2022年2月28日 星期一

塞尿道


山山:好驚呀....
媽媽:我畀你嚇死就真,睇到你去砂盤久久未有尿,摸到你膀胱好脹,
塞咗尿道呀,一定好辛苦,擔心咗成晚,
今朝一早帶你去診所等開門,
好彩莊醫生即刻睇...



中午醫生打來報告已經通咗尿道,
傍晚去探你時見到尿袋血紅色,
都知道你尋日好辛苦~~
不過叻仔呀,今日上磅有4.46kg,
出院後要食尿道糧,應該會更肥啦~~

 

2022年2月27日 星期日

2022年2月26日 星期六

精神好


媽媽:小雨,今日精神幾好喎,
本來早兩日見你唔多吞,灌食份量逐漸減少,
但今日唔覺唔覺早上餵咗9支3ml,
夜晚又有8支,
計落都有50ml!
肯食就好,
媽媽用愛包圍陪伴你過每一天...

 

2022年2月25日 星期五

煤炭屎


媽媽:好黑呀你,成舊煤炭屎咁~~~


Bu B:咁我上世係黑B,今世都係深灰呀嘛....

 

2022年2月24日 星期四

陽光下的小雨+左右護法


媽媽:今日終於有暖暖的陽光~~
\小雨,曬多啲~
小雨:唔該媽媽,但有啲曬得耐,衫衫同我披毛之間積聚好多熱力,
頂唔住呀....
媽媽:原來係咁,多謝小雨趁機話畀傳心姨姨知...


嘉嘉:有我幫手睇住,媽媽你放心啦~~
小健:仲有我陪住,媽媽安心番工...
媽媽:多謝你兩個呀!

 

2022年2月23日 星期三

2022年2月22日 星期二

分流


今早只有幾隻貓責住我~~

九隻貓圍爐~~


五隻貓在電暖墊~~
大好啦,分流成功!

 

2022年2月21日 星期一

好凍


媽媽:唔該借借,可以畀個位我嗎?


今日全日只得八至九度,我在家工作為咗可以開住暖爐畀你哋,
到咗夜晚先醒起,點解梳化咁凍?
先醒起充滿尿味的電暖氈已掉咗,
七點幾拿拿臨出新港城買電暖氈,
一回來即鋪,成身暖哂~~

 

2022年2月20日 星期日

BB傳心


我點解會在垃圾站出現?係有人帶我去,我感到環境溫度唔同咗,好凍呀,
所以我係咁喵囉.........唔係求救,唔識求救,
驚咪喵喵喵叫囉.....
我前世係一隻黑貓,叫小克~~
在地上表演伸懶腰你睇吖~~

 

2022年2月19日 星期六

暫別喵喵


媽媽:今日真係好突然,當打掃完,中午開飯時竟然發現喵喵你在貓架上垂下了頭,
一摸,你身已僵硬,上了彩虹橋....
立即請傳心師找你,
當時你不知發生何時,喉嚨有東西頂住,以為可以入回身體......
傳心師告訢你,你已經離世了,
你好震驚,唔相信,,,
後來經傳心師解釋才明白,
雖然仍在惶恐中,當知道已經離世的事實後,就充滿活力的打算去投胎再回來我身體,
因為你認為陳家毛孩走了後可以再投胎回來已是慣例......
我聽到都覺好笑。
你好好上彩虹橋休息、安頓好先,了解下你的生命任務,
如果你有緣回來,媽媽好歡迎。
之後傳心師見到有位大約三十餘歲身形瘦削,
穿灰長袍配長褲子,掛了佛珠女士迎接你,
你像是認識她一樣,乖乖跟着走。
暫別啊喵喵!

