花姑娘表情包

 

回家了

 

花花出發了

放工回家，花姑娘已經瞓住覺上彩虹橋，

摸摸你身仍是軟的，相信你係大約七八時離開~~

知道你快要出發去彩虹橋，星期一請brenda姨姨傳心，你說：

1. 要離開是很自然的事，大家無需傷心。

2. ⁠請貞姐保重身體。

3. ⁠記起香噴噴的煎魚。

所以我當晚買了鯖魚煎香放到你面前，你立即起身聞吓嘗試舔，雖然吞唔到，但相信好滿足。

花姑娘此生無憾，貞姐和我都好愛你。

 

聽聽雨聲

托媽：花姑娘，尋日你同傳心師傾偈時透露，

想食香噴噴煎香小魚，

媽媽收到，放工買咗鯖魚煎香拆肉去骨給你給，

知道你未必食到，但聞下都開心，

果然送上魚後你聞聞聞，嘗試Lam但無吞...

滿足吧...

今晚又突然落大雨，你出來聽雨聲，好好享受吧~~

 

加油

花姑娘：習習習....

托媽：咁快停口，唔緊要，啱先搽開胃藥，

一陣睡前再畀湯你，

到時或者有胃口....

 

搽耳仔

托媽：唔好嬲爆爆啦，

搽咗開胃藥....要開胃呀.....

 

開胃藥

托媽：花姑娘呢幾日食咁少，

換極新口味鮮包或罐都係lam幾啖，

再落去真係唔掂。

今晚食一粒開胃藥啦..

明天要好胃口啊~~

 

同一位置

托媽：哈哈唔該哂，保持同一位置方便我打水~~

花姑娘：快手唔該...

 

移船就磡

托媽：花花小姐，乜咁歎咁早入房瞓呀，

不過呢個位都幾好，方便我吊起包皮下水，

唔好郁等我打埋水先吖唔該~~

花姑娘：快手，唔好阻我瞓.....

 

乖乖打水

托媽：終於瞓定定，可以乖乖打水，

唔駛我捉...

花姑娘：老娘今日心情好...

 

胃口飄忽

托媽：花姑娘小姐你一餐無胃口，一餐有胃口，

真係好飄忽。

不過唔緊要，有食就好。

 

瘦咗

托媽：花姑娘，你呢排胃口差，食得少，都估到體重會下降~~

明日去買好味但無益的罐罐，希望你食多啲....

 

嘔

托媽：點解大小姐，嘔過之嘛，就兩日唔食嘢~~

咁我forcefeed啦！

花姑娘：woo~woo~

 

被餵補充劑後的惡樣

 

花姑娘御膳

晚餐：加紫色nano褐藻糖膠同埋腎補充劑~!~!

花姑娘請用膳

 

買定蟲草

托媽：報告花姑娘，你的蟲草膠囊已經買到，

或許明天送到。

請乖乖吞。

 

將就下

\

托媽：唔好意思花小姐，因為個盆沉緊嘢，

今晚都幾暖，我就唔座暖皮下水，直接打，OK嗎？

花花：都打緊水啦，仲問，我有得話唔好咩？

托媽：多謝花小姐體諒...

 

23G

花花：點解呢兩日打水時間咁長既？

托媽：唔好意思呀花花，21G針頭用哂訂緊，

用住23G先，出水係慢啲，但針咀幼啲拮入皮膚時無咁痛...

請忍耐，我估明天或星期五六應該有貨...

 

洗耳仔

託媽：你耳仔好污糟，耳背抓損哂，姐係好痕啦，

來來來，早晚洗耳~~

花花：嗄....唔好搞我...

 

想打人？

託媽：花花小姐，唔駛怒目而視想打人咁款？

唔好嬲，今日星期日，可以休息一日唔打水~

花花：哼...