2015年3月30日 星期一

靚報告

唔記得同大家講,我迪奇星期六去完大浪西,回家媽媽同我哋沖涼後,就出發去太平道見DR. KAREN~~

呢張就係我靚靚驗血報告啦~~
血小板升番上正常了!
雖然MCV紅血球體積責界,但karen話無問題;
至於lym又低咗丁丁,karen話有時有壓力就會咁,又係無問題!
總之一句~~靚哂!
今次係我迪奇第三次打抵牛蜱熱!
牛蜱牛蜱,唔該你永久遠離,唔好再上我身啦!

2015年3月29日 星期日

唔係焗貓

媽媽:喂喂,你哋行開呀,呢個模唔係愛黎焗貓,係焗包架~~

都話唔係愛黎坐架?!

終於發好,哎呀,一焗就瀉哂啦~~

脫模時仲搞到爛哂~~

好彩入面靚啫~~

2015年3月28日 星期六

去大浪西

好嘢,今朝有山行~~

今日我哋陪媽媽入大浪西餵避震丸,但兩隻流浪黑狗媽上咗山玩,無得餵!然後海灣士多老闆話b女大咗肚!暈啦!媽媽勸老闆諗清楚是否趁現在未成肚早絕育,否則之後生咗都係一樣要絕育,到時唔知絕幾多隻呀!

辦完正經事,.媽媽話要吃個靚早餐先~~


然後到我哋跑沙灘~~哎呀,我迪奇永遠受狗歡迎,但A仔你米成日跟住我至得,好煩呀你!

蘇菲一陣你同我吠走佢!\\
蘇菲:好呀!吠狗我最叻!

早春三月,時間又早,所以沙灘好少人~~

今日大陰天,唔曬好舒服~~

沙灘又有春天氣息~~

十一點幾回程,太陽伯伯出來了,係曬咗少少,沿途休息多少,飲多啲水再用水濕下身先!
天氣愈來愈熱啦,無得得山LU~~

2015年3月27日 星期五

坑渠B

今晚接咗隻在坑渠浸咗成日的奶B,交到我手時雖然有毛衣及暖包,但可惜暖包放在最最底層,BB成身係凍的!
即刻放番好暖包然後番屋企,隨即開奶,可惜BB無乜力氣啜,只係濕左口仔.....

之後BB努力堅持咗一陣,突然爭扎,唞咗幾日大氣,最後一口呼吸好微弱,然後,上咗天堂做小天使。BB吸最後幾啖氣,是在我掌心,牠亦在我掌心離開。
未嘗過幸福便要走,BB,下世要投胎做隻有人愛鍚的貓咪,唔好做流浪貓的下代啊!

BB在十一點半由善終公司職員接走。BB你放心,你火化當日我來送你,之後你就要努力奔向彩虹橋找同伴玩啦~~

2015年3月26日 星期四

2015年3月25日 星期三

不知錯!

媽媽:楠楠你好曳,叫咗你十次唔準衝入房搶貓糧,點解你成日唔聽話,係要搶食,明明大聽開緊番畀你啦.......
咁曳,教而不善,今晚罰打PAT PAT兼無飯吃!

豈有此理,毫無悔意,鬧完都唔知衰,唔夠一陣又來坐大脾?搞錯呀你?!

2015年3月23日 星期一

出來啦

媽媽:雪雪,做乜匿咗入箱瞓覺?以為我睇你唔到嗎?個箱放皮下水同FRONTLINE的,唔係入去啦,出來啦~~~

2015年3月22日 星期日

吃雞咯

雞係焗畀我自己做減肥餐架!見你哋虎視眈眈,好啦,我食咗少少,其他都畀哂你哋做消夜啦!我無雞吃了!

2015年3月21日 星期六

偷吃貓糧

貓糧袋,竟然有個屁股連條尾~~

蘇菲,你傻架?個袋空架,仲以為有得食?

2015年3月20日 星期五

趕住?

媽媽:大寶,呢排打水都郁身郁勢,趕住走咁,唔乖呀你!
大寶:咁我急尿嘛!其實打咗成年,點解仲要打呀.....
媽媽:鬼叫你未好番咩?你好番咯,無腎病,無蛋白尿,無脫水,咁咪唔駛打咯!可駛你呢個病係唔會好的,繼續乖乖受打水啦~~

2015年3月18日 星期三

新玩具

呢件小家電,買咗成個星期,尋日先有時間搞,二寶呀,唔該借借啦~

你哋至叻就係第一時間霸紙箱~~

搞掂咯,砌好了~~

明日終於有番收音機啦~~

2015年3月17日 星期二

春花開

我蘇菲同迪奇哥哥好耐無黎彭福啦,今日媽媽偷雞早閃同我哋跑草~~

彭福春花開了~~

哇,迪奇哥哥咁鬍鬚濕濕~~

不過我都變咗烏嘴狗~~

我蘇菲狗比花嬌,今日係早春三月,又大霧又濕氣重,HEA一陣番屋企洗白白LU~~

2015年3月16日 星期一

好濕

蘇菲:今日好大霧,好濕,唔駛上天文台網頁,都知我家西貢應有接近100%相對濕度!
唔信?睇下我啲鬚鬚就知啦!
迪奇:仲唔信?睇我眼眉毛都濕立立就知啦~~~~

2015年3月15日 星期日

貓民

呢班係日本貓島島民~~
呢班係迪蘇家貓主子,講真,兩者又咩分別呢?
我,就睇唔出了~~~wakaka~~

2015年3月14日 星期六

王子乖

媽媽:你做乜唔食濕呀?我自係溝咗啲拉仙畀你,幫你增強抵抗力,應該唔臭架,做乜唔食喎!
好彩隔離果碟無溝藥淨乾糧食哂...

merry:咁嘥,我幫你吃~~

媽媽:係勒,畀我摸就乖啦,但最好戒fee我就更好啦!

2015年3月13日 星期五

感受溫暖

媽媽:今日眼腫嚴重咗~~

乖啦,食咗藥滴咗眼水好好休息,再唔好,就要睇醫生啦~~

唔好再FEE我啦,衣家知道病咗有人照顧係幾好哩!

2015年3月12日 星期四

王子病了

媽媽:王子,唔好咁樣對我啦!

媽媽:你病呀,流哂眼水,乖啦,畀我餵你食藥同滴眼藥水好唔好?

2015年3月11日 星期三

免罩

媽媽:MERRY你大個女啦,今日做咗絕育!
見你咁抗拒頭罩,番來整甩兩次,好啦,特準你免罩啦!

拿你要乖呀,咪LAM傷口,否則要你戴番頭罩架!

2015年3月10日 星期二

過份

今日早回家,又係咁,有無搞錯呀你哋又集體欺凌!

成條片去咗風扇度?



好啦,我鋪番新尿熱然後出街吃飯,番到來又拖咗出來,反夠味呀你哋!
過份呀!