任務完成

迪蘇家成員最愛的地方~~

大細妹：有樹蔭，有陽光，有池塘~~

大細妹：係毛孩永久安居之所~~

小露、小雲、安仔、靚仔金、小龍、

二寶、小寶、

迪奇大哥同蘇菲姐姐，

以後就在此守護一眾迪蘇家成員啊！

 

新春去彭福

今日天氣好好呀，好到好似夏天咁，25度~~

我蘇菲帶咗媽媽去彭福陪我散步。行多啲路身體好呀！
你哋都要行多啲。
祝各位身體健康~

榕樹大師

我蘇菲今日來探福大樹，可惜我身後的大樹已不見了~~

已被移為平地~~

榕樹大師，你好好在彩虹橋休息吧，彩虹橋上有迪奇哥哥同好多好多你守護過的毛孩，你哋先團聚吧~~

彭福大樹

彭福榕樹在十號風球下被吹成兩截，倒下了~~

我哋迪蘇咁多年來去到都在大樹下乘涼~~

在大樹下留下好多腳毛~~

彭福大樹我哋愛你呀，你一定會好番架！

初二去彭福

好凍呀今朝，當媽媽抱我上車時我蘇菲即變震震狗，好彩媽媽即姐番上樓拎咗兩件衫。咁着一件啦....毛毛雨啫，都夠保暖.....

今朝彭福好大風，又凍，搞到我蘇菲無哂mode~~
坐咗個零鐘就出去食飯然後歸家啦~~

但真係人算不如天算，食食下飯太陽伯伯出來了，於是我地趕回彭福~~

好好太陽，好溫暖啊~~
我蘇菲最鍾意同迪奇哥哥一齊跑彭福，呢度有我哋最美好的回憶。
迪奇哥哥，下次蘇菲跑彭福，你要來陪我啊~~

久違了的彭福草

我迪奇同蘇菲今日新車落地呀，剪彩禮在彭福~~彭福，我們回來了~~

今日陰天，無陽光，但有得來嗅嗅久違的彭福青草氣息，真係感恩~~

我迪奇在草地上行咗陣，由於無乜力同失平衡，都係伏响度休息安全啲，睇唔到嘢既蘇菲就可以索索索周圍行~~

不過你要小心呀，唔好叉錯腳落池塘呀~~

可以在彭福青草地午睡，真係好寫意~~
不過氣溫好快下降，大約五點已經好凍吓，要上番車回家Lu~~
不過家陣有寵物車，媽媽話下星期又可以來啦~~

開心在彭福

好開心呀，今朝有得來彭福~~

雖然我蘇菲眼矇矇，睇得唔係幾清呢個世界，但來到彭福咁熟悉既地方，唔會盪失路架~~

今日我來表演食餅~~

嘩，今日好曬呢~~~

食完餅餅，影埋靚相，陪迪奇哥哥在樹蔭下吹下涼風，滿足！

靚花

早晨呀~~我蘇菲終於有得星期六朝來彭福啦~~

今日天氣好，心情好~~

好耐無黎，好多黃花花，好靚，好襯我哋呀~~

彭福又有慘案

好靚黃昏景呀~` 

我哋今日五點幾先到，媽媽一到就同狗友八吓尋日唐狗咬死芝娃娃慘劇......
事綠芝娃娃行理唐狗旁，唐狗聞佢pat pat時芝娃娃狂吠，下一個鏡頭已經係唐狗咬住芝娃娃fing，後後好快雙方家長出現，芝娃娃送;院，可惜最後心跳停頓...\
唉，陰功，愛犬芝娃娃就咁一命烏呼

本來媽媽想八下邊個兇手，但其實都係意外，唐狗家長亦好負責全程跟去醫院並付醫療費,所以呢，做小狗做乜咁惡唔識死呢......
我迪奇就無咁傻啦....

蘇菲烈女雖然會鬧八婆交，但見到大狗會趴响地或反肚.....點會同大狗嘈呢？

今日媽媽掛住八，我哋都無周圍行，陪住媽媽hea咗陣，天黑了，回家咯！

未涼喎

哈，以為入秋開始涼啦，點知今日彭福好翳侷.......
不過，有得跑或HEA彭福，當然最開心.....

彭福第3 day

迪奇：第三日黎彭福啦~~ 

蘇菲：媽媽話好煩好煩，唯一最開心係帶我哋來彭福~~

迪奇：睇下有有無魚魚捉先？

迪奇：嗄嗄，無呀~~

蘇菲：其實我哋陪媽媽來捉精靈既，不過，彭福其實好少精靈~~

迪奇：因為我哋可愛過精靈，家長攬住我哋最開心~~
媽媽放埋今日寶貴既假期，明天番工！我哋又要等幾日先有得玩lu~~

難得星期一去彭福

今日我哋竟然有得黎彭福呀，媽媽放假呀！

不過園中央噴藥，關咗閘，我哋第一次黎到園外圍呢個地方~~

呢兩個亭，我哋以前都未試過行咁邊皮~~

迪奇哥哥見媽媽掛住捉pocket mon，佢都行去捉埋一份~~`

`我等到悶，碌下草好過~~

夏日可以hea到七點幾，又唔熱，好爽！
聽日唔知仲有無得黎呢？

夏日黃昏彭福

彭神伸脷

迪奇：嗄，好熱呀，伸哂大脷....其實都己經六點，有涼風，但我哋狗地好怕既......

蘇菲：我好啲，無咁大條脷.....

迪奇：其實我哋今日都好晏到，散下步，坐下櫈咁，唔多想郁呀~~

但我哋衣然係好ENJOY來彭福.......每個星期都最好來一次！