幫你改咗名叫小白，目測大約6個月大，
男仔，有蛋蛋，未絕育。
好乖，雖然今朝未敢食嘢，但我放工回來見清兜。
夜晚一放兜就，叻仔！
有少少傷風，有流眼水、鼻涕，已餵朱古力及抗病毒藥。
稍後好番會安排打預防針及絕育。
麻色貓叫QQ，地盤貓，6-7歲，已剪耳，
乖貓，尋晚驚咗一晚瞓砂盤，今日已無咁驚，
最叻係為食，早晚兩餐都好快食！
可摸，鍾意摸，一摸屁屁會升高屁屁。
兩個都已滴Revolution。
2026年9月29日 星期二
.jpeg)
2026年9月26日 星期六
2026年9月24日 星期四
2026年9月23日 星期三
迪奇突然被召回天家
 |
| 媽媽：迪奇你星期一早晚兩餐唔食，晚上呼吸急， 星期二一早同你睇醫生，肺花咗，慶幸心肺和腹腔無積水， 只係近腎位置有少少水， 加上少少貧血，白血球高，a/g 0.3，診斷為肺炎， 亦可能係fip復發。 下午3點半已取了fip 針劑，夜晚9點打了第一針，你竟然好乖無反抗..... |
.jpeg)
醫生開咗一堆藥，有兩種抗生素、化痰藥、開胃藥、滴鼻藥，
仲有兩款霧化藥，下午及晚上都霧化....
好彩屋企有齊設備。
今早霧化完，擔心之後肺炎嚴重唔夠氧，於是訂了氧氣器備用，下午送到。點知你情況急速轉差，下午1:40pm，上天已經收番你條命，召回天家...
就這樣，你在我懷中離開...最後果段路，慶幸我在你身邊，
緊緊抱着你，感受你身體突然的變化，突然手腳不自住伸展，
心跳極快，這種是心房顫動吧...然後，心跳逐漸弱，慢下來，最後停止跳動..就這，離開了。
我立即找到Brenda姨姨傳心問你狀況....
迪奇：媽媽，我真係走咗了，係fip帶走我，其實fip病毒一路無走，只係我身體好，壓住，無畀佢發出來。
(媽媽：尋日傳心時，你仲話無事無問題....相信你都唔知事情來得如此急....)
媽媽：我由狗投胎回來，我知唔會好長命，但都無預到咁短，
我都唔知咩原因，要我咁快走...我衣家都要好好調整心態，
去調查係咩原因。
至於蘇菲，我呢刻connect唔到佢，或者等我安頓好，再聯絡佢。媽媽，我知蘇菲想同我一齊，但呢一段蘇菲會否跟我走，我都唔知，如果你想蘇菲留低，你要同佢講呀.....
我衣家要休息下先，之後有機會就番來，
今世做貓，我覺得唔係幾夠踏實，不如下世做番狗回來好嗎？
你會歡迎我嗎？
媽媽：傻豬，你做貓做狗回來我都開心，做狗好呀，可以去行山...你好好休息呀，媽媽等你....
2026年9月22日 星期二
鳳鳳珠回天家
鳳鳳珠，你呢兩日唔食嘢，知你日子差不多，
尋晚你望我食飯，我仲以為你想食唐記湯飯入面啲雞，
打算今日買，點知...
今朝起身你已經彌留中，但我又趕住帶迪奇去睇醫生....
於是請傳心師Brenda姨姨代傳話，讚你叻，
你話想等我回家好好告別先離開......
但我12點前回到家，你已經離開了。
唔緊要，我知道你仍在的，身體仍是柔軟的..
之後Brenda姨姨見到你在屋中飛翔，自由了！叻啊！
你在世時受盡自體免疫引發的口腔，剝了兩次牙，
食了一年多類固醇，之後一減藥就又口腔潰瘍..
到後來用抗病毒藥莫納皮韋拉，頭段日子食完好咗七八成...
可以後來藥效漸對你無效...
但我衣然會餵，你就出盡力反抗或吐出來...
衣家，唔駛再食藥，唔再口痛...
自由了！媽媽祝你下世生活順意自在。
2026年9月6日 星期日
2026年9月4日 星期五
2026年9月3日 星期四
訂閱：
文章 (Atom)