2021年12月30日 星期四

蘇菲叻叻


好慘呀,蘇菲尋晚又發燒,鼻又塞哂,要打開口唞吸~
幫你滴咗消炎鼻水、消炎眼水,
一路做reiki~~
一睡到天明~~



媽媽一早打電話去診所,但今日係替假醫生,又full booking,
打去福安有dr. martin諗住排,但一路都未有消息~~
不過蘇菲超叻,今朝已經唔駛用口唞氣,
仲有番胃口自己食嘢!
9點量體溫係39.9度,12點跌番落38.9度,正常喎,無發燒~~
見你又精靈,咁媽媽番工啦!


今日放工回來再量,雖然上番少少,39.3度,
但都係正常,夜晚胃口又好,
媽媽放心了!
蘇菲:我都話我叻叻啦!


 

2021年12月29日 星期三

蘇菲發燒


媽媽:蘇菲,唔好嚇媽媽啊.....
你星期一晚打吃嚏,以為你畀小雨傳染感冒,
本來諗住見下醫生穩陣,點知星期二同今日都FULL哂,
而今晚你無胃口~~


抱起你時感覺個身熱熱地,
一探熱,41.2度,.發燒呀!
千祈唔好FIP復發,
明天一早打去診所攝時間見醫生!
蘇菲你要爭氣呀!
一定唔好復發,你只係感冒,正對抗緊病毒所以發燒啫!

 

2021年12月27日 星期一

勁flu小雨


媽媽:好彩今日診所假期都有開,好彩攝到位。
拜託你啦小雨,快啲好番!唔好晚晚伏响我耳邊大大聲塞鼻....
小雨:你估我想咩?!


媽媽:醫生開咗消炎滴鼻藥水,抗病毒藥,
同埋叫我餵你食一粒開胃藥。
唔該明天自己食埋嘢啦!



 

2021年12月23日 星期四

食住先


託媽:唔好意思呀婆婆,你食開既i/d燉肉罐罐斷貨呀,
食住普通肉醬罐先,好嗎?
嘉嘉:唔.....無分別心,食乜都無所謂.....



 

2021年12月22日 星期三

成績表




我蘇菲尋日覆診,醫生同助護姐姐都好溫柔對我,
抽血少少痛,對我打左84針(仲有最初果5針又痛又無效)來講,
衣家真係小兒科~~

紅白血球全部正常(其實打咗七星期時驗血都已經正常了)


重要既A/G ratio(白蛋白/發炎蛋白)
由上次的0.6(其實已經係安全),升到0.7,更加安全!



照埋超聲波,無任何淋巴脹,即係無發炎,我已經好番哂啦!
莊醫生話進入三至六個月觀察期,如無任何病徵,就可以絕育喎!

番到屋企,我感到好神奇呀!我真係好番哂?唔駛再打針?媽媽你有無呃我架?我會唔會再病,又要打針架?
媽媽:蘇菲已經好番哂啦,唔駛再打針啦!
蘇菲:真係既?
媽媽你要請幫忙抱實我既鄰居姐姐、叔叔、姨姨食嘢啊,
多得佢哋我先可以順利完針~~
媽媽:知道,完針當晚已經送咗一盒手工皂畀姨姨,
星期六日得閒,媽媽會整多啲美味嘢食畀佢哋!
蘇菲你都要食多啲~~肉肉啊!


 

2021年12月20日 星期一

第84針!


蘇菲:今晚好乖咁打完第84針啦!係咪有獎?
媽媽:有有有,除咗醬醬,明天冬至開魚派對好唔好?
由九月中至今打咗三個月針,今日我哋終於完成大業啦!
明天覆診驗血,攞張靚靚成績表!

 

2021年12月19日 星期日

第83針


媽媽:蘇菲真係好叻,今晚忍住痛打完第83針,
(其實晚晚都忍痛)
即係尾2的一針。
明天最後一針,
蘇菲同媽媽一齊加油,順利!

 

2021年12月18日 星期六

婆婆的超聲波


超聲波顯示胸腔有一個兩厘米的瘤~~


呢張上面靠左白色果粒,係小腎石~~


嘉嘉:食肉醬,唔好阻住我....


嘉嘉:我瞓啦.....


