謎底揭曉

登登燈櫈，我就係小寶，小寶就係我！

今世叫福仔！

 

小寶回歸

小寶：我小寶神偷已歸投胎番咗呢個大家庭，

好爆哩.......呵呵....

 

任務完成

迪蘇家成員最愛的地方~~

大細妹：有樹蔭，有陽光，有池塘~~

大細妹：係毛孩永久安居之所~~

小露、小雲、安仔、靚仔金、小龍、

二寶、小寶、

迪奇大哥同蘇菲姐姐，

以後就在此守護一眾迪蘇家成員啊！

 

fb回憶

今天fb彈出來的2014舊照，在彩虹橋的二寶你好嗎？得閒回來探媽媽？
小寶我知你在彩虹橋生活好好！

小寶給媽媽的話

                                                      小寶給媽媽的話：
我愛你我愛你我愛你🎵🎶（一輪嘴，後來還唱起來）媽媽我愛你，我永遠愛你，你要靚靚🎵🎶，永遠靚靚🎵🎶，我最靚靚嘅媽媽，我哋最靚靚嘅媽媽🎵🎶🎵🎶

我哋 全～部～（強調）依家好好，請母親大人放大大個心，唔該晚上睡得好，早啲上床瞓，唔好再諗諗下又喊，一喊就起身洗個面，立即去訓番，要有紀律，咁先可以完全擺脫陰影，加油加油！ （一輪嘴，背書咁背出來）

呢度冇時間限制嘅concept 嘅，所以我嘅「個多月」同迪奇伯伯嘅「冇耐」都係冇分別，我哋喺依度大家一視同仁、好相親相愛的，媽媽放心！放心！

咁媽媽可以自己同我傾計，多啲同我傾吓計吖，我鍾意聽到你把聲，而且我掛住你呀媽媽.......

小寶的教誨

恭喜發財呀，我小寶又番來同大家拜年啦。
當然亦要同媽媽拜年啦！其實小寶幾日前已經同媽媽講咗好多說話（11-2-2018），媽媽要乖乖聽小寶話啊：

媽媽最需要知道嘅係，忙，會忙壞身子，你就嚟冧偈啦，你真係真係認真啲去安排自己休息嘅時間啦
⋯⋯
媽媽你要堅強，繼續靚靚喔（指保持自己精神）

返屋企探媽媽，見到媽媽睡覺時在哭，小寶感到好難過⋯但媽媽，唔緊要架，你只要睇吓，你身邊仲有好多動物，個個都咁愛你，亦會擔心你傷心，所以你要抖擻精神、睇開啲，分離嘅嘢，好短暫啫，第日大家又會重聚的，放心！你先養好身子........你的笑容幾咁燦爛幾吸引人你知唔知啊？收拾心情，真心去笑返！媽媽， I love you !

小寶的彩虹橋生活

我小寶番來fb啦，有無掛住我呀？我响彩虹橋好好呀，呢度好溫暖，有好多好多同伴，當然有行行二寶仲有群貓會好多老友記。
呢度有好多好多好味食物。有無魚魚？有呀，不過我唔會食魚啦，因為在彩虹橋，魚魚係朋友呀！
我在彩虹橋已經settle down，每日要上堂，學習點樣利用我哋既才能去令呢個世界更美好！群貓會啲同伴呢，有啲去咗遊歷，做山呀，做水呀，做樹呀，做雲呀咁，好多都未投胎去下一世。我哋想休息吓嘛！
媽媽你放心呀，小寶過得很好，你照顧好自己得啦！l love u~~鍚鍚鍚鍚鍚~~~~

小寶回家了

媽媽今日接咗我小寶回家啦~~

媽媽送咗好多花花陪我，搞到我小寶好似發花癲咁，不過佢話靚喎，花花好襯小寶開心樂天性格喎~~

媽媽成日讚小寶係全宇宙最乖貓，呢點我當之無愧，我食藥真係好乖架！剪甲甲又好乖架！
媽媽又讚我好懂性，係架，我小寶好有智慧，我哋貓貓來到世上亦有任務。我的任務就係來陪人類，人類工作忙忙忙，心靈空虛，太過寂莫，太易被人傷害，所以我小寶來陪伴你哋幾年，扮可愛乙水你哋開心，嗲你哋，唔易架！哎，有時嗲到我自己都毛管戙呀。
媽媽，我希望你將一切放慢速度，唔好番到屋企仲騰來騰去，你要休息，攤响梳化，等我哋一個一個坐上你個身。仲有你好心打扮吓啦，出來識下人啦，擴闊生活圈子，少啲挑剔人，要包容下人地，咁先識到人，搵第二春！
媽媽，雖然我哋貓貓既生命只有十幾年，但天大地大，天長地久，只要耐心等候，我哋總有一天會再相遇。
媽媽，保重！

