富貴於我如浮雲

今日天氣反常，中午馬鞍山刮起狂風下起暴雨，就像今天股市狂瀉恒指跌800點，但早兩天明明天氣放晴股市大升(昨天恒指都升400點啦)，果真天有不測風雲！






好彩，媽媽自從在○○年買過股票蝕鬼晒之後，都無再入市啦，否則佢今天再學人玩，分分鐘連我地啲伙食費都輸埋啊！但佢今日食完晏竟然同我地咁講：「我都有入市，不過，輸，最多都係輸廿蚊啫！」我們側着頭一臉疑惑回應，佢見我地唔明，就再話：「六合彩累積彩金有四千幾萬呀，中咗一齊歎和牛！」哈，好呀，又有和牛吃啦~啦~啦~啦~~~~~~~~~~






吓，你覺得我地好虛榮？你誤會了，狗狗是沒有虛榮心的，只有養我們的主人才有！否則怎會有Dior同Goyard狗袋、Burberry狗頸圈狗trench coat啲咁既虛榮嘢吖！虛榮的主人將這些虛榮的東西放在我們身上，令我們變成虛榮的狗，你以為我們是自願的嗎？查實是被逼啊！






富貴於我如浮雲，我們不虛榮，平食貴食都咁開心，包括拖鞋呀、橷腳呀、皮梳化呀、遙控器呀.....喂，唔好搶走我個搖控器，膠得黎好有咬勁，兼勁啱嘴形，好難搵架，畀番我呀~~~~~~~~~~