又見大寶

在相機記憶卡中，搵到大寶呀！

大寶，你在彩虹橋生活好嗎？有無認識新朋友呀？
媽媽給你買了一個新櫃呀，明天送到。到時你同美美骨灰會放在一起。
明天影給你們看！
大寶，媽媽愛你！

淆底獸

今日帶你哋出領養日，做乜咁淆底呀你哋？

食咗一日白果，無行啦！快啲去投要。7號，希望唔好畀禮義廉攞到呢一席呀！

小天使安安

軟弱無力的貓咪癱坐路上，狗來也不走，明顯是病重，義工經過無法見死不救~~

小貓救起後，到了我家。嚴重脫水，先給牠注射皮下水~~

牠呼吸很辛苦，好用力才吸到氣，我給牠噴蒸氣，希望可以舒緩一下....

噴了兩次，仍然好辛苦。一直看着小貓，希望牠能捱得過今晚。捱得過，明早就送去西貢獸醫診所......

後補：可惜，剛到浴室洗臉，出來再看，小貓已離開了，不再痛苦了。
小貓你有名的，你在西貢新安村發現，自己從山邊爬出路邊等人救，知道你好想生存，可惜遲了一步。
小黃貓女，義工給你改名叫安安。安安小天使，安心到彩虹橋快樂奔跑。姨姨將你火使後接回家，做個有家的小天使。

大寶的記錄

昨晚在相機中，竟然發現在2月6日大寶的相片，雖然當天都係瘦瘦啲，樣子有啲愁，但整體狀況都唔差~~

而大寶走後，一直記掛住仍在大壩上的妹妹~~

妹妹自從爸爸篤篤奔向彩虹橋，大寶又到了我家後，剩番佢一個貓孤伶伶，好想帶佢番來團聚，可惜去幾次，妹妹都唔入籠。
妹妹，唔知你衣家點？我會去探你的！你要安好呀！

迪奇的Bday cake

迪奇：生日蛋糕，我架！
媽媽：係你架，星期二買架，不過今日先得閒開畀你食！
食過生日蛋糕就繼續健健康康啦~~

我的小天使

大寶，你真係好大隻呀！

今日見你睡得好安詳，媽媽最後再握你的手~~

摸你的大頭，看到你在微笑~~
然後親手,將你的肉身交給善終職員，送入熊爐中~~

媽媽最愛你這個肥頭！大寶全盛時期有4.6KG，是我家最重的孩子，而你由患病消瘦到救回來後可以變番大隻，陪伴媽媽過了二十個月的幸福日子，雖然短暫，但我知你很滿足。

我最愛的大寶，你在彩虹橋開始過新生活吧！媽媽有你和美美守護，生活會過得好，你放心啊。如果有好人家，就快快去投胎啊，下一世要幸福！
媽媽永遠愛你！

天注定的母子緣

都說每一個來我家的兒女，都有天注定的緣份~~~
因為fb上庫了大寶吃了我三條魚柳的相片，因為相片中大寶的滿臉傷痕和滿腳窿窿，義工Mandy姨姨在4月25日(2014年)，救了大寶回來，送去愛協絕育，處理傷口~~

在mandy姨姨家中癒傷的大寶，瘦骨嶙峋。大寶，唔駛怕，媽媽一早決定接你回家暫託。我們的母子情緣，天已注定。

迪奇13歲

迪奇，你今日3歲仔啦，生日快樂呀！希望你健健康康，同蘇菲同媽媽一齊生活多幾年呀！
迪奇：我會KEEP住健康的！

遇上滿臉傷痕的你

19日，記錄着我和大寶的緣份。2013年11月19日，我在大壩上首次遇見大寶。2014年4月19日，我在大壩上見到這隻花面貓，我叫他，他走上前，我將背囊中的魚柳拿出來，他走上前大口大口的吃！吃完一條意猶未盡，我又開了一條，之後又一條！
這頭花面貓，一口氣從我手上吃下三條魚柳！

當時的大寶，雖然大隻，但身形瘦得可以，還一副苦臉~~

雙手和雙腳滿佈像牙洞般的傷口。大寶，你是怎樣受傷的？
瓊姐說，嘗試趁你吃糧給你潑黃油癒傷，但不知有沒有潑中。我記得之後我給你買了petsaid消毒藥水，送給瓊姐每天給你噴灑！
我們的緣份，應該是這一天確定的！

與大寶初次邂逅

手機是思念的最好伙伴，我去孩子的媽媽，不斷搜索手機中愛兒的點滴，在2013年11月19日，找到大寶的爸爸~~篤篤~~

然後見到草叢中的大頭肥寶~~

打喊露呀！好可愛的大寶！

媽媽永遠記得這時候的大寶，肥頭厚肉，十分靚仔！
大寶，今日出太陽呀，你在彩虹橋曬住太陽，很溫暖吧！
媽媽依然想念你！

大寶給媽媽的說話

大寶離開我的第二天，媽媽雖然有哭，但一想起大寶不再受肉體痛苦，媽媽就釋懷。媽媽應承你，我盡量不哭，因為這是星期二，WINGSZE姐姐為你傳心時，你清楚告訢姐姐你的想法。

