同一位置

托媽：哈哈唔該哂，保持同一位置方便我打水~~

花姑娘：快手唔該...

 

移船就磡

托媽：花花小姐，乜咁歎咁早入房瞓呀，

不過呢個位都幾好，方便我吊起包皮下水，

唔好郁等我打埋水先吖唔該~~

花姑娘：快手，唔好阻我瞓.....

 

收水了

媽媽：上星期後期抽完耳積血，耳仔已經無再脹，

即係無再積血。

前日抽只係抽到少少，明顯自行吸收番積血，

開始變餃子耳了~~

小風：係咪唔駛再抽啦~~

媽媽：係呀......

 

鬼鼠

媽媽：恐龍仔唔駛咁鬼鼠喎，

驚我捉你食藥所以等其他貓食完先出現~~

恐龍仔：被發現，走為上着....

 

邊度最好瞓？

迪奇：當然係媽媽大髀最好瞓~~

 

乖乖打水

托媽：終於瞓定定，可以乖乖打水，

唔駛我捉...

花姑娘：老娘今日心情好...

 

霸住哂

迪奇：等我試吓穩唔穩陣先...

媽媽：唔係你地架，係媽媽砌畀弟弟(人)架，

落黎呀唔該....

 

呱呱嘈

媽媽：好煩呀你，成日呱呱嘈.......

小美：.......

 

反抗

媽媽：可惡陳小風，係咁反抗，結果只抽到3ml，

咁由你積血，耳仔腫瘀，唔理你最好！

 

眼腫

媽媽：寶寶少爺明明眼發炎流眼水，想幫你滴消炎眼藥水啫，

係咪要抓傷我逃跑？

 

隔日抽

小風：救命呀~~

媽媽：衣家隔日抽血積血，積血愈來愈淺色，主要水份多。

上星期餵你食類固類後你猛打乞啑，

用咗幾日時間減量終於尋日停~~

之後消炎吸收番血水就慢慢來啦~~

 

櫃頂去主

媽媽：得閒落下來啦，行下玩吓...

小美：你唔响度時我自然會落....

 

新屎坑

媽媽：迪奇跳上去做乜？

迪奇：試下小美妹妹啲糧係咪好味啲？

媽媽：你平時都唔食乾糧罐罐....

迪奇：唔，試完，果然唔特別....唓....

 

送別花花

 

給花花準備的花花

 

霸定立

媽：兩位咁早霸定位？家陣夜晚九點半咋喎~~
啦啦、靜宜：我哋從下午已經霸定，
媽媽你今日七點幾出門，你今晚早啲瞓吧~~

 

好叻喎

媽媽：勁喎福仔，自己爬上去~~

福仔：駛咁講！

 

胃口飄忽

托媽：花姑娘小姐你一餐無胃口，一餐有胃口，

真係好飄忽。

不過唔緊要，有食就好。

 

第三次抽耳積血

媽媽：今日又抽咗兩枝，約5-6cc~~

小風：好驚呀，又想點？

媽媽：只係影番抽完積血既耳仔做記錄啫~~

 

換季啦

媽媽：雖然我知道你好鍾意之前張山窿牀，

但係天熱啦，牀仔要換季啦~~

珠女：竹蓆都好抓~~

媽媽：福仔爽嗎？

福仔：我種意你張牀多啲~~

 

花花回喵星

媽媽：花花一路聽住心經，

今早大約六時出發去喵星~~

從來唔畀摸既你上星期忽然唔食嘢，想幫你檢查又逃跑~~

之後捉到發現強烈口臭加脫水，

明顯腎衰末期，同之前小威、烏嘴一模一樣，

勉強forcefeed及打水兩日，之後都係哩埋梳化底~~

咁算吧，反正餵糧你都無乜吞，

前路點行交由你決定。

直至兩日前你出來飲水，在無乜力逃跑下又捉到你打咗兩日水~

尋晚，你完任無力，打完水後躺着休息，等候出發去喵星~~

最終於今朝約天光時出發~~

花花快啲同天上爸爸和妹妹團聚，好好休息，等待時機去下一程~~

 

