烏嘴覆診

媽媽：今日覆診，得3.03KG，但兩星期前有3.17KG，輕咗好多啊~~

烏嘴：係喎，輕咗~~

媽媽：好彩醫生檢查確定牙肉好咗好多，要食多啲呀！

同埋食多幾餐....

 

針灸筆

福仔：媽媽呢件咩黎架？

媽媽：呢支係針灸筆，係朋友借畀你用，希望可以刺激血氣，幫助神經修服~~

媽媽：你唔駛郁，瞓响度或瞓住做都得~~

福仔：咁我瞓啦~~

 

Oh Nancy

媽媽：Sorry呀福仔，畀得太多嘢你食，搞到你屙軟便、稀便~~

好彩尋日我放假外出後好快回來發現你變咗屎撈福，

快快幫你洗乾淨，用風筒吹乾時嚇親你，

惟有用小風扇吹~~

小福：唔錯，小小風，又唔嘈...

福仔：吹到我巧C服，無咩事我瞓先啦....

 

福仔適應無難度

可愛福仔

(昨天)

福仔，我哋番屋企啦~

福仔：咩係屋企呀？

媽媽：謝小姐將你交由我照顧，福仔以後有安穩日子~

 

福到

珠女：細路，邊位呀你？

福仔：我叫福仔，畀兩架車碌過，福大命大唔死得，所以叫福仔！

肥綿：細路，呢間房我平時食飯架，做乜霸咗我個房？

福仔：吓，媽媽話間房我架...

福仔：食完飯，飯氣攻心，我瞓啦...無咩事唔好叫我。

福仔：ZZZZZ~

 

八卦

媽媽：珠女，做乜挖起哂墊褥呀？

珠女：睇下下面細佬間房布置成點咯！

媽媽：八卦！

 

爛箱

小威：唔好責親我啊王子哥哥~~

王子：個箱好穩陣既~~

 

獨霸媽媽

小咪：今晚終於可以霸住媽媽~~

媽媽：你多啲來我身邊，媽媽畀哂兩隻大髀你！

小咪：媽媽本來就係我架.....

 

無法起牀的原因

媽媽：你哋咁樣，我點起身呢？

 

今日好多牛牛

口腫面腫

媽媽：烏嘴，個口好腫，面都腫埋，痛嗎？

烏嘴：痛呀~~

媽媽：忍耐下，食埋醫生開的少少止痛藥，快啲消腫~~

 

Chill Club好睇

媽媽：豹仔，問你一個問題！

豹仔：咩呀？

媽媽：今晚chill club頒獎好睇嗎？

豹仔：唔知喎，見你睇得咁開心，我陪下你咋....

 

鳯鳯豬口痛嚴重

(尋日的事)

鳯鳯豬：做咩笠我來呢度喎.....

媽媽：趁烏嘴剝牙，順便帶你睇牙，呢排你又流口水，打開心入面牙肉紅哂，

餵你食藥支餵藥棒都沾滿血呀，點可以唔睇呀....

不過幾叻喎，重咗喎，之前都係2.6kg~~

媽媽：尋日醫生幫打咗長效抗生素，開咗幾日止痛藥。

今晚繼續打水餵藥，搵咗成晚估唔到你匿响呢個位....

鳯鳯豬：我唔驚打水，你睇我郁都唔郁~~

我只係唔鍾意食藥...

媽媽：要食類固類先抑壓到你呢種免疫過敏攻擊牙肉....

今日仲特登老遠出城大買呢支莊醫生建議的Oral- Relax，

希望幫到你啦！

乖，給我噴...

 

烏嘴12歲

12年前的4月16日下午4點，烏嘴在新港城三期垃圾房出世⋯⋯時光飛逝，話咁快烏嘴已經12歲。仲咁啱揀咗今日剝埋剩返果兩隻犬齒，自此成為無牙貓。上個月睇牙時亦發現早期腎病。

年輕時以唔打唔知身手好而成日蝦小咪的賤貓烏嘴已收心養性，晚晚痴住我瞓。阿仔，要繼續乖落去呀~

媽媽：不過最叻係，你竟然有重到！

烏嘴：我雖然口痛，但有努力食嘢。

媽媽：乖！

 

賊仔

媽媽：鬼鬼鼠製偷燒賣？！

肥綿：有魚肉嘛，我以為係我食.....

 

屙與嘔

媽媽：小威豬，你知唔知邊個在牀上嘔？

小威：唔知喎....

媽媽：咁你有無在我牀上屙尿....？

小威：UM........

 

悠閑下午

哩埋

媽媽：兩位小姐，哩到咁高做乜？

喵喵：方便瞭望~~

鳯鳯珠：唔好捉我食藥？

媽媽：傻啦，你以為我捉你唔到？我有梯嘛，嘿嘿.....

 

睇電視

媽媽：食完飯，一齊睇電視吖~~

珠女：口罩小姐？

媽媽：好唔好睇？

珠女：我好睇啲...

 

開學了

 

霸住一刻

小雨：媽媽係我既....

媽媽：呢一刻媽媽就係小雨既.....

 

拍拍拍拍

豹仔：但我升高屁股方便媽媽拍拍拍~~

豹豹：爽.......

 

貓梳化

一坐低，就成為貓梳化~

 

烏嘴覆診好嬲

媽媽：明明在屋企上磅有3.2kg架，但醫生呢個準啲，只得3.07kg，

比兩星期前升咗0.05kg咁大把！

烏嘴：小心啲，唔好拮痛我.......

媽媽：你唔好嬲豬就得，求先隻法虎令你好嬲，但唔好在喉嚨低唬，

冷靜啲，否則醫生抽唔到血....

哎呀，你郁咗啦，只抽到少少，可能唔夠.....

媽媽：莊醫生叫我哋出去等等，冷靜啲再抽過。同你出去行咗陣冷靜咗諗住入來再抽，

點知又有狗入來...唉，又嬲過....

好彩求先果少少血夠驗，

CREA有改善呀！

莊醫生檢查你口雖然好咗少少但入邊仍有紅，發炎，

咁趁住腎指數好，快快趣剝埋剩下的兩隻虎牙，

日期係4月16日，啊，你生日啊！好日子！

 

傻強不傻

Happy Easter

獅子會吃早餐

一心來幫襯聰嗚茶座的草地野餐，點知今日未能供應，咁就坐低食早餐啦！

食完早餐唔夠飽，再來自製鳯梨酥加美式咖啡~

食完再草地HEA下，假期第二日的獅子會自然教育公園無想像中得人，

感恩！

 

霸牀的小威

媽媽：早晨啊小威豬，一打開眼就望到你眼仔碌碌...

小威：你快啲起身，張牀我瞓哂，唔好阻住我繼續瞓.....

 

習慣中

媽媽：打水唔好扭來扭去，唔該~~

烏嘴：每日100ml皮下水嘛，知啦，習慣中，盡量唔郁啦.....