大寶告訢傳心姐姐，患病後期不算太辛苦，只是身體軟弱無力，所以要多休息。
你又告訢姐姐，感覺自己很幸運，因為從來沒想過有家，有媽媽痛鍚，有貓同伴和平共處一屋。
大寶從04年4月被救後送到我家，身體一直抱恙，胰臟炎加腎衰竭，大寶這十多個月來一直要每天吃藥和吊皮下水，一直乖乖接受。大寶明白到自己身體有病，而從去年春夏交替開始，體重不斷下跌，到了九月的一次覆診，Dr.  Karen已提醒我你病情嚴重，要我有心理準備你有一天會離開。這些說話大寶你是明白的。
大寶告訢傳心姐姐，知道生命有盡時，自己曾目睹大壩上不少同伴離開...
知道，自己有一天會離開媽媽。
大寶請姐姐傳達，希望媽媽不要為他哭，哭是很辛苦的，大抵大寶是看見美美離開後媽媽失聲痛哭的樣子感心痛，所以不想媽媽為他哭。
大寶，我明白的！
我要盡力！有大寶在我心中為我打氣，媽媽會振作的！
大寶，你昨晚凌晨離開軀體後，將你安放好後，我讓你陪伴我們睡覺，早上親自駕車將你送到寵物善終公司，親手將你放到盆上，親手交你給叔叔。你的肉體就在這裏待幾天，下星期三火化後，媽媽接你回家，和美美做鄰居。

永遠愛你，大寶

大寶，在凌晨1:36分，離開瘦弱病痛的軀殼，奔向彩虹橋了。媽媽知道大寶已經無痛苦，變回昔日大隻、強壯、圓潤的靚仔大寶！
大寶永遠是媽媽的乖孩子，多謝大寶今生給我滿滿的愛！媽媽永遠愛你！

靜靜陪大寶

大寶愈來愈不夠氣力，呼吸愈來愈辛苦。大寶，媽媽知你辛苦，可能隨時會離開，昨天整日陪你，今日一做完手頭工作便回家陪你，給你依傍~~

媽媽知你辛苦撐着這個身軀。大寶你累了，乖乖睡吧，媽媽一直守在你身邊~~

數貓貓

大家一齊數貓貓啦~~

愛你，大寶

大寶又親親媽媽，真係好乖仔~~

大寶，媽媽知你好辛苦，呢兩日呼吸急促，尋晚又無哂力氣，又于斷想嘔但嘔唔出......又食唔到嘢，但媽媽打碎罐罐用針筒餵，你都好努力吞，大家好乖仔。
大寶，媽媽永遠在仔身邊支持你。
大寶我愛你！

入貨

小寶：得咁少罐罐架？
媽媽：無辦法啦，叫咗義工姨姨訂罐又未到，惟有我去petshop買住先啦！貴麻，買住24罐食住先啦！

小寶：咩黎架？
楠楠：食唔食得架！

小寶：波波？.唔啱我......

小龍：咦，好似幾好玩咁喎~~~

濕狗呀

尋晚落雨，今朝起身個地好濕，所以媽媽話唔行山，淨係去~~~熊豬仔生日會度食嘢！

唔行，個地咁濕，我蘇菲都做咗濕狗~~

迪奇：濕到我唔想行~~

媽媽：迪奇，乖，媽媽陪住你行~~

媽媽：有媽媽响度，你唔駛驚，跣跣地路唔平，媽媽都會帶你過。過唔到，媽媽抱你！

蘇菲：媽媽，我跳唔到上來呀！
媽媽：咁你向側邊行過來啦，你叻女，一定得！

有貓偷食BARF

還有幾多個明天？

大寶：唔知我仲有幾多個明天？

上星期二覆診時，DR. KAREN同媽媽講，CREA上到過千，我未必過到呢個月~~
呢幾日，我已經無乜胃口食嘢，媽媽開始攪溶罐罐用針筒餵我食.....

又見我肉球愈來愈淺色，知道我貧血愈見嚴重，所以原本隔一個星期打的鋪血針(上星期六打左第一次)，今朝都幫我打咗第二次~~

DR. KAREN話，我個腎已經無乜功能，排唔到毒，身體充滿毒素，所以無胃口........遲啲有機會抽筋........抽筋好辛苦....

我衣家只想好好休息，明天會係點？我都唔知。還有幾多個明天，我都唔知，但我會做個乖孩子，每日爭時時候黐住媽媽。