on nancy

媽媽：小虎，你又On Nancy啦~~~
小虎：我都唔想架~~
媽媽：屙咗成個星期，咁唔掂架！尋日終於執咗你啲nacncy送去畀karen醫生，初步驗咗無梨形蟲(你不嬲都無既)，但球蟲就唔知有無番發啦，醫生幫你送咗出去驗，你咪驗到有呀，如果唔係又要食苦藥啦~~
小虎：下....唔知得唔得......

另外兩粒B都有家

海邊四寶中的四妹海寶同二哥海浪，今日都去咗新屋企啦~~
(你睇阿妹個樣超不爽！XDXDXD) 

兩粒B有家

海邊四寶中的三妹海綿，同大哥海風，今日率先到咗新屋企啦~~
新媽媽報告兩個豬下午玩毛毛捧玩到癲咗，跟住瞓咗個長長午覺，夜晚成八點先起身喵喵叫開飯，真係識歎啦你哋！

一家團聚

四隻海b今晚同爸爸一起，明日其中一對就去新屋企了~~你哋好好珍惜時間相聚~~~

清倉

迪奇：好多嘢食呀，媽媽收埋咁多架~~

媽媽：要清倉啦，呢包畀大細妹食先~~

蘇菲：呢條廘筋好咬呀~~

迪奇：正....媽媽你就唔啱，姨姨送畀我哋成年，你家陣先開~~

媽媽：係係，係我唔啱，家陣準備搬~~所以屋企既野清得就清，呢幾日，你哋努力食啦！

新玩具

小虎：咩黎架？

小風：食唔食得架？

二寶：我唔認為食得囉~~

媽媽：借借呀，咪阻住我砌嘢呀！

小克：點玩先？

大雄：食得架~~

媽媽：其實係咁玩架~~私煙絕食暈倒，要送院了，大家讓開~~~Bebu、bebu.....

父子

媽媽：哇咔咔，似樣嗎？呢個BB，同你一樣都係蝴碟紋，應該係你個仔黎架！
大寶：下，真係架？
媽媽：係啦，石罅果度得石罅B女同你未絕育，石罅妹大肚仲唔係你經手？
不過你無綠睇到仔女出心世，因為果時你又受傷又瘦畀我哋救咗，過咗幾日石罅B女就生咗咯~~
大寶：咁，呢炸B，係我仔女？
媽媽：係呀，明日搞個逐隻相認先！

4隻討吃的傢伙

四隻大聲公，一聽到我開大門就放聲咩叫催開飯~~好似追債咁~~

飯後做體操~~

正宗馬騮精托世呀！

海邊四寶

海邊四寶：左起二哥海浪、三妹海綿、大哥海風、四妹海寶

三妹海綿好乖好親人，好似迷你版肥綿；四妹海寶就驚青啲啦~~

大哥海風都驚，會FEE人的，不過好易馴服既~~

最可愛最親人既海浪，真係人見人愛車見車載~~

佢哋係等家的乖豬，希望你哋快快有個幸福家~~

四寶飯

今日，海邊四寶黎咗我屋企啦~~安頓好後，四寶開飯啦~~簡稱「四寶飯」XDXDXD

貴妃？

小克：呢張枱幾好喎~~

肥綿：係椅黎架，愛黎坐架~~

媽媽：肥綿，你咁樣夾住，會否太辛苦呢？

肥綿：咁樣好舒服啊~~~

打水過量

弊啦弊啦，頭先唔專心打水，一個唔覺意打咗成250cc(平時係100多啲啲)，打到大寶脹卜卜，大寶你無事嗎？無呼吸困難啊？有義工話打過量會失溫會令電解質失平衡啊~~
哎呀你無事嗎？今晚要陪你瞓至得！

播種

媽媽：大寶，聽聞你絕育前好風流，有好多仔女喎！
大寶：係咩？邊個話？

媽媽：呢竇懷疑係你仔女喎~~

大寶：有啲咁既事？

核突呀

迪奇：我哋今日剪咗毛啦終於~~

媽媽：你睇你幾咁核突？唔該，唔好再LAM手啦~~救命！
都唔知幾時變番白............

執嘢

今日我陳小寶做主角，霸住媽媽個鏡頭，影找啦影我啦~~

佢哋好衰呀，佔領紙箱！媽媽話用來搬屋用架，唔係畀貓瞓架~~

拿，畀呢邊你哋睇，媽媽真係清理咗好多嘢，屋企闊落咗好多呀~~~

大寶覆診

有人話大寶似傻豹，又真係幾似播！

今日大寶去太平道覆診，醫生話要食呢隻低蛋白糧~~

因為尿指數高咗少少，即係腎已經function衰退啦~~之前胰臟指數超高，今次再一次下降，但仍然都係高少少~~
但今次尿蛋白情況好咗喎~~
咁呢張成績表，有好好差，咁計落都算好啦~~
大寶加油，繼續乖乖食腸胃抗生素血壓藥同埋畀我打水~~

清場

睇下我哋屋企有咩唔同咗？

係啦~~就係濶落咗，無咗好多雜物~~包括貓宅一幢、貓蛋一隻、儲物架一個~~

哈，搞到我蘇菲以為間屋大咗添~~

 

貓地唔知點解咁哩~~其實媽媽巴經開始清場行動，打算將啲無用既嘢丟走，丟得就丟，要狠心！
今日清廳，明天清房。媽媽加油啊！

味鮮包特價$3/包

入貨~~

皆因特價呢~~

少少哋買咗百二包~~

今晚食咗12包~~

其實上星期特價$11.4/2包時都買咗10包，入廚房食飯既美美同豆豉就日日有得食，其它貓呢~~都係食乾糧同SUNDAY食卡卡吐罐罐啦~~
不過今晚加料就個個食啦~~
食完~~影完~~要收好先！

一齊食飯

媽媽：大寶，你好想同大家一齊食飯嗎？
你想融入大家庭嗎？
好啦~~咁一齊食啦！