迪奇與蘇菲: 12月 2017

2017年12月31日星期日

2017年12月30日星期六

兩父女出領養日

肥貓爸爸同大女花花今日出領養日，爸爸又一副驚樣呀~~

花花雖然都驚驚豬，但表現比預期喎~~

其實肥貓爸爸是否一世賴在我屋企，唔想搵家呢？
咁樣樣，搵鬼領養你咩？

2017年12月29日星期五

小寶回家了

媽媽今日接咗我小寶回家啦~~

媽媽送咗好多花花陪我，搞到我小寶好似發花癲咁，不過佢話靚喎，花花好襯小寶開心樂天性格喎~~

媽媽成日讚小寶係全宇宙最乖貓，呢點我當之無愧，我食藥真係好乖架！剪甲甲又好乖架！
媽媽又讚我好懂性，係架，我小寶好有智慧，我哋貓貓來到世上亦有任務。我的任務就係來陪人類，人類工作忙忙忙，心靈空虛，太過寂莫，太易被人傷害，所以我小寶來陪伴你哋幾年，扮可愛乙水你哋開心，嗲你哋，唔易架！哎，有時嗲到我自己都毛管戙呀。
媽媽，我希望你將一切放慢速度，唔好番到屋企仲騰來騰去，你要休息，攤响梳化，等我哋一個一個坐上你個身。仲有你好心打扮吓啦，出來識下人啦，擴闊生活圈子，少啲挑剔人，要包容下人地，咁先識到人，搵第二春！
媽媽，雖然我哋貓貓既生命只有十幾年，但天大地大，天長地久，只要耐心等候，我哋總有一天會再相遇。
媽媽，保重！

2017年12月28日星期四

小寶你好嗎？

小寶今天離開了一星期。小寶，想你必定在彩虹橋上享受陽光吧~~彩虹橋上有很多魚柳嗎？
媽媽今天給你買了很多花，明天陪你的軀離入爐化成灰燼~
小寶，愛你！

2017年12月27日星期三

小威扮老虎

媽媽：小威又扮企鵝仔？

小威：我係袋鼠~~~

小威：唬~~我扮老虎~~

2017年12月26日星期二

威威兔

2017年12月25日星期一

肥綿偷食

2017年12月24日星期日

聖誕童子

今晚平安夜，我陳小威代表迪蘇家所有成員，祝大家Merry Xmas~~

2017年12月23日星期六

小寶的話1

今日係我小寶離開的第三日，媽媽我知你好乖，今次喊少咗。但喊好傷身架，喊少啲啦！
其實早在11月7日，brenda姨姨已經同我傳心，我同媽媽講咗好多說話。
當日，陳老師傍晚睇到我小寶升高咗，望番自己身體，以為我正上緊彩虹橋，叫媽媽立即回家睇我，因為我縱使走，都會有一兩個小時停留在家，於是果晚，媽媽好快咁飛車回來，當聽到佢開門果刻，我即刻捐番入自己身體度，所以，媽媽見到我在生好開心！
呢一日對我小寶來說好重要，因為媽媽飛撲埋來攬我！
我小寶好叻架！
媽媽想知我是否辛苦，其實我當時感覺身體輕飄飄，幾好呀、呼吸比較慢及輕；心跳就比較急，同埋心口有少少翳住，腹腔有少少冤痛，少少啫！
雖然我呼吸係有少少難，但ok架，媽媽放心！
我知道自己有一日會走，都預咗，但估唔到行行走先我一步啫。
媽媽你要堅強啲，唔好成日喊，我哋每一個走你都係咁喊，次次嘁好傷心架！
呢段日子希望媽媽多啲鍚鍚我，你鍚我我感覺好溫馨，小寶好鍾意......
(待續)