靜宜回家了

告別靜宜睡寶寶~

回家了~

和哥哥大雄在同一個盅~

 

靜宜畢業了

迪蘇媽：乖女靜宜已於今日中午約1點出發去彩虹橋，

靜宜唔捨得，因為擔心我唔食飯，

佢話要食白飯我先至有氣力先至有腦力做嘢。

媽媽知道啦，你唔使擔心，我會食白飯㗎啦，

安心上彩虹橋啦。
靜宜唔捨得呢個家，你留在家直到夜晚，

聽住心經，靜靜地慢慢地上天堂。

靜宜同傳心師講，對呢個安排好滿意呀，

仲話俾我知舊年出發嘅大雄哥哥知道佢論盡，

在彩虹橋會教導佢，

另外亦都有好多兄弟姊妹在彩虹橋迎接佢，靜宜不會寂寞。

靜宜暫別，我哋彩虹橋再見。

 

示範

媽媽：辛苦哂靜宜，要你幫手示範被捉入洗衣網~~

 

又口腔炎

媽媽：靜宜苦瓜乾咁，知道你口腔炎又發作，

咁食兩星期抗病毒藥好嗎？

乖乖食藥，唔好逃跑啊....

 

霸定立

媽：兩位咁早霸定位？家陣夜晚九點半咋喎~~
啦啦、靜宜：我哋從下午已經霸定，
媽媽你今日七點幾出門，你今晚早啲瞓吧~~

 

唔好爭食

媽媽：我畀靜宜食，你哋兩手個就快手搶吃....

靜宜：我lam咗兩啖咋....

 

靜宜的抗病毒藥

媽媽：迪奇哥哥完成療程，呢個樽就畀靜宜用啦！

媽媽今日入咗28粒藥(55mg)，治口腔炎...

靜宜：要食幾耐架...

媽媽：一般要3個月/12星期，你好似3星期前開始食，

即係仲有9個星期咯...

或者好得快，口腔唔紅，就可以停咯..

不過我估最少要食兩個月~~

 

太受歡迎，唔捨得掉

新樹長期滿座~~

靜宜：我住舊樹都無緊要，一樣咁舒服.....

 

公主靜宜

媽媽：你成日抓耳仔抓到損哂，

惟有戴泡泡圈~

本來想幫你洗耳仔滴耳油，但檢查過又無發現喎~~

乖乖戴泡泡圈搽Bedatine，快啲好呀~

 

乖乖吃藥

媽媽：乖啦，吞藥啊，唔好頂番出來啊！

 

唔捉啦

靜宜(中層)：唔好捉我！

媽媽：知啦，剛才捉你入袋食藥咬爆我手指....唔捉你啦...今晚..

恐龍仔：唔好捉我....

媽媽：唔捉啦今晚，都餵完藥咯，我影相你路過啫~

 

靜宜無胃口？

媽媽：哎呀，靜宜呢兩日胃口差，咩事呢？

畀嘴挑罐都係lam兩啖，咁惟有入袋灌食啦，

一打開口發現口腔又紅哂，發炎啊陰功！

好彩屋企有口炎藥，餵你食完醬醬後，再餵抗毒藥同止痛藥，

再搽耳仔開胃藥，

打埋皮下水補充水份~~

哈，夜晚果餐回復胃口。仲响地下碌下碌下好悠閒，安心哂！

 

大雄回家了

\

 

大雄回喵星

大雄：媽媽再見啦，好唔捨得，

我好愛你架，但唔識點表達...

媽媽：媽媽都好愛大雄，你腎衰竭真係惡化得好快，

好似肥綿咁，臨尾都畀細菌蝦，搞到爛嘴....

你衣家脫下衰敗身軀，好好休息

在彩虹橋學習，

然後去經驗下一世。

傳心師話有好多貓在一旁等候，從容不逼，有位仲Lam緊手，

你ready就跟佢哋走啦，放低身體上不適感，

好好休息啊....

 

飲水器好番啦

靜宜：飲水器終於正常出水啦...

媽媽：真係唔好意思，飲水器上星期壞咗，個泵唔出水，

媽媽要向代理查詢，本來打算尋日拎去打磚坪街代理修理，

點知烏嘴上彩虹橋，要送佢去善終公司，

今日先有時間拎去整，

原來下底摩打有水氣，因而壞咗，

衣家換個新底連摩打，可以正常飲水啦..

 

喵師傅又出馬

 

靜宜乖

媽媽：係時候食藥啦，

唔駛匿埋，我會捉你出黎架...

媽媽：只係每早晚食一粒抗生素加0.2ml止痛藥，

好快食完！

 

喵師傅出馬

媽媽：大雄師傅，要工具嗎？

要螺絲批定士巴拿？

 

鳯珠靜宜一齊見醫生

媽媽：今日出天心睇牙，慘，又輕咗...

鳯珠：唔好搞我個口，好痛呀.....

媽媽：到靜宜啦，原來2kg都唔夠...

媽媽：你啲牙一樣差~~

好彩驗血報告一切ok，咁約定一月八日照牙科x光後洗牙脫牙..

番到屋企同你哋打完水餵完止痛藥就即刻肯食嘢，

夜晚仲好好胃口添！

媽媽同你哋一齊努力，每日早晚餵藥，

需要時打水，

希望一月八日剝牙順順利利~~

 

靜宜食嘢啦

媽媽：靜宜早幾日開始唔食嘢，

要媽媽餵食同打水，

今日終於食嘢啦，叻呀！

今日係咪無唔舒服啦？

靜宜：唔...好好多啦...同媽媽一樣好番啦....