烏嘴歸隊

 

給烏嘴準備

 

細妹靜雞雞出發...

媽媽：細妹今朝靜雞雞出發去彩虹橋，有啲突然...

細妹：我特登靜雞雞走，減少媽媽嘅傷心。

媽媽：即刻播住心經你聽，一陣善終公司會來接你...

細妹：裝我個盤要乾淨啲呀！

媽媽：有冇天使或者響導接你？

細妹：我係狗嚟㗎！唔駛架...

媽媽：傻豬，狗都有天使接㗎嘛

媽媽：細妹好叻，走時竟然無漏尿......

細妹聽到我讚佢好開心，搖住尾。

來自大浪西灣嘅細妹走完11年狗生路，再見啦！

 

撲個空

街市雜貨店長魚蛋媽媽和細B~

尋日帶你回家，等今早去絕育~~

點知，診所搞錯日子，我明明book星期日，唔係星期六，

星期六要番慈心會嘛...

本來VA試下插位，但今日實在好Full，

安排六月四日星期日做~~

即刻送你番雜貨店，一回來老公仔燒賣即來迎接，一家團聚！

我下星期六再來~~

 

上課

今早慈心會上完堂，

浴佛

阿彌陀佛

 

佛誕日

今日佛誕假期瞓晏啲，

一起身發覺停水，緊急維修中，辛苦哂咁多位師傅，

惟好遲先有水車，我借用鄰居伯伯井水清潔然後番工~~

佛誕平安~~

 

入房、上牀

托媽：咦，花姑娘，自從烏嘴上咗彩虹橋，

呢兩晚都見你上牀喎...

花姑娘：我想試下入房滋味...

 

飲水器好番啦

靜宜：飲水器終於正常出水啦...

媽媽：真係唔好意思，飲水器上星期壞咗，個泵唔出水，

媽媽要向代理查詢，本來打算尋日拎去打磚坪街代理修理，

點知烏嘴上彩虹橋，要送佢去善終公司，

今日先有時間拎去整，

原來下底摩打有水氣，因而壞咗，

衣家換個新底連摩打，可以正常飲水啦..

 

烏嘴上彩虹橋

烏嘴：媽媽我走啦，陪唔到你繼續修行~

媽媽：仲有好多貓陪我修行嘛。

上到彩虹橋，日後如果投胎，記得唔好好似蝦小咪咁，

蝦人蝦動物呀...

烏嘴：呢啲唔係蝦，只係先下手為強，

我唔出手先，就會被人蝦....

媽媽：哼.......好好休息啦....

(烏嘴尋晚無胃口，食咗一條肉醬，再開第二條已經食唔落，

尋晚打水體弱到要趴地挨住我，

今早起身發現佢上咗梳化瞓，叻仔呀，咁弱都跳到上去，

休息到下午2:35pm就出發上彩虹橋，過程順利少痛苦

走到瀟瀟..)

 

驚驗

驚險！

夜晚回家開電視突然聞到𤓓味，

然後啪一聲電視連同一拖板的router、modem都熄哂，

連大制中的廳插蘇制都跳咗……

唔知源頭係邊度，即刻拔哂兩個拖板，趕出去買新拖板，

好彩有店鋪未關⋯⋯

回家後插番掣全部電器冇事，咁應該就係拖板問題～

 

想吃糉

 

烏嘴寶寶

媽媽：屙Nancy，屎忽臭臭仲黏住屎跡，

係要坐埋黎.....

烏嘴：唔知有幾耐日子，坐得就盡坐....

 

星期五晚

可以好好休息了~~

 

又賺一個月

媽媽：犀利喎烏嘴，之前擔心你過唔到生日，

結果平安踏入13歲，

衣家又賺多一個月，叻呀！

不過媽媽知你好攰了，時候到了就要乖乖跟天使走啦...

 

三位住客

媽媽：CC跳躍應力最強！叻！

 

又新牀仔

媽媽：珠女小姐滿意嗎？

珠女：超鍾意呀~~

媽媽：福仔呢？滿意嗎？

福仔：有得浪頭，唔錯....

 

隔離飯香

媽媽：你哋兩個明明有自己私家飯

(罐罐/生肉+罐罐+腎補充品)，

點解食少少後，就出黎出餸尾？

恐龍仔/花姑娘：龍肉食得多都會悶..我哋想食乾糧....

 

我愛紙箱

媽媽：估唔到恐龍仔都受唔住紙箱誘惑....

 

點貨

媽媽：借借啦~~

蘇菲：我要點貨..

 

輕鬆

託媽：花姑娘真係乖，

伏响度唔郁畀我打水...

花姑娘：你唔好整痛我就OK...

 

婆婆你好嗎？

 去年今日，嘉嘉婆婆華業去彩虹橋

至今一年了，婆婆你好嗎？

豹仙人新修練位

請勿打擾...

 

終於無屙爛屎

福仔：可以瞓牀仔啦~~

 

王座

小風：好嘢，身手好，又霸到！

 

安心欣賞雨景

 

唔該借借

托媽：唔該借借，媽媽要做嘢啊....

恐龍仔：望住我啦，唔好做嘢啦....

十足食力

媽媽：細妹好叻喎，星期一食到幾粒，

星期二食到平時六七成份量，

呢幾日回復十足食力，勁啊，

應該未到期上彩虹橋...

細妹：未有天使call我.....

 

 

仍然臭臭

託媽：仍然臭臭喎你，支收乾便便營養膏又食完，

聽日再買先！

快啲屙靚屎啦....

 

有鼻水

託媽：點解你成日有鼻水，來，等我抹咗佢.....

恐龍仔：我係咁架....

託媽：又Flu囉，應該會自己好番，

如果唔好，就要食抗病毒藥.....

 

爛屎鬼

託媽：屙咗幾日爛便啦，

同我食咗佢！

福仔：咩黎架？

託媽：止爛便囉...

希望食完一支會好///

 

五一不勞動

媽媽：你哋三個咪搶我嘢食，

你哋唔駛勞動，但媽媽五一照番工，

好肚餓，唔好搶我晚餐....