媽媽:婆婆真係滋陰,懶理世事變化,最緊要平和面對。
雖然今日照超聲波睇膀胱發現有沉澱物、腎有小腎石,
仲意外發現胸腔內有個兩厘米大的腫瘤,
但一切都唔重要啦,最緊要保持生活質素。
婆婆你繼續食好住我,好好享受貓生便好了。

 

2021年12月17日 星期五

第81針


媽媽:做乜一影你就苦埋口面?
蘇菲:啱啱打完針,痛痛嘛,又要戴頭罩......
媽媽:你成日Lam到紗布鈎住牙,戴頭罩就lam唔到,鈎唔到..


媽媽:今晚完成第81針,明天起就倒數最後三針,
成功在望!
估唔到醬醬食得咁快,明天去補倉!
 

2021年12月16日 星期四

2021年12月15日 星期三

Merry覆診


媽媽:尋日覆診,無重到,亦無再下跌~~
驗咗血紅素,由20%上升至22%,醫生話升得唔理想,
所以繼續打造血針,尋日打完,
再開咗三枝回家打!
明天一枝先~~


媽媽:莊醫生知道你唔食腎糧,我又無日日打水,佢話咁樣唔會改善架~~
言下之意,怪我做得唔好,
但媽媽明白既,Merry唔可以逼,咁你喜歡就是了,唔好哩埋,
上牀同媽媽一齊瞓,在媽媽身上躺,
生活開心就好,唔逼你。
Merry:唔...唔...

 

2021年12月14日 星期二

小雨又口爛


媽媽:星期二又係獸醫日,小雨又流口水,
今朝打開你個口,後面牙肉好紅發哂炎,
好彩可以同merry一齊來睇,
上磅得3.37kg,又輕咗!


好彩耳仔無發炎!
今日打咗類固醇,抗生素,食止痛藥,星期四開始口服類固醇~早晩各四分一粒!
呢幾日每日打100ml水~
快啲好番!唔該!

 

2021年12月13日 星期一

勁抗藥細菌


今晚傷口~~乾爽,無任何分泌~




今日出咗種菌報告,呢種菌有極強抗藥性,
21種較常用抗生素中得一隻Clindamycin有中度效果,



呢隻菌叫staphylococcus pseudintermedius,係葡萄球菌家族成員,
莊醫生話常見於皮膚,只係呢隻驗到勁抗藥性~


蘇菲:咁點算呀?
媽媽:都有一隻抗生素有中度效果嘛,莊醫生話最多食長啲時間。
不過今日佢只係開咗一星期。
我哋下星期都覆診,
而且莊醫生都睇到你傷口復元相,
佢話唔擔心!
仲有呀,今日已經完成77針,
明天正式進入最後七天倒數,
終點在望!

 

2021年12月12日 星期日

Merry有腎衰三期


媽媽:Merry你愈來愈瘦,所以星期二見醫生要檢查下發生咩事,
呢日上磅,得1.8kg,
上年剝牙時係1.9kg,又再輕啲。


驗血報血發現貧血及白血球高,有發炎~~


一如所料,腎指數高咗,莊醫生話三期腎衰竭。
媽媽都估到。
唔緊要,只有你生活開心就可以,媽媽唔會逼你食腎糧,肯食就食,
唔食就算,好味罐罐侍候,肯食就得!
醫生同你打咗造血針同抗生素,並叫我回家同你打水,
但你咁驚,
咁多日只打過一次。
唔緊要啦,唔嚇驚你,平安生活就好。



 

2021年12月11日 星期六

婆婆血尿


託媽:嘩,嘉嘉婆婆好叻呀,有1.68kg!


託媽:不過你屙咗幾日血尿,今日先book到醫生,
聽醫生吩咐餵定你飲水,希望到診所時膀胱有尿,點知,無尿啊~~
惟有留你在診所,等你有尿時先拮針入膀胱抽去驗。
而血液驗到甲狀腺正常,排除因甲亢引致心衰竭。
傍晚醫生抽咗尿去化驗,
並開始朱古力同抗病毒醫傷風。
血尿就要驗下有無菌先會開抗生素。

另外醫生睇到口腔有增生物,之前無的,生得咁快都唔係好嘢,
而抽組織而麻醉,有風險,都唔做了!
婆婆加油啊!希望有多啲安樂日子過就好!