 

2022年2月18日 星期五

BB見醫生


託媽:BB你真有運,尋晚遇到好心印尼姐姐守候個幾鐘,
終於等到救兵,救兵夜媽媽來按我門鐘求救,
當我帶埋手提籠去垃圾站,印尼姐姐一手拎你後頸推你入籠,
咁你就唔駛捱凍捱肚餓。
今朝仲好彩,我電郵咗你眼仔短片給醫生,雖然今日Full booking,
但我帶埋你在車去診所取糧,咁啱莊醫生睇完片話可以睇,
你話你幾好彩呢!
莊醫生檢查完話你左眼之前細菌感染發炎己經穿咗,
但傷口已經生番埋,所以有個泡咁...
你仲有癬,
體重過輕,三至四個月大的英短應該有1.8kg,但你只得1.5kg。
衣家醫咗cat flu先,開咗抗病毒藥、朱古力(我有)、
兩種抗生素眼藥水控制發炎先....你係咁流眼水流白色黏液....
當前係醫好cat flu,控制好發炎,增重!
日後健壯先摘眼球。
BB努力食多啲!
下星期覆診!

 

2022年2月14日 星期一

迪奇絕育


媽媽:迪奇乖,絕完育番來會攰啲,插過喉可能令到喉嚨唔舒服,
搞到你成日想咳痰出來咁,
休息下會無事架...
迪奇:.........(無哂心機)
媽媽:蘇菲,你咩事呀?
蘇菲:邊個黎架?好驚呀.....
媽媽:傻豬,迪奇哥哥都唔認得?
今朝你唔見咗迪奇哥哥,擔心到早飯都唔食...
夜晚迪奇回來啦,你又驚到哩埋......
蘇菲:我...我...驚驚...
媽媽:唔駛驚,你明天就會認得番....
今日第一次見到蛋蛋,原來咁既樣....呵呵......

 

2022年2月13日 星期日

好精靈


託媽:婆婆咁叻,自己上牀?
嘉嘉婆婆:我仍然有氣有力~~


託媽:轉個頭又去歎暖爐,醒!
婆婆:貓老精,鬼老靈嘛~~

 

2022年2月11日 星期五

小雨要食多啲


媽媽:小雨,媽媽見到你呢幾日都有努力食,
但係食量都比較少,
加油食多啲好嗎?
小雨:我有努力架,但食唔落嘛,吞入喉嚨時有啲辛苦....
媽媽:媽媽幫你喉嚨做Reiki,有無好啲~~
小雨:今日好啲啲...
媽媽:媽媽力油幫你reiki,小雨加油食嘢好嗎?
小雨:哦..

 

2022年2月9日 星期三

婆婆處之泰然


託媽:婆婆,今日完全唔食?
嘉嘉婆婆:食唔落........
託媽:唔緊要,等媽媽餵你飲滴雞精.....






託媽:婆婆叻啊,夜晚自己食咗少少.....
雖然唔係好凍,但你都係同大家大齊歎下暖爐吧~~


婆婆:我OK架,唔駛擔心。適當時候就會休息...

 

2022年2月8日 星期二

好好休息


託媽:嘉嘉婆婆,今日你好似無乜氣力咁,
好好休息啊~~
嘉嘉:哦....

 

2022年2月5日 星期六

一齊响大廳


媽媽:福仔,乖乖坐梳化一齊睇電視好嗎?
福仔:我想周圍行吓喎....
婆婆:你學下我乖乖在咕臣上瞓覺啦....

 

2022年2月3日 星期四

好凍呀


大年初二,
今日全日好凍,暖爐伯伯只係休息咗幾個鐘,又要開動~~


迪蘇攬住瞓,最Sweet

 

2022年2月2日 星期三

向婆婆學習


小雨:婆婆,借個身畀我依靠~~


婆婆:你要好似我咁,無分別心,日日以平常心咁過....

 

2022年2月1日 星期二

初一,休息日


媽媽:蘇菲早晨!
蘇菲:媽媽早晨~~
媽媽:今日大年初一,好鬼凍,頭又痛,我哋..都係繼續瞓啦我哋.....