貓生

夏日貓生就是悠閒！

行行忙碌日誌

眉毛啊

今日小健負責照我迪奇伯伯~~~

行行偷懶~~

睇下我啲眼眉毛，出緊啦~~

出毛毛

我迪奇伯伯，呢幾日有力企起身，食飯唔再趴响地，雙腳可以有力着力，無吊腳~~

原本因為皮膚病甩到光秃秃的頭殼~~

出緊稀疏的毛毛呀~~~~
唔知幾時可以變番以前咁樣樣呢？

沖涼

行行：報告報告，迪奇伯伯今日沖咗涼啦~~

之前因為天氣涼，迪奇伯伯又伯凍，好多日無沖涼啦！
今日媽媽用茶辣皂洗身呀，據說可以殺真菌架~~
等媽媽幫迪奇沖多啲，睇下有無改善先~~

行行賣萌x好曳

賣萌

曳

曳

萌

生命之花吊墜

給迪奇的生命之花吊墜~~

迪奇伯伯今日又幾好精神，出廳騰來騰去，咁就响廳瞓啦~~

行行小保母當然盡責陪伴啦~~

戴了生命之花吊墜，迪奇繼續能量提升~~

行行好忙

行行成個幾月無見老師了。今日終於回來做治療。來到向老師報告下近況~~
行行：我好忙架，又要守護迪奇伯伯，又要玩，又要搶嘢食，遲咗一步就搶唔到，好多嘢做，真係好忙架！

今日呢位白哥哥仲踩親我隻手，喂阿叔，睇路呀！

貓捉魚

最乖的小健

晚飯後，迪奇伯伯上咗一級軟樓梯瞓，是夜，又係小健守護迪奇伯伯~~

小健的童年陰影

迪奇：我有兩個小保母，小健同行行，有佢哋兩個陪伴，媽媽安心番工。
陳老師見到小健咁乖，所以今日同我做完REIKI後問小健，點知佢未開口，小健已經搶住叫老師幫我多啲，話我好唔舒服，叫老師幫忙令我回復以前咁.....說時，眼泛淚光....
老師話我現在已經好緊啲，佢哋盡力幫我啦.........
之後，老師又代媽媽問，點解小健唔食罐罐，每次開罐罐其他貓都搶時，小健直情唔埋枱食架，點解呢點解呢？
原來係有一段悲慘經歷，小健以前個賤主，係用罐頭掉佢架，小健要避開啲罐頭，所以，佢一路唔吃罐頭，見到就企開一邊.............
行行：真係慘慘豬啊........
媽媽：小健乖仔，你細細個畀掉去堤壩，仲係寒冬，病就食唔到嘢，好彩執媽救咗你送來我家......希望你能放下童年陰影，吃一口罐罐試下啦，好好味架！
多謝小健幫我日日睇實迪奇伯伯呀！小健真係乖！鍚哂你！

迪奇伯伯好叻仔

悠閒大雨天

繼續下大雨的星期天，好歎啦你哋~~

今晚我食呢啲，你哋唔好搶~

迪奇伯伯唔好瞓到咁邊，小心着涼，等我扶你番埋張vetbed度，唔該借借啦~~

陪伴

今日全日下雨，海面波濤洶湧~~

哇，全班細路伴倍迪奇伯伯~~

唔該，你哋幫手做迪奇伯伯暖枕時，唔好責親伯伯啊~~
行行：我瞓側邊咋！

又一盤罐罐

我迪奇好叻，又食完一盤低脂罐，媽媽今日又要補糧！
記得大約四星期前，媽媽對住新買的一盤罐罐，淚眼汪汪咁唔知我食到幾多，今日我迪奇證明我好硬淨，又食得！
仲有仲有，我今日總期出廳啊咗兩次poo poo，係兩次呀！
我情況好差果時，兩日先有一次，之後慢慢變好，一日一次。今日係一日兩次呀，啲poo poo仲好靚！

頭痛

我頭痛作感冒食粥，你哋米搶呀，好熱架！

收糧

星期一，八號風球下媽媽朋友幫忙送貨到隔鄰婆婆家，尋日，媽媽先搬回來！

今晚，由我小雲看管！

搶氈

尋日打完風今日好涼，喂喂，你哋做乜搶咗迪奇保暖抓毛氈呀，凍親迪奇呀！

八號波 做管家

今朝我迪奇早飯後出廳瞓~~

然後突然掛三號波，媽媽在眼仔觀察，知道屋企風平浪靜，安心工作~~~

估唔到九點番到屋企，我仍然在廳！
在廳幾好呀，可以睇住啲細[佬妹，做管家！

生命之花

今日媽媽去咗去成日，回來後就在門口貼咗個大花花~~

係話呢個係生命之花，呢個幾何圖型係宇宙萬物生命之靈，縕含生命力量，放在我房，等可以有多啲正能量！
好，等我迪奇吸收下生命之花能量先！

今日好精神

我迪奇好幸福，朝早有小保母照顧~~

今日有好精神，趁媽媽沖涼時出廳屙大灘尿同好多粒屎，呢排係好架，日日有屎~~然後搵個靚位享受陽光~~

本來在廳吃早飯之繼續HEA，但係廳開咗冷氣，我無哂毛所以覺得好凍，震騰，所以媽媽抱番我入來~~
如果我可以生番毛，如果毛後腳有番力，左腳吾再痛，咁就好了.......

睇我迪奇幾叻！

睡前是咁樣

夜晚，我迪奇就係瞓响媽媽大髀，接受大地靈氣，一路做，一路舒腳瞓覺~~

今晚，行行走咗去等食，換咗小健陪我~~
我迪奇伯伯心地好，鍚貓，所以老咗，都有咁多貓鍚我~~

叻！

睇下我迪奇幾歎，唔駛起身都飲到水~~

今日我好勁啊，兩次起身出廳屙尿，夜晚仲屙咗屎！
我覺得，我今日叻過平時！

舊時靚相

今日媽媽整理舊相時，見到我呢張舊年十二月影的靚仔相！今日就等大家記住我的靚仔樣！
今日我好叻，趁媽媽在廚房煮食時，我出廳阿咗好多舊屎！
有入有出，我仍然好叻！

臭行行

行行：迪奇哥哥我陪住你......
迪奇：好似臭臭地~~
行行：係呀，我便秘幾日，尋日終於屙得出啦......
媽媽：唔怪得之咁臭啦...行行，你行遠少少屙得唔得，成張墊都係屎味.........
行行：我唔想架.....我控制唔到架......
橫掂你都日日換墊啦，無所謂啫.........

有力

我迪奇好叻，今日又有屎啊！
我平均兩次一次便便，尿尿就每天都有。
尿在無力時都可以屙在墊上，但屙屎就要出廳、扎馬，用力！
今日我又屙咗好多舊屎啦！
瞓覺lu~~

老朋友

多謝holy來探迪奇同蘇菲。認識於yahoo blog年代的我們好耐好耐無見啦~~
迪蘚與holy姨姨的樂撈露年少時一齊玩，一齊行山一齊游水，家陣樂樂同撈撈先一步上彩虹橋，日後如果迪奇上來又可以一齊玩了。
感恩我們曾經有過美好的時光~~

下魚了

小咪七歲

我小咪女王今日七歲生日啊，食咗三條魚柳，廳外細佬妹無得食，只有小魚乾！生日我大哂！
迪蘇全靠有我打開大貓，才有咁多貓進駐。我同媽媽今日都大壽，我會繼續健康康的！不過就無乜能力看顧細佬妹，佢哋太曳啦！