圓圓都抽耳積血

圓圓：哼........又搞我耳仔~~

媽媽：圓圓好乖，今晚總算順利抽咗耳仔積血~~

媽媽：唔想為難你，快手快腳下抽咗兩枝，加埋都係3cc多啲~~

之前因為你無胃口提早覆診，發現心衰竭，肺積水，

所以回家後唔敢再勉強做甚麼，

在脫水下都唔打得皮下水，

又唔敢強行餵食，以免你在用力抵抗下心跳停頓，

所以只能放下食物，

估唔到你自己叻仔，肺積水下仍然會自行飲水，

幾日後竟然主動食嘢~~

無大力呼吸，相信肺積水已經自行吸收。

本來耳積血都打算等你自行吸收，

但差不弓多三星期都無乜收水，

見你狀態幾好，今晚就大膽幫你抽。

衣家每日都係賺回來，除非再勁積血，

否則唔會搞。你安心食屙瞓啦~~

 

又一枝

媽媽：小風大人今日又積過，夜晚忍唔住抽多枝~~

本來想抽多枝，但反抗強勁仲咬我~~

媽媽：用番圓圓之前療法，今晚開始餵七日2.5mg類固醇消炎，

七日之後再減半~~

小風：唔好再搞我.....

 

抽積血

(尋日)

媽媽：唔係嘛小風，又耳血腫？

舊年定前年左耳已經試過，睇左幾次醫生抽咗兩次積血，

最後打咗支類固醇針入耳殼，

結果由脹卜卜餃子耳變成皺皮餃子耳，

家陣我處理啦，今晚抽咗兩支積血~~

媽媽：抽完咁既樣。如果再積，我就再抽。

好彩圓圓仲有一支抗生素耳藥未開，

尋晚一發現你咁已經第一時間滴~~

我會早晚各一次，一星期應該殺哂菌。

小風：好恐怖呀，媽媽捉我嚇死我啦，

家陣要休息，唔好搞我...

 

曳

 

媽媽：迪奇做乜上到咁高？

迪奇：證明我身手好咯！

第二堂

 

瘦咗

托媽：花姑娘，你呢排胃口差，食得少，都估到體重會下降~~

明日去買好味但無益的罐罐，希望你食多啲....

 

靚仔

Bu B：媽，你影我呀？

媽：係，鬼叫你坐得咁靚仔~

 

嫌棄

媽媽：喂喂，係你喵我開畀你食，點解Lam兩啖就唔食？

    CC：呢隻味好淡...

 

洗腳

媽媽：咦，今日輪到蘇菲霸咗呢個位洗腳，

但唔好洗得咁狠，無哂毛啦~~

蘇菲：一洗不能自已，好爽呀...

 

好靚仔

媽媽：今日無眼屎好靚仔，

但，做乜霸咗CC個位？

恐龍仔：呢度夠高，又容易上，我鍾意~~

 

停藥吧！

迪奇：又捉我食藥？

媽媽：唔駛啦，都係怪個磅等我以為你體重下降0.5kg，

擔心fip復發而再開始餵抗病毒藥，

其實只係磅腳歪咗令個磅唔準，知道好耐，

今日決定停，唔駛再一臉苦。

 

圓圓跳上枱

媽媽：好叻呀，自己跳上枱食飯~~

圓圓：我今日夠氣力，想食平時啲糧....

媽媽：繼續加大油啊~~

 

自己主動食嘢

媽媽：圓圓好叻呀，今晚竟然食到一條醬醬，

之後再畀乾糧濕糧都食到少少，犀利呀~~

圓圓：我唔鍾意被中強逼，呢兩個你無強餵我，

我慢慢恢復少少元氣，自然會自己食~!~

媽媽：衣家每日都係賺回來，明天我去買啲好味汁汁包，

你食到就食啦~~

 

 

嘔

托媽：點解大小姐，嘔過之嘛，就兩日唔食嘢~~

咁我forcefeed啦！

花姑娘：woo~woo~

 

圓圓又賺了一天