 

2021年12月10日 星期五

有驚無險又一針



媽媽:今晚在爭扎中有驚無險地又完成一針,
蘇菲女王,可否合作啲,剩下十針咋!
蘇菲:痛吖嘛,自然反應,我都控制唔到架.....
媽媽:咁咪

嚇死媽媽囉....


媽媽:影下傷口先,唔錯!

 

2021年12月9日 星期四

回復戰鬥力



我蘇菲已經回復戰鬥力,
剛才打針有力反抗~~
早兩晚因為有傷口加上扎住咗,戰鬥力係下降咗啲...


媽媽話傷口好靚喎,係真唔係呀?




 

2021年12月8日 星期三

順利做完清創縫針手術


我蘇菲做完清創縫針手術。
醫生話背脊長時間打fip針,皮都硬哂,傷口旁的打針位皮膚已經無生命,要切走,否則縫針都無法癒合。
雖然傷口細細,但都縫左四針。本來傷口唔好蓋着,接觸空氣呼吸先快啲好,
但莊醫生話呢個位我後腳可以抓到,着衫又驚我自己除得到,
係,我輕易除到!
所以~~~~~都係包繃帶穩陣啲喎。



媽媽番屋企搵,發現有咁多存貨~~



佢話早之就唔駛買定啦.....



 

2021年12月7日 星期二

多災多難

真係多災多難,媽媽今朝先發現蘇菲背脊有個位深色咗,
檢查後發現有個像被利器𠝹傷的傷口,
其實我尋晚打完針至瞓覺前,即10至11點半已經傷咗,
媽媽你抱我入房瞓時我已經痛,當時傷口唔現,
你睇唔到,仲以為轉咗近屁股位打針所以果個位痛,
咁係痛既,但背後的傷口都痛,雙重痛呀!

好彩媽媽幫我打去搵莊醫生攝位睇咗先,
簡單消毒處理丶包好。
明天一早去做清創縫針手術!

拿,因為我被扎實,背又痛痛,所以今晚打針都無爭扎!
我真係好乖架!

媽媽:媽媽知道,蘇菲有強大戰鬥力,我哋一齊打贏佢!
好彩今晚打針都順利!
蘇菲有強大力量,我哋一齊打贏佢!


 

2021年12月6日 星期一

周身肌肉 孔武有力


蘇菲:唔好睇我貓仔細細,其實周身肌肉,孔武有力!


蘇菲:好啦今晚媽媽同姨姨無整痛我,
咁我乖乖合作啦!
媽媽:未來十四日都係咁順利就好啦!

 

2021年12月5日 星期日

蘇菲的話


蘇菲:仲問我點解打針咁反抗?
喂呀,你畀人大力按實個頭,唔舒服自然會反抗,我係貓黎架麻....
我知發出紫光既441針注滿媽媽的愛,
令我有強大力量,不過有時整到我唔舒服而反抗,我都控制唔到...
媽媽你話仲有十幾針,打完開心過聖誕,
咩係聖誕?係唔係有好多肉醬食?
媽媽:肉醬任食,魚柳放題.......
請你以最大忍耐接受埋最後十五針,
係最後十五針咋!
(今晚係搞咗大半個鐘先完成)

 

2021年12月4日 星期六

教我如何好針?


媽媽:蘇菲對唔住,今晚係媽媽第一針落得唔好,
令你痛痛,
之後試咗好多次都因你太緊張,谷到皮都硬,拮唔入,
如果夾硬拮,又會痛至你......
最終又鄰居叔叔、貓友姨姨,搞咗接近一個鐘先成功!
媽媽請傳心師再向蘇菲請教,教我如何打埋餘下的16針~~
只係16針,兩星期多少少,
之後就快樂過聖誕啦~~
加油呀蘇菲!

 

2021年12月3日 星期五

完成抗生素療程


尋晚,婆婆食完兩星期的最後一次抗生素,
終於完成療程!
事實婆婆自睇完醫生開始食藥,已經無粉紅尿~~
婆婆叻豬!

 

2021年12月2日 星期四