2022 BYE~

 

好凍咩？

媽媽：連梳化既電暖墊都咁多貓，

好凍咩？

群貓貓：你睇下天文台幾多度？

媽媽：係喎，是夜13度....

 

花姑娘對手手的愛與恨

 

鳯珠靜宜一齊見醫生

媽媽：今日出天心睇牙，慘，又輕咗...

鳯珠：唔好搞我個口，好痛呀.....

媽媽：到靜宜啦，原來2kg都唔夠...

媽媽：你啲牙一樣差~~

好彩驗血報告一切ok，咁約定一月八日照牙科x光後洗牙脫牙..

番到屋企同你哋打完水餵完止痛藥就即刻肯食嘢，

夜晚仲好好胃口添！

媽媽同你哋一齊努力，每日早晚餵藥，

需要時打水，

希望一月八日剝牙順順利利~~

 

小風覆診~放血

媽媽：今日醫生又向你取殼抽走9ml積血，

比上次12ml少咗，

不過夜晚又積番少少，

希望今日開始咗類固醇抑壓耳仔發炎，

之後可以改善啦。

今日攞番種菌報告，原來又係金黃葡萄球菌，

之前醫生叫食朱古力同滴耳藥

係可以殺到呢種菌，

所以要繼續食多一枝.....

 

迪奇有胃口啦

媽媽：今朝見你自己食嘢，媽媽放心哂...

不過呢，夜晚果餐食得唔夠喎...

明天要好似蘇菲咁紥紥跳同一啖食呀...

 

迪蘇flu咗

(尋晚)

媽媽：迪奇同蘇菲一齊flu，無胃口，嘔泡...

打完水forcefeed完又嘔咗部分糧，都叫有嘢落肚，

好彩都算有精神~~

媽媽：蘇菲做乜哩埋？

蘇菲：我要好好休息，快啲好番~~

(今朝)

媽媽：迪奇曬下陽光好呀，好番未呀？

迪奇：未.....

媽媽：蘇菲响山窿休息一晚，今日已經回復胃口紥紥跳....

迪奇你今日好好休息，

明日應該好啲架...

 

你條友仔......

 

SO歎！

 

花姑娘膳食

花姑娘又重咗

託媽：厲害，3.6kg！

託媽：脹卜卜啊！

花姑娘：我根本美麗~

 

嗲豬小風

 

唔駛做手術

小風：我今日好叻仔，

一路喵一路畀醫生抽血，

耳仔抽咗四支血...唔駛做手術。

小風：原來耳血腫未必一定要做手術，

今日莊醫生話近幾年都無做過呢類手術，

因為抽血後服類固類就會好.....

但我因為FLU緊，要食朱古力同抗病毒藥，

等傷風好番哂先可以食類固類抑壓炎症....

抽完血，我由脹卜卜餃子耳，變成扁塌塌餃子耳....

抽咗四枝血，一枝送去化驗種菌.....

我要每日早晚滴抗生素耳油.....要戴喇叭.....

無哂心機啦,,,

 

小風耳血腫

媽媽：哎呀小風對唔住，

呢兩日見你匿埋樹窿瞓覺以為怕凍，

今日同大細妹行完回來，先驚覺你耳仔DUP低咗，

摸下先發現腫咗，係耳血腫呀....

明早九時打去診所，應該攝到時間畀你.....做手術放血...

媽媽就...荷包放血....

 

屙血尿

三張超聲波cap圖顯示膀胱壁厚咗，組織唔平均~~

細妹：咁姐係點？

媽媽：腫瘤會係咁，嚴重發炎者會係咁，
姐係暫時當係膀胱炎咁醫，今早帶你去診所途中你係咁呵，

幾驚去到診所膀胱空哂，無尿畀醫生抽去化驗，

好彩去到診所門口，問va攞咗樽仔接到你啲血液，

得好少，好彩醫生話夠拎去化驗兼種菌，

開咗一星期抗生素食住先，

兩星期後覆診，希望膀胱壁回復平滑，

否則......可能要開刀取組織去化驗.....

