打水真方便

託媽：花姑娘真乖，而家打水好方便~

 

開餐咯

媽媽：能夠食生肉係最好的，

希望你地繼續鍾意，

唔好揀飲擇食...

 

小健睇牙

媽媽：小健到你啦，上星期都發現你牙痛，

我哋一齊處理佢好嗎？

你雖然瘦咗，但今日上磅都有3.32kg~~

驗血報告都ok呀~~

肝臟功能都正常，

莊醫生下星期一可以幫你洗牙剝牙，

安心哂！

 

平安完成第四針

媽媽：平安完成第四針，

尋晚心急未等Irene姨姨來幫手按實你就試自己打，

結果篤出皮下浪費針藥，

Irene姨姨來到再補打。

媽媽會繼續做好啲，

迪奇加油！

 

自救

尋日開門時，自己撞斷咗條鎖匙，匙身在匙窿。

以前會搵師傅救，今時今日自己救自己，

換匙膽姐，好easy!

 

恐龍仔睇牙

媽媽：今日見第三個獸醫，排到最快期7月12日脫全口牙，

加油呀恐龍仔！

迪奇FIP抗戰開始

媽媽：呢幾日在開胃藥幫助下好好胃口，

今日覆診體重由星期三的2.92kg，上升到3.3kg，

驗血結果無改善...

HCT無升番，白血球再高咗...

今日終於度到發炎蛋白，A/G比率在0.3，

而最重要腹腔小腸附近兩粒腫脹淋巴無縮小，

仲多咗一粒淋巴腫，

完全指向FIP，

即刻買針夜晚九點半開始打，

你爭扎要Irene姨姨幫手搞到十點先打完！

乖呀迪奇大少，

請配合，84針好快過，
我哋一齊打低FIP！

 

乜都做足

媽媽：打水、食止痛藥、開胃藥，

迪奇胃口好好啊....剛才仲食咗三四條魚柳....

迪奇：仲有無，我仲食得落...

媽媽：明天再食啦，

聽日下午覆診，要有好成績啊！

 

又匿埋？

媽媽：出黎食消夜啦....

明明今朝勁好胃口，點解夜晚又食少咗？

餵咗一粒開胃藥，應該好似尋晚咁11點就出來搵嘢食，

點解今晚唔出來？

 

迪奇病了

迪奇：做乜又帶我黎診所？

星期日去完西貢Pet Space，今日又來新港城診所...

媽媽：諗住同你睇牙然後剝牙，順便睇埋你喉嚨是否有痰咁...

點知，醫生發現你耳仔黃咗，

星期日西貢獸醫都發現呢個問題....

驗全血，發現貧血，白血球高~~

TP全蛋白高到度唔到數值.....

胰臟炎、貓愛滋及貓白血病都係negative~

做埋超聲波，小腸附近有兩粒淋巴腫咗，

正常係半厘米，衣家兩粒都大約一粒米.....

莊醫生話有三個可能性：

一係脂肪肝，二係牙患，三係FIP~

真係擔心死我...

好彩回家後打完水，即刻食咗四條肉醬，

之後雖然無食晚餐，

幸好餵咗開胃藥後，

11點竟然周圍搵嘢食，

好，罐罐、肉醬、軟乾糧、燒魚柳任食..

希望你聽日都咁好胃口.....

 

成日要坐大脾

 

貓的選擇

辛苦砌好，只有一貓坐~~

還是紙箱受歡迎~

 

運桔

恐龍仔：媽媽你今朝捉我去診所運桔咩？

媽媽：唔好意思，本來今朝要放低你做牙科X光，

然後剝全口牙，

但估唔到報價要萬五，就算有八折，埋單都要萬二，

本來已放低你，但回家後想清楚，

最後都係趁所有程序未開始前，接你回來...

恐龍仔：咁是否唔駛剝牙啦？

媽媽：要剝，否則無法解決牙患，

新港城診所七月就有牙科x光機，到時莊醫生同你做，

媽媽亦安心！

恐龍仔：吓......

 

做好準備

媽媽：你匿响房內格格休息，

打完水水，

關上房門以免出廳食剩下的乾糧，

好睡好起，

明早出發剝牙！

 

大雄回家了

\

 

謎底揭曉

登登燈櫈，我就係小寶，小寶就係我！

今世叫福仔！

 

恐龍仔睇醫生

恐龍仔：做乜捉我黎呢度？

媽媽：你口痛，要睇醫生呀！

初時以為你年紀大有爛牙，剝哂就可以解決問題，

點知醫生檢查發現你一邊已經無哂牙但牙肉仍然紅腫，

另一邊只剩好少牙....一樣好紅，

呢種情況都係免疫力自我攻擊造成，

咁就麻煩，有機會剝哂都仍然發炎，不過都要剝哂啦~~

好彩呀，驗血報告好靚仔~~

幫你Book到今個星期日去西貢pet space，

有牙科x光，照清楚有無牙根剩可以一次過剝清！

真係好彩啦，診所初時話最快要28號，之後度到21號，

到最後book到今個星期日！

呢幾日食住止痛藥，同你打水補充水份，你要食多啲，

以最好狀態星期日去剝牙！

 

又去探細佬

唔知你幾時會去茶餐廳做見習小店長，

唯有密密探，見多你幾面~~

 

小寶回歸

小寶：我小寶神偷已歸投胎番咗呢個大家庭，

好爆哩.......呵呵....

 

煲劇

媽媽：唔我搶我嘢食呀？

Bu B：媽媽你專心煲劇啦，唔駛理我架...

 

慈山雨濛濛

早上雨濛濛，中午烈陽掛

 

搲零食

CC：媽媽，想食....

媽媽：已經派完飯，大家都食飽，

仲有乾糧剩，你偏要搲零食，

無益架，要限住食...

 

告別細妹

(尋日)

媽媽：帶咗好多靚花花，細妹你鍾意嗎？

細妹：梗係鍾意啦，好靚，好似結婚咁....

媽媽：傻妹...

媽媽：幫你揀咗呢幅相貼骨灰盅，靚哩....

 

大雄回喵星

大雄：媽媽再見啦，好唔捨得，

我好愛你架，但唔識點表達...

媽媽：媽媽都好愛大雄，你腎衰竭真係惡化得好快，

好似肥綿咁，臨尾都畀細菌蝦，搞到爛嘴....

你衣家脫下衰敗身軀，好好休息

在彩虹橋學習，

然後去經驗下一世。

傳心師話有好多貓在一旁等候，從容不逼，有位仲Lam緊手，

你ready就跟佢哋走啦，放低身體上不適感，

好好休息啊....

 

給細妹準備

 

我愛平凡

托媽：恐龍仔少爺，點解派飯時匿埋，

侍奉罐罐特餐唔食，

反而等大家吃剩乾糧先來吃？

恐龍仔：我做平凡貓就得，唔駛特別示奉我架...

 

B超

託媽：今朝九點半到診所，獸醫都覺得你個肚幾大喎，

照B超穩陣...

好彩子宮無變大，即係無BB~

魚蛋真係乖豬

手術順利完成。好啦，下午五點安全抵家，

你同雜貨店老公仔燒賣可以安心生活了~~

 

準備

託媽：魚蛋媽媽，今日好好休息，明天出發絕育~\

 

休息就變貓梳化

 

小咪生日快樂

媽媽：肥小咪生日快樂呀，

小咪同媽媽同一日生日，

上咗彩虹橋年半有多既你，

是否已經出發投胎做人？

好好享受你既下一世，

記得有機會就有幫人幫動物啊！