迪奇與蘇菲: 我係靚仔金

顯示具有 我係靚仔金 標籤的文章。顯示所有文章

2021年8月31日星期二

任務完成

迪蘇家成員最愛的地方~~

大細妹：有樹蔭，有陽光，有池塘~~

大細妹：係毛孩永久安居之所~~

小露、小雲、安仔、靚仔金、小龍、

二寶、小寶、

迪奇大哥同蘇菲姐姐，

以後就在此守護一眾迪蘇家成員啊！

2020年2月20日星期四

看見佛

金仔回家了~~
今天載着你的骨灰駕車回公司時，感覺肩膊暖暖的，
抬頭發現金仔已成佛，
真的，是釋迦牟尼佛啊！
任何人都是佛，
金仔很快成佛。
不知道，媽媽甚麼時候才能看到自己的佛性。
你要看守我啊！

2020年2月14日星期五

2020年2月13日星期四

金仔重回鄧小姐懷抱

凌晨1時10分，金仔出發往彩虹橋，與鄧小姐重聚~~
媽媽能夠照顧金仔，有金仔來疼我，真的好幸福。
多謝鄧小姐，多謝你讓金仔來到我身邊。
多謝金仔，多謝你這樣疼我。

2020年2月12日星期三

我最愛的金仔

今天中午和金仔的合照~~

媽媽知道金仔好攰了，攰了，就跟隨天使的引領回喵星吧~~~

傍晚趕回來，金仔仍在等我，好叻仔啊~~

馬上抱上回暖爐旁，珍惜我們相聚的時刻~~

2020年2月8日星期六

第四次pbmc

一如所料，又瘦咗，今次比上星期四跌咗350g啊！
(上次跌240g)
唔怕，我哋見招拆招，dr. li開咗維他命c，每天打2cc。

媽媽問準dr. li可以餵鮮牛肉，每100克熟瘦牛肉有26克蛋白質，咁每天餵到20g牛肉就有5克蛋白質啦！
加埋每天一包滴雞精亦有約4.8g蛋白質，
你一日有9-10g蛋白質，
唔食碳水化合物，癌細胞無營養，
應該夠力打仗！
金仔一定會勝勝淋巴癌！

2020年2月7日星期五

金仔出廳了

媽媽：金仔終於肯離開書房櫃，出廳瞓啦~~
今日覺得好啲嗎？
過去一星期你都無胃口，天天灌食，好彩你都肯吞，
但一天瘦過一天，肌肉無哂，剩下脹脹的肚Dum,
裏面的淋巴大一定腫哂，
腸，腫哂！
今日你好好休息，明天打第四枝pbmc免疫治療針啊~~

2020年1月30日星期四

金仔瘦咗

我瘦咗呀，比上次治療(18/1)時輕咗240克~~
呢個星期我無乜胃口,食唔落，尋日更要媽媽灌食，但只係吞咗少少~~

Dr. Li檢查時摸到我腸道腫咗，即係話，癌細胞作惡緊，
影響我消化兼無食慾.......
現在要與癌細胞鬥快，今日打第三次pbmc免疫治療針，
希望打以對抗癌細胞！
fighting！

2020年1月18日星期六

免疫治療第二針

本貓靚仔金今日打第二次免疫治療針PBMC~~
(相係上星期影今日先畀番媽媽；
今日診所太忙所以無得影)

今個星期體重保持。
打完精神爽利，眼仔碌碌，食得屙得！

2020年1月11日星期六

第一次免疫治療針

我，金仔今日到太子CAU見Dr. Li，打第一次免疫治療針。
首先要驗血。之後上磅，比上星期重咗約150g~~

當Dr. Li同媽媽解釋我剛才的驗血報告時，我好想搵個地方收埋自己~~

主要係對照番三星期前手術前驗血報告，今日我驗血成績樣樣都有些改善~~

不過，就發現我有貓愛滋，同埋冠狀病毒抗體喎~~
Dr. Li經驗中有兩次有愛滋病毒的癌症貓，打完PBMC後，病毒消失！
所以，今日我先打PBMC療程，之後先打PD1~~

本來Dr. Li之前話第一次吊藥後要留院觀診一兩個小時，
不過今日好快喎，吊完一陣就可以走啦~~
但要先跟媽媽番公司。
咁，我唔阻媽媽做嘢，就在車上休息，
夜晚回家，胃口正常，
Dr. Li話無乜副作用，似乎係真啦~~~

2020年1月10日星期五

金仔抗癌之食補品

我金仔為了打好底子，衣家每日食五種抗癌營養補充劑，
包括飯前服沖繩納米褐藻糖膠，
飯後服核酸丶beta gluten丶消化酵素丶益生菌，磨成粉或打開膠囊倒出粉溝水餵服，
其實都幾難入口，但我好乖吞哂，之後有肉醬零食送口～

2020年1月6日星期一

養好身子

媽媽：你就舒服~
金仔：我要好好休息，預備做抗癌療程嘛~~
媽媽：叻仔！已經book咗今個星期六打第一針，加油！

2020年1月4日星期六

抗癌營養補充劑好多包

今日真係畀媽媽捉咗去太子CAU見Dr. Li~~
番來要食咁多營養補充劑，有褐藻醣膠、
消化酵素、益生菌、核酸，
仲有一樣叫beta-glucan~~
想飽死本貓咩？
求先我有抗佢架，不過最後都食哂~~
唉，之後要日日食，配合抗癌療程，我暈啦~~~

2020年1月3日星期五

我靚仔金今日拆缐，傷口埋得好靚。
不幸的是，化驗報告出咗，係大B細胞淋巴癌，惡性程度高，需要化療，療程半年，過程有副作用，會肚瀉丶無胃口丶貧血，約有50％至60％機會完全治癒，平均只係大約有6一8個月壽命，亦有個案係完成化療化幾年都冇復發。
如不接受治療，可能隨時急速惡化而生命告終，這時間有幾長，冇人知。
媽媽約咗明早見CAU dr Li ，睇吓免疫治療可能性。

唔....本貓怕食藥，本貓唔想出街....唔好搞本貓.......不過明天都要畀媽媽捉出去......