不過又估唔到，你屙血尿幾日‧,

仲以為有石或者有晶體，

竟然無喎！

好彩！

 

電暖墊不及暖爐受歡迎

媽媽：明天9度，今日開定電暖墊鋪梳化，

估唔到只吸列三隻貓~

輸咗畀暖爐添~~

 

咁都得？

 

暖爐零距離

 

是夜12度，圍爐取暖

未開飯，先開爐

放工回家發現室外氣溫只有15度，

未開飯，先開爐~~

食完飯，圍爐啦~~

 

室外氣溫攝氏16度

媽媽：一開完飯即開暖爐畀你哋，

即吸5貓~

媽媽：沖完涼再睇下.....

雖然天文台報氣溫16度，

不過今晚體感好凍，好似13、14度咁，

都係早啲瞓....

 

一手一腳搞掂新檯

 去沙田IKEA行咗幾次，

上IKEA網又睇過，揀啱幾款...

星期二續行車證後去買，

星期四取貨，

今日砌好，

然後拆舊檯，

方才發現，新檯同舊檯原來一模一樣~~

證明taste從來無變...

凍咩？

媽媽：蝦，明明尋晚熱到要開風扇，

今朝起身見到你哋黏埋一舊...

好凍咩？

 

歎

媽媽：好識歎喎，睇黎你好鍾意呢個窩~~

福仔：一早應該放入籠畀我啦....

 

是日大雪

媽媽：是日大雪，是夜不凍，有十八度，

不過都係開定暖爐畀你哋..

呵呵，小烕永無失威，永遠霸到頭位~~

 

睇牙

鳯鳯珠：好驚呀，點解要黎呢度？

媽媽：為了醫好你啲牙咯！

本來聽莊醫生意見，做牙科x光睇清楚有無牙腳剩低，

先一次過幫你剝哂所有牙，

希望可以解決你長久的口腔牙肉炎，

不過來到勝利道睇dr. louise，

牙科x光加徹低清牙腳(如果有)，報價係1萬至1萬6千，

而且有啲貓就算剝清，都仍然繼續口腔炎...

呢次療程好貴，媽媽再幫你約多間獸醫，

睇下會否平啲...

鳯鳯珠：又要再睇....

媽媽：要呀，否則成世食類固醇....食咗成年啦，我都好擔心會引發其他問題....

 

拯救奶貓 🐱育嬰手冊 ❤️ 養大貓B step by step🐱 ..

藍天黑狗

黑社會午睡集會

朝拜暖爐神

尋晚

今朝~

今晚~~

 

13度的早上

 

叉滿電

驗血+超聲波

媽媽：估唔到，驗血報告相當靚，腎功能正常，血糖正常，

仲一啲都無貧血，

由於輕咗，得3.03kg，莊醫生話減類固醇至每日0.6ml，

尋日打咗長效抗生素治口炎，

每日半粒開胃藥，

仲有早晚0.2ml止痛藥水，

估唔到，食完藥好好胃口，食咗差不多兩罐kakato mousse，

今朝竟然上等3.13kg，犀利啊....

超聲波報告都無發現腹水、腫瘤，係有一粒淋巴腫但只有0.3mm，從體積看不似淋巴瘤或腹膜炎，
胰臟炎測試都係陰性，總之安心哂！
下一步，勝利道約期照牙科X光，睇下有無牙腳未清，
然後由莊醫生幫你剝埋剩下牙仔，徹底清除牙組織，希望可姒根治口炎，如果都唔掂，就試干擾素睇有無效...
唉，做貓真係慘......

 

嚇死媽媽

媽媽：嚇死我，尋日上磅鳯鳯珠你竟然跌破3kg，得2.9x，

擔心到我成晚瞓唔着，

好彩今朝一早起身打電話book到莊醫生，

在診所上磅有3.03kg，

但比起五月時3.5kg跌咗足足半公斤，

擔心你可能腹膜炎、糖尿病、甲亢、腎衰......

好彩驗完血做埋超聲波.....都無事....

打開個口檢查....

慘慘珠...