兩盒開咗一齊燒，

你話會收到意的。

其他就衣你吩咐帶回家請貓哥哥姐姐細佬妹貓食。

歸隊了

 

小威回喵星

我陳小威今日凌晨，等媽媽瞓咗之後(為免佢傷心)，

就自已出發回喵星啦，唔駛天使帶領，我識路~

媽媽知道我想食水果味醬醬，可惜我食唔到啦，

媽媽話告別式當日會帶好多水果味醬醬罐圍住我，

唔好浪費啊，之後帶回家畀哥哥姐姐食啦~~

我知道媽媽愛小威，

小威都愛媽媽！

Bye bye啦~~

 

喵喵喵=好肚餓呀

媽媽：今日傳心師話我知，原來小威喵喵係因為肚餓，

但將食物送到嘴邊又食唔落...

小威：我想食水果味肉泥.....

媽媽：係尋日新買的罐罐，仲以為你哋唔鍾意添，

明明媽媽再去買，

衣家乖乖打水，明天要食多啲！

 

小威喵喵喵

媽媽：小威呢幾日不斷喵喵喵，

有咩說話想講？

媽媽自從大約三個月前發現小烕腎衰竭後，

開始特別飲食，每日打水，

雖然開頭重番少少，之後差番，

愈來愈瘦，

夜晚打完水，翌日早上又脫水，衣家要早晚打水啦...

小威豬喵喵叫，呢啲都係快要回貓星徵兆，

媽媽請傳心師同你傾偈，有咩說話請同佢講啦...

 

牀單與牀尾

媽媽：咁呀小威，今朝六點見你响牀尾被上屙咗屎，點解咁架....

小威：.........

媽媽：媽媽知道你鍾意牀鋪軟淋淋，可以畀哥哥姐姐包圍，

媽媽都鍾意見到你上牀瞓，但係唔好再响牀屙，得唔得？

 

小威愛新牀鋪

原來小威兩年前已經鍾意咁....

 

無上牀瞓？

媽媽：小威子，呢兩晚都無上我牀瞓，

係唔係驚抵唔住軟淋淋被鋪同哥哥姐姐圍住的溫暖感，

唔覺意尿牀呢？

拿，你可以上牀架，記住尿急時跳落地屙就OK

今日媽媽見到你在報紙上屙，好乖豬！鍚哂你！

 

尿牀

媽媽：小威子，最近做乜頻頻尿牀？幾乎晚晚、日日，

仲要係特登跳上牀屙，點解呀？

小威(傳心師翻譯)：牀上好溫暖，有哥哥姐姐包圍住，

加埋尿尿暖笠笠，我好鍾意...

傳心師：但係咁唔係幾好喎....

小威：媽媽會做好清潔！

傳心師：係姐，但媽媽辛苦嘛....

媽媽讚你平日在人廁所地上、貓砂盤旁屙，話你好叻好乖！

小威(雙眼放光)：真既？真係讚我？....但我覺得唔夠真心...

傳心師：可能當當下媽媽要清潔先.....我叫佢真心啲讚。

小威：仲有响地板屙係凍冰冰，唔及牀上、被上溫暖....

傳心師：小威好叻既，你會知道點做的。加油！

 

玉兔福星

花姑娘

珠女

福仔

小威

 

是日大雪

媽媽：是日大雪，是夜不凍，有十八度，

不過都係開定暖爐畀你哋..

呵呵，小烕永無失威，永遠霸到頭位~~

 

小威失蹤？

媽媽：今朝見唔到小威豬，搵過各位貓洞、梳化底、

牀下底，衣櫃，電視櫃....

都唔見...

原來你匿埋紙箱瞓覺....嚇死人咩....

小威：我咪仲咗個頭出來咯，乜你睇唔到咩？

 

又霸住

媽媽：晚晚都霸紙箱，點解唔瞓隔離個紙箱？

小威：呢個高啲，睇嘢清楚啲....

 

小威最愛小紙箱

 

大Project

媽媽：十五公斤，好大件貨~~

媽媽：小威豬跪好做碎紙機啦.....

小威：我無啊....

大雄：我幫手睇實~~

Bu B：紙箱好好瞓.....

 

木咀威

媽媽：小威豬，做乜咁可愛木起個咀呀？

小威：做乜講我壞話？！

 

五歲

媽媽：小威豬，今日睇番記錄，

2017年8月接你來我家暫託，

原來你不經不覺已經五歲啦！

小威：五歲？食唔食得架......

 

爽YY

媽媽：小威豬咁叻叻跳上梳化歎啊~~

小威：我知我叻..

媽媽：企起身有咩事呀？扮小速龍？

小威：練習下，唔得呀......

 

小威做運動