兩個肥妹

 

悠閒

 

又食燒肉

大妹：我哋今晚又食燒肉~~

大妹：好味呀...

 

寧靜的晚上

 

耳發炎 胃口回復

媽媽：尋晚發現你右耳發炎流膿水，嚇死！

紙巾棉花棒清潔後，今朝無乜水，

再用洗耳水按摩耳道...

唔怪得之呢幾日吽哂又拒食，原來身體打緊仗...

眼仔仲有少少分泌，繼續眼藥水，早晚清潔耳....

今日胃口回復，記得食多啲追番進度呀！

 

小食多餐

媽媽：知知小朋友，唔主動啜奶，惟有針筒逐少餵，

少吃多餐！

要吸收，快長肉！

 

瘦蜢蜢

\

媽媽：努力食呀唔該！

 

你條尾....

 

抓梳化

 

梳花底變廁所

媽媽：白白大師，梳花底唔係廁所，
拜託你唔好在廁化底屙尿，
尿完浸在腳、尾，污糟哂，今日終捉你出來抹、吹乾。
請問點解在梳化底屙呢？
白白(傳心師傳話)：梳化底屙完尿暖暖的，好舒服。
我唔覺臭啊，都係我的味道。
小美妹妹唔再在梳化底陪我，唔係嫌我，
佢悶啫，所以去搵其他貓陪。

 

令女

 

一家貓

今日幫你哋整咗靚靚貼紙~~

原相手機影都靚靚~~

同一日火化，就暫住同一骨灰盅~~

貼紙一前一後，小健面外向幾日，到Gooloo面向外，公平！ok？

 

唔同窩？

媽媽：明明係大貓窩，點解蘇菲要瞓窩外？\\

蘇菲：熱呀嘛...

 

小健、咕嚕回家了

 

宿一宵

菜檔小龍女乖，唔駛驚，今晚安心睡，

明天去坑口愛協絕育，

明日下午回菜檔。

 

太平年

年初開播的《太平年》一直好想睇，

明明在愛奇藝、騰訊播，兩者我都有，

但竟然香港無版權，於是一路等希望Netflix有，

可惜，等了半年仍未有。

等到太平年豆瓣由7.8分升到上8.6,，

等到在白玉蘭奪最佳原創劇本、最佳男配、年度最佳劇集....

好想睇，努力下在youtube搵到出品的華策影視管方頻道，

full hd畫質，再subscibe去廣告的youtube premium plan，

第一個月免費，終於可以安心睇太平年啦！

 

食燒肉

 

每逢冬天要着衫

就算生番唔少毛，但仍然稀疏，所以每逢冬天都要着衫.....

 

由無毛到有毛

2015年9月回來時...

皮膚病又粗又鞋好多角質層，買咗BB紗巾同你抹椰子油清洗兼磨皮....

日日抹走好多死皮.....

抹下抹下皮膚狀況好番啲....

入冬啦，要着衫...

只包到上身，唔知屁股會否凍？

一年後，生番唔少毛....

熱

今日同星期二一樣咁熱......

 

個胃唔郁

媽媽：白白大師，呢兩日咩事令你少咗野，仲哩入梳化底？

白白(傳心師傳話)：我？個胃好似唔郁咁....

媽媽：我畀咗降胃藥撈糧，傳心師知道你胃拿住，可能胃黏膜損咗，當胃酸分泌時有機會拿親令你痛，所以畀降胃酸藥，

我知降胃酸藥可能減弱消化能力，估唔到你有咁大反應。

我今日已經無加降胃酸藥，呢幾日會給易消化的mousse罐及湯包，以免銀親你個胃。拜託你食嘢！

白白：哈，從親如流，我會食！放心！

 

Gooloo是這樣來的

(媽媽)

2015年9月23日，因為入大尾篤接一對餵貓姨姨

在燒烤場執到的貓B，在入大壩閘口旁屋仔後見到你，

第一次自己set籠，估唔到5分鐘你便入籠。

當時全身無毛，誤以為你係無毛貓。

幫你沖涼洗白白，捽走烏泥死皮...

發現你係超嗲貓....

 

Gooloo突發畢業

咕嚕：媽媽，我畢業啦，尋晚收到消息要走了，

延至今日下午3點半出發上彩虹橋啦！

我好叻呀，尋晚自動上番上牀同你瞓(一排無上)，

陪你，你都用身體畀我依靠住。

早日幾因為我喵喵叫，你請傳心師brenda姨姨問我咩事，

果時係無乜事，只有個胃有啲頂，頭有啲暈，

第二日你幫我做完reiki已好啲。

brenda姨姨問我當時知唔知自己就黎要走？

我真係唔喎！

衣家要走，因為時候到了，就係咁簡單。

我同小健唔同，無一大班人黎接我，

我有媽媽黎接，係我親生媽媽，不過好早死咗咯，

衣家黎接我。

我呢，呢一世在你家有你照顧已經好滿足，

下世唔番來了！

我要做一隻大灰熊，收一隻小灰能做o靚，

然後一齊呢度去果度去。

媽媽，你今晚食完飯，好好回憶我同你既生活點滴，

好好記住我既一切啊！

 

換大牀

 

開耳

不經不覺，耳仔已經豎起了！

 

成日喵喵叫

媽媽：究竟咩事？

 

電腦修好了

星期二抬去修理，火牛燒了，幸好hard disk無壞，

重生裝過落二手機度，i5，

同以前一樣。

今日回歸，一切回復正常。

 

小健畢業

小健今早凌晨4點出發去彩虹橋，好多同伴接佢，

小健好輕鬆一齊行。小健係迪蘇家最好嘅管家，陪伴每一位臨終病貓病狗，用身體溫暖佢哋，

小健此生功德圓滿，你好好休息，他朝彩虹橋再聚。