任務完成

迪蘇家成員最愛的地方~~

大細妹：有樹蔭，有陽光，有池塘~~

大細妹：係毛孩永久安居之所~~

小露、小雲、安仔、靚仔金、小龍、

二寶、小寶、

迪奇大哥同蘇菲姐姐，

以後就在此守護一眾迪蘇家成員啊！

 

唔好再加貓！

二寶：媽媽問我，點樣先可以令大家乖啲，照顧好呢個家？
我話好難的，因為每個貓都有自己性格，每個都有自己要求，
咁你要滿足咗我哋要求，我哋先會乖架嘛！
我都知媽媽辛苦，我哋貓口眾多，無法子喎！如果媽媽想生活好啲，就要記得記得記得唔好再加貓！
媽媽你既限額係十五隻，超過呢個數就辛苦！如果日後有緣貓數目下降至低過十五隻，先可以加貓！
出一隻，可以收番一隻，否則就辛苦！
記住呀，邊個再畀貓你，一定係整蠱你，千祈唔好上當呀！
好自為之啦，我去玩啦！Bye~

彩虹橋的信差

hi，大家認得我二寶嗎？
今日brenda姨姨上來彩虹橋同我傳心，我話佢知，我衣家好開心呀！
我已經開始新生活，好忙，所以無番過屋企！
媽媽聽到我咁講，有開心，亦有我落，我竟然無掛住屋企啊！
其實我在彩虹橋有好多工作，其中一項係做信差，將A要說的話走去告知B！
你哋梗係覺奇怪呢，明明在彩虹橋無地域界限，想去邊只要諗一下就可以嗖一聲去到，
駛咩我做信差呀！
咁下下咁容易就唔好玩啦，都要制定一啲界限，咁我哋生活先有樂趣，亦可以模擬在世時的生活嘛........
好啦，講住咁多先，明晚再續.....

fb回憶

今天fb彈出來的2014舊照，在彩虹橋的二寶你好嗎？得閒回來探媽媽？
小寶我知你在彩虹橋生活好好！

二寶生活好

我二寶已經上咗彩虹橋三星期啦，已經開展新生活。尋日陳老師來探我，我畀佢睇我手手，生番毛啦！

之前剃咗毛，好肉酸！衣家靚仔番LU~
我衣家有好多朋友一齊玩呀，好多黃白貓，仲有行行色的貓，,當然有一個係行行啦！
我生活得好好呀媽媽，唔係擔心我架！
我要去玩啦，bye~~

二寶回家了

二寶，你喜歡這些玫瑰嗎？媽媽覺得好襯你啊~~

我們最後拖一次手後，你便要安心快快飛到彩虹橋報到，學做小天使呀~~

這時你BB時的相，由於你哋細個太似樣，最初選錯了三寶BB相呢，好彩媽媽最後都搵番你....

乖仔呀，上到彩虹橋就快樂地享受生活啦，行行話見到你個影呀，但未上到去！你上到去記得搵番行行一齊玩呀~~

一家貓在彩虹橋要相認，相親，相愛呀！

二寶小時候

二寶，媽媽搵番你細時的相，好可愛呀！

典解你咁多表情架！

你哋來我家好耐啦，睇番FB相簿，先記起原來你地係2013年8月15日8號風球(尤特)高掛時，在西貢對面海出生的浪貓。因為其中兩隻B被村民發現腳仔無咗截，因而救起送來我家，大家姐、細佬同媽媽一齊被領養,，你同三寶就一路在我家成長~~~
能夠有二寶一齊生活，媽媽覺得好幸福啊！

再見二寶

我的二寶今天傍晚已出發奔往彩虹橋，不用再吃藥，不用打水。慶幸今早出間前，媽媽抱過你，親過你！
雖然回家時你的身軀已冷，但我知你仍看着我們，仍看着這個家。雖然你有點不捨，但你知道要出發去下一站，很豁達，回望我們一眼後便嗖一聲飛上天！
二寶，媽媽愛你，彩虹橋再聚！

天氣涼了

好涼咩各位？留番少少位我瞓嘛唔該！

小寶今日叻仔啊，要我灌食兩日，今日又有番胃口可以自己食嘢啦！

二寶，我哋繼續加油，打手唔好爭扎好唔好？你阿媽我又拮親手啦....乖啦唔該.....

病兒安好

兩病兒，回家見到你地安好，感恩！

迪奇瘦小身軀着番衫，靚仔哂！

二寶你要加油呀！你得架，你會無事架！

二寶出院

媽媽：二寶唔駛擔心，媽媽同你一齊打仗！ 

超聲波無發現腫瘤，只係見到膽附近有炎，肝有少少發大，加上驗血指數膽指數高咗及有黃疸，吊水兩水日黃疸無退仲多左，懷疑fip~~

媽媽在網上看到了！希望唔係fip，fip無得得確診的！
二寶，有我同陳老師reiki，你會好起來的！
媽媽愛你，媽媽愛所有寶寶，愛陳家所有寶貝！

鍚鍚二寶

二寶唔好衝籠啊~~ 

二寶乖，希望明天退黃疸，腸消氣，可以順利照超聲波，可以順利回家。媽媽鍚鍚....

二寶入院

當小寶有番食慾，又到二寶睇醫生了！
最近突然暴瘦，有傷風，本來星期一已經Book咗以前太平道而家去咗npc的江醫生星期三，點知江醫生病了請了兩天假，今天才有得睇。一驗血，白血球高、紅血球低，好彩HCT都有20幾，未去到要輸血。
照X光，肺有少少花，但CATFLU唔會令你突然瘦成咁，仲有黃疸。
留低你照超聲波，可惜因為腸氣太多，阻礙視線，睇唔到內臟器官。
二寶乖，今晚乖乖在醫院吊鹽水，希望過兩日黃疸退，腸氣消散，可以照起起波！
加油呀二寶，媽媽一定會帶你回家的。今晚好好安睡，媽媽同陳老師都會同你做REIKI~~