小寶你好嗎？

小寶今天離開了一星期。小寶，想你必定在彩虹橋上享受陽光吧~~彩虹橋上有很多魚柳嗎？
媽媽今天給你買了很多花，明天陪你的軀離入爐化成灰燼~
小寶，愛你！

小寶的話1

今日係我小寶離開的第三日，媽媽我知你好乖，今次喊少咗。但喊好傷身架，喊少啲啦！
其實早在11月7日，brenda姨姨已經同我傳心，我同媽媽講咗好多說話。
當日，陳老師傍晚睇到我小寶升高咗，望番自己身體，以為我正上緊彩虹橋，叫媽媽立即回家睇我，因為我縱使走，都會有一兩個小時停留在家，於是果晚，媽媽好快咁飛車回來，當聽到佢開門果刻，我即刻捐番入自己身體度，所以，媽媽見到我在生好開心！
呢一日對我小寶來說好重要，因為媽媽飛撲埋來攬我！
我小寶好叻架！
媽媽想知我是否辛苦，其實我當時感覺身體輕飄飄，幾好呀、呼吸比較慢及輕；心跳就比較急，同埋心口有少少翳住，腹腔有少少冤痛，少少啫！
雖然我呼吸係有少少難，但ok架，媽媽放心！
我知道自己有一日會走，都預咗，但估唔到行行走先我一步啫。
媽媽你要堅強啲，唔好成日喊，我哋每一個走你都係咁喊，次次嘁好傷心架！
呢段日子希望媽媽多啲鍚鍚我，你鍚我我感覺好溫馨，小寶好鍾意......
(待續)

注定入陳家

2011年3月4日，小寶到家~~從這天起，小寶就姓陳，叫陳小寶！
在群貓會已經改定命叫小寶，注定要來陳家做我的兒子啊！
小寶，愛你！

小寶畢業了

尋晚我小寶爬咗上牀同媽媽齊瞓，今朝媽媽抱住我~~

然後我在陽光下安睡，等媽媽番~~

夜晚9點15分，我出發去彩紅橋啦~~
媽媽，鍚鍚~~

小寶又賺了一天

我最愛媽媽抱抱~~

我愛媽媽~~

我小寶雖然無乜氣力，但唔想走住，媽媽早晨呀，我仍在呀~~

朝早又可以享受媽媽抱，小寶覺得好幸福~~

媽媽你番工啦，小寶等你回來~~

↓
↓
↓
↓

媽媽：我回來啦，能夠見到小寶，媽媽覺得好幸福~~~

小寶要安睡

我小寶已經好累，要休息~~~

媽媽：小寶好好安睡，不要掛念。時間到了，就奔向彩虹橋啊~~

大家都守護你~~

歎暖風

小寶：好凍，跟住開動中吸塵機歎暖風最好~~

寒冷天的溫暖

寒冷天，暖陽光，吊皮下水~~

我小寶好乖架~~

黐住媽媽，好溫暖~~

我小寶享受每一日，感恩~~

責扁啦

小寶：責扁我啦~~

媽媽：大家留番少少位畀小寶啦，真係責扁架.....

7年前的小寶

2000年12月12日，我小寶第一次見媽媽~~媽媽來領養我探我，當時我都歲幾啦，剛做完絕育無幾耐，因為隱睪所以要開肚肚，戴頭罩~~~

呢張係媽媽幫我影既靚仔相，我識笑架！

暖窩避塞

今日氣溫下降，我小寶都搵個暖窩匿埋先~~

幸福

小寶攬住媽媽安睡，媽媽覺得好幸福~~

見住你安好，生活就是幸福~~