2015年12月31日 星期四

豐衣足食健康同過每一天

2015迪蘇家貓貓齊齊整整~~

吃過除夕魚柳~~

迪奇蘇菲:呢兩條我哋架,唔好同我哋爭啦~~~

媽媽:今年你哋豐衣足食,下年一家貓狗要齊齊整整健健康康同過每一天呀!

2015年12月30日 星期三

迪奇行得好

迪奇:睇下我雖然少少頭側,但行動好OK架,雖然失方向感,但花多少少時間都搵到路,知道媽媽响邊,知道飯枱係邊!
仲有,今日DR. KAREN打咗電話畀媽媽,PCR報告顯示我無牛蜱熱!咁點解血色素低呢?腎指數無事,又無糖尿,咁...就觀察住,醫生叫我食多啲牛肉補下血喎!好嘢,有牛牛吃!

2015年12月29日 星期二

疑似牛蜱熱

媽媽:迪奇,好好休息,吃咗止暈丸,應該會好啲!
媽媽:一年大檢,估唔到發現你HCT低咗,得34.1%,比正常低!懷疑牛蜱熱!

媽媽:好彩PLT無低。dr. karen送咗你的血出來做牛蜱熱PCR test~~

媽媽:前庭炎vestibular disease病徵唔嚴重,如果好彩一星期後會自己好番,但呢段時間可以吃止暈藥,有需時先服。
另外牛蜱熱都未有結果前都要開始食四圜素(doxycycline)~~
迪奇加油!媽媽在身邊,唔駛驚!


2015年12月28日 星期一

側頭

媽媽:迪奇,媽媽知道你有病,頭側了,暈陀陀,失平衡,眼不由自主地跳。明日book咗太平道睇karen醫生,唔駛驚,媽媽在身邊呀~~

2015年12月27日 星期日

血案



好多血呀~~

GOOLOO唔駛驚,媽媽呵番~~

抹乾血跡後,見到你有好多牙印~~

好彩肚肚無傷~~

唔駛驚,媽媽幫你消毒傷口,好快好的!

2015年12月26日 星期六

暖氈效應

BOXING DAY,拆禮日,迪蘇家無禮物拆,只有暖洋洋。
雖然今晚唔凍(其實室外凍架!),但迪蘇家都要開暖氈~~
一開暖氈,就係咁情況咯~~~

2015年12月25日 星期五

溫暖聖誕夜

天氣又轉涼了,16度的室外氣溫,20度的室內氣溫,有電暖墊的梳化,sorfu溫暖聖誕夜~~~

2015年12月24日 星期四

2015年12月23日 星期三

小雲:今日天氣潮濕,好似春天咁!
乜春天到咗咩?
(今日相對濕度係93%,全日氣溫徘徊22-23度)

2015年12月22日 星期二

王子成功了

王子由今年二月入室至今,不經不覺已經十個月,估唔到在不勉強下,在不太理會下,王子靜靜觀察,真係好識咗做家貓~~王子你好叻啊!

2015年12月20日 星期日

樹窿

媽媽:迪奇,又扮貓?
迪奇:狗唔入得咩?邊個話樹窿只有貓入?
迪奇:你識歎啦,呢個樹窿話哂新買,入面無乜貓尿味,你歎下啦~~

2015年12月19日 星期六

唔怕凍

媽媽:大寶,做乜成日個樣咁秋?
大寶:你要着衫,梗係愁!我在大壩歷盡滄桑,唔怕凍架!
媽媽:噢,咁幫你除番咯~~

2015年12月18日 星期五

邊個醒啲? 

馬花好醒,捐被竇~~

Gooloo做乜縮到成個露宿者咁~~

都係你哋最醒啦,黐實暖氈唔郁~~

2015年12月17日 星期四

2015年12月16日 星期三

着衫啦


媽媽:剪咗隻襪畀你做衫,乜着得你好似咁凍咁?

gooloo:件衫好短!


媽媽:咁都係着呢件咯~~





2015年12月15日 星期二

新車出動

蘇菲:我哋今日坐新車~~

有啲唔慣添,車車好高,seat位好跣呀~~

不過唔緊要啦,坐坐下就慣!而且車車都係載我哋來去玩啫,好快落車!
今日我地有得黎彭福啦~~

喂,你個pepper,咪成日搞住迪奇哥哥先得架!

吠你架!
pepper:好驚呀!

哈哈,好男丕與惡女鬥呀!

今晚天氣會轉涼呀!好彩衣家有陽光啫~~
hea完,番屋企沖涼lu~~

2015年12月14日 星期一

車到了

成日星期無車用,預定明日有,點知今日到手,太開心了!

美美,媽媽架新車到咗啦~~不過美美唔會鍾意坐車,因為坐親車就係去診所.......

好耐無同迪蘇去街啦,明日一定要去玩~~

2015年12月13日 星期日

又換芒

上星期日,mini跪低拖走後回到家,就見到咁樣樣~

之後個芒就變成咁樣樣~~

本來諗住車到後先去買,但忍唔住啦,最多搭的士抬番來啫,好彩新芒唔重,有手抽,拎上小巴唔辛苦~~

砌好了!yeah~~~

2015年12月12日 星期六

唔啱身

媽媽:由頭笠到腳~~

媽媽:坐好影張相啦~~~
gooloo:唔啱身呀媽媽,頂帽笠住我個頭呀~~

媽媽:咁又係,等媽媽諗住點改呢件雙面褸先~~

2015年12月11日 星期五

食多幾片

媽媽:成日唔記得畀你哋食,.好啦,既然有新鮮的,就食多幾片啦~~

2015年12月10日 星期四

無反應

小雲:喂,BB,醒下啦~~
噢,無反應既?
媽媽:尾都無咗,BB rip~~

給美美的話

美美啊,今天是你當小天使第三星期,媽媽午間在和暖的陽光下,完成了第一次傳心練習,過程很順利啊!
希望媽媽學有所成,掌握好,循步漸進,明年這個時間就可以直接和你溝通呀!

2015年12月8日 星期二

奇景

媽媽:咦,點解今晚咁奇怪,咁少貓守住風乾機?
小龍:媽媽,有我守護住,唔駛驚有貓偷!
小寶:我都會守護住!

2015年12月7日 星期一

凍凍都要打水

大寶:好凍呀!
媽媽:所以開咗電暖墊畀你哋咯!衣家暖埋包皮下水,等你一陣打水時無咁凍,睇毛幾咁體貼?
大寶:唔打水得唔得?
媽媽:唔打水,你係唔係想快啲死?乖啦,好快打完!

2015年12月6日 星期日

再見mini

十年了,你真的太勞累了!
再見了,陪我度過多少風雨的mini~~