補針一星期完成

託媽：不經不覺，加多三星期針的療程已完成一周，

尚有十四針，

今日去同診所BOOK定十四日後複診，

希望A/G指數升過0.6，

不過就算仍然係0.6都停針了。

15星期共105針加上體重又夠，停針應該全的！

加油啦KEN仔！

 

瞓地下

媽媽：Bu B又瞓地下？

Bu B：涼爽嘛，又問，好煩呀......

 

盛夏～傻強又出動

又開始食癬藥

媽媽：蘇菲，今日開始第二Cycle既癬藥，每晚1.3ml，

食七日，然後停七日，

然後再食第三個Cycle，

之後先覆診，都係應該無哂癬啦！

蘇菲：吓，又食，好啦~~~

媽媽：蘇菲食藥好乖，媽媽對你有信心！

 

亂咁瞓

媽媽：做乜瞓廁所地下....

Bu B：陪媽媽~~

媽媽：點解成日好似街童咁，又瞓地下，黐爛紙箱....

Bu B：ZZZZZZZZZZZZZZZ

 

Bu B第一次見到包糉

Bu B：食飽飽最好覺覺豬....

Bu B：嘩，咩黎架？好好味咁喎，試下味先.......

 

A/G責界

託媽：嘩，4.11kg，又重咗，叻呀Ken仔！

Ken：做乜搞我個口？

醫生：檢查..

託媽：血球正常，PLT低咗少少只因抽血時有啲血小板黐埋一齊，

搞到整體讀數低咗，但係正常的！

託媽：血糖高咗少少，.緊張啫...

但係A/G 只得0.6，同一個月前一樣，醫生話呢個數值係責界，

未夠安全，一般完針應該有0.7或0.8，

叫我問藥廠是否要打多幾針...

 

                                                                                                 

                                      問咗啦~~答案係~~要！

藥廠話有啲貓A/G 係好難先上升超過0.6，有啲成世都升唔到。建議打多二至三星期，

然後再驗血，如果都係唔升，但身體狀況良好食得瞓得屙得又夠重就可以停針，

但要小心觀察，如果無胃口或瘦就要即刻睇醫生。

唉，媽媽都好失望，Ken好乖(雖然會咬我)總算完成84針，本來諗住今日見完醫生可以放你出籠自由活動，衣家要繼續打，繼續住籠，請你忍耐。媽媽相信你已經康復，但為安全計，我哋一齊努力，打多兩星期針吧！

84針完成

託媽：辛苦你啦ken仔，今晚終於完針啦！

一共84針，42樽藥，中間有兩三次漏藥要補針，

其後雖然有時艱難，有時畀你咬傷，

總算有驚無險地完成！

明天覆診確定一切正常就可以安心啦.....

 

性感的背脊

 

曳

福仔：我要出去玩~

媽媽：出親去都蝦貓，罰你無得出！

 

再見婆婆

媽媽：婆婆你呢張相好靚，印在骨灰盅最適合。

依照義工建議，今日已經由同事將骨灰交謝小姐，在阿棍屋的佛房中長聽佛經，

婆婆再見啦~

 

送別嘉嘉婆婆

婆婆好可愛啊，像睡着了的寶寶，佒有可愛的門牙仔~~

今天告別婆婆肉身，骨灰明天交回謝小姐，放在佛房中長聽佛經。

婆婆你在天上，都要繼續教我啊！

 

制服誘惑

Bu B學護：各位打咗針未？未打第三針無得堂食呀！

Dr. 烏嘴：搞咩？我唔鍾意着衫....

Dr. Fok仔：呢件制服最啱我！

 

倒數第七日

託媽：又咬爆我手指......

KEN：我要發洩！唬~~~

 

新廁所

迪奇：呢個櫃幾好坐~~

小虎：等我驗下先~~

 

福仔表情包

 

下雨天

下雨天瞓覺就爽啦你哋~~

媽媽：辛苦你啦蘇菲要戴大水泡，

細果個洗完晾乾就可以換番，

忍耐下啦...

不過大水泡浪住頭仔瞓覺應該幾C服~~

 

好彩唔係復發

蘇菲：媽媽做乜又捉我睇醫生，好驚啊...

媽媽：媽媽見你好似愈來愈瘦，由明明有2.6kg跌到2.4x，好驚呀，擔心fip復發，

雖然睇到你扎扎跳又食得，應該唔似，但都係睇醫生穩定，

好彩今日在診所上磅有2.57kg，睇黎屋企個磅超唔準...

媽媽：醫生檢睇到幾個位置甩毛疑似癬，紫外光燈下有少少塋光，

要掹毛去種菌確定。

驗血結果雖然有好多紅色、藍色但都無大恙，hct有52%，好夠啊！

血小板亦正常，

咁有癬白血球高當然正常啦~~

呢張最緊要A/G 有0.6，及格啊唔似FIP~~

咁一邊等種菌報告，一邊開始食癬藥同搽高高咯~~

 一日一次1.3ml都輕鬆餵到！

乖乖啊！殺癬療程係六星期，食一個星期停兩個星期然後又食一星期停兩星期..

原本下下星期絕育期要改啦...

 

彭福🐦天堂(10/5)

彭福春田花花(10/5)

婆婆上彩虹橋

今朝最後一次抱婆婆。

婆婆中午安祥上彩虹橋～

傍晚傳心師問婆婆上到天堂未呀？婆婆笑笑口說”梗係上咗啦⋯⋯”當時婆婆身處環境好光好光，有幾十個嚮導圍住丶帶領丶辦理天堂入境手續

婆婆吩咐我繼續努力學習佛理，繼續照顧多啲好似佢咁嘅毛孩⋯

婆婆我哋天堂再見啦

 

鳯鳯珠減藥

媽媽：好勁呀鳯鳯珠，史上最重，3.53KG，

比起你兩年前到家2.6KG，重咗成1KG呀！

不過，呢啲都係因為口炎而要食類固醇之故，

莊醫生：雖然牙肉仲有紅，不過衣家體重證明佢胃口好，

試下減藥，避免長服類固醇引致胰臟炎、糖尿等風險....

由一日兩次0.5ml，減為一日一次啦，

不過衣家體重要食0.7ml~~

試一星期，如果食嘢無差咗，就可以繼續...

今日打支短效類固醇，有效兩日，

兩日後先餵藥啦...

 

貪涼爽

媽媽：做乜有牀唔瞓瞓地下？

媽媽：又瞓砂盤？

Bu B：我鍾意，好涼爽~~

 

Happy Mother's day

 

反抗

媽媽：自從26/4用咗保定袋，你郁唔到怪怪打針，

所以上星期六開始我自己一個都搞到掂，

唔駛鄰居義工姨姨幫手，

終於今晚你已經掌握到如何反抗，扭來扭去，

啍，明明又請姨姨來幫手！

小KEN乖啦，仲有17針，就來完成療程啦，

忍耐多一陣啦！

 

黐身怪

媽媽：你哋兩個可否唔好咁痴纏？

小風：我鍾意黐住媽媽：

小虎：媽媽抱抱....

 

抱下都唔得？

媽媽：小KEN，打完針抱下呵下都衣嘩鬼叫~~

 

小雨回家了

媽媽：小雨像個BB般睡得香甜~~

十四日了，今天你軀體正式告別塵世，

化成輕煙~~

回家團聚~~

無論日後在彩虹橋，或昰你重回人間回我身邊，

我們終會重聚的！

小雨愛你！