逼

 

搶食妹

 

進擊的貓

媽媽：得啦得啦，我攤凍啲雞柳搣絲先食得架...

等一陣啦....

 

咁咪乖咯

媽媽：係咯，鳳鳳珠乖乖落黎枱食飯，咁咪乖咯！

 

係要我捉

媽媽：係要我响櫃頂捉你餵藥，然後先肯乖乖食嘢....

煩死人呀你！

 

未肯順利食藥

媽媽：鳳珠小姐，你要每日早晚肯畀我餵藥，

先唔會口痛，先可以順利食嘢.....

 

拜託，唔好匿埋

媽媽：拜託，唔好匿埋，畀我每日餵藥打水，

你先唔會口痛，先可以正常食嘢！

 

望咩？

 

唔影唔知流口水

 

夏夜炎炎 食飽休息

鳯珠與咕嚕

小風與啦啦~

 

食藥放假一天

媽媽：鳯鳯珠準備逃跑咁........唔駛驚喎，今日星期日，

食藥放假一天啦，

明天才逃吧......

 

又口痛？

媽媽：死啦，見到你又流口水，

食罐罐肉時又好似黐住口腔好痛咁，

打開口檢查又發現紅哂，

今日開始再食抗病毒藥啦！

鳯鳯珠：吓....

 

鳯鳯豬向豬邁進？

\

媽媽：愈黎愈重啦~~~

以前因為牙痛食類固醇先肥豬，

衣家在2801抗病毒藥幫助下，雖然口腔黏膜未百分百好番哂，

但唔口痛，胃口好，愈來愈食得，

愈來愈重，犀利！

 

今晚唔駛食藥

福仔：媽媽你呢兩日幫我放尿好順利，係唔係呀？

媽媽：係呀，所以今日起唔駛食放鬆膀胱藥啦~~

媽媽：鳯鳯珠同恐龍仔今明後都唔駛食抗病毒藥，

今日問清楚台灣邱先生，原來係食兩星期就停三日，

以免出現副作用。

你哋星期六先再開始食啦..

 

一個月的成效

媽媽：今日剛好食咗一個月治口炎抗病毒藥，

鳯鳯珠畀我睇下你個口，幾乎好番哂啊！

一個月前你個口係咁架.....

咁多年一直忍受口痛，成日去診所打抗生素，

剝過兩次牙..食咗成年類固醇，呢半年加埋干擾素，都無好過..

鳯鳯珠：咁係咪唔駛食藥啦...

媽媽：呢隻Molnupiravir抗病毒藥建議食兩至三個月，

我哋食多個月再觀察，問下其他貓友情況，

然後先決定啦~

 

鳯鳯珠口炎治療記錄#🐱口炎#抗病毒藥

試新藥？

媽媽：聽聞有隻新抗病毒藥可以治口炎喎....

鳯鳯珠：我已經食緊類固醇加干擾素....

媽媽：新藥有機會可以斷尾，就算唔斷尾要長食，

都無副作用，唔使類固醇，長食驚有其他問題....

鳯鳯珠：哦......

 

歎

 

鳯鳯珠覆診

媽媽：剝完牙個幾月，今日回新港城複診，

朝早未食飯，有2.89kg，正常...

牙肉都係紅，兩邊咀角搲損咗，醫生幫你打支長效抗生素~

類固醇繼續每日0.6ml，今日開始加干擾素，每日1ml，

最少要食三個月先見效，

希望有改善，就可以試下減類固醇..

加油呀鳯珠！

 

鳯鳯珠清牙腳

媽媽：今日日陳醫生幫你照咗牙x光，

將所有牙腳清哂啦...

醫生話傷口大，你應該會痛，

哈，夜晚回家竟然好胃口喎...

鳯珠：我慣咗牙痛，今次手術同平時牙痛差不多啫..

媽媽：你同靜宜都有抗生素同止痛藥要食，

抗生素係藥丸，仲要食一粒半，

餵藥驚整痛你，咁啦1.5粒切開放入膠囊，

一次過餵~~!

成功！