暖笠笠的早上

金仔瘦咗

我瘦咗呀，比上次治療(18/1)時輕咗240克~~
呢個星期我無乜胃口,食唔落，尋日更要媽媽灌食，但只係吞咗少少~~

Dr. Li檢查時摸到我腸道腫咗，即係話，癌細胞作惡緊，
影響我消化兼無食慾.......
現在要與癌細胞鬥快，今日打第三次pbmc免疫治療針，
希望打以對抗癌細胞！
fighting！

BB訓練營

豬B在DS家上完BB訓練營，今日已經回到託媽家啦～

圍爐抗疫

DS寶貝初三拜年

特衰高官迎接武漢肺炎入港害我哋，我哋要聯手抗疫，守住香港！
所以派我哋出來拜年沖喜！
你睇我豬b病緊都仲幾咁可愛！

我靚仔金一樣帶病在身都咁靚仔！

我肥綿幾時都咁靚~~

我Gooloo王子無毛變有毛，當然更靚！

呵呵，我小威子似空降松鼠更有型！
祝大家女好似我咁強壯，平平安安，度過疫潮！

豬B成長記

(初一)豬B變曳豬

年30晚獲救的貓BB

有限度工作

經過一日冷氣抽濕，今晚電視機恢復有限度工作。
唔知，可以維持幾耐？

又壞電視

又壞電視，邊隻貓成日射尿？

5條+1舊

5條貓
+
一舊大肥綿！

揮春

家黃萬事興~~典型無貓版？

五大肉球，缺一不可
又係欠貓版~~

願榮光歸香港！
下年一定要有貓版啊！

家訪

爛Pat強：呢度咩地方？
託媽：可能係你未來屋企，鍾意嗎？
爛Pat強：um~~~

免疫治療第二針

本貓靚仔金今日打第二次免疫治療針PBMC~~
(相係上星期影今日先畀番媽媽；
今日診所太忙所以無得影)

今個星期體重保持。
打完精神爽利，眼仔碌碌，食得屙得！

有幾重？

媽媽；肥綿小姐，到底你有幾重？
有無4.5kg呢？
肥綿：鬼知咩~~
媽媽：不如，我哋聽日磅吓吖........

相似

陳小威

松鼠~~

請找出相似之處

肥過電單車

媽媽：肥過電單車啦你！
肥綿小姐：我無~~~

小Ken子

媽媽：早晨呀KEN少，尋晚餓咗一晚，為今日絕育做準備。
你乖乖聽醫生話啦，入去啦，Bye bye~~

媽媽：喂喂，淨身完畢，正式成為小Ken子啦，出來吃晩飯啦~~
吓，唔食？
咁算啦！

(今日上磅有3.9kg，估唔到你細細隻但都有幾斤兩)

入定籠

媽媽：好嬲咩？唔好嬲啦........
明早絕育後，就放你！
乖乖瞓啦~~

黃貓勢力圈

寶寶：我哋要建立黃貓勢力圈~~

最接近媽媽個位置係我哋黃貓架，其他貓唔好同我爭！

第一次免疫治療針

我，金仔今日到太子CAU見Dr. Li，打第一次免疫治療針。
首先要驗血。之後上磅，比上星期重咗約150g~~

當Dr. Li同媽媽解釋我剛才的驗血報告時，我好想搵個地方收埋自己~~

主要係對照番三星期前手術前驗血報告，今日我驗血成績樣樣都有些改善~~

不過，就發現我有貓愛滋，同埋冠狀病毒抗體喎~~
Dr. Li經驗中有兩次有愛滋病毒的癌症貓，打完PBMC後，病毒消失！
所以，今日我先打PBMC療程，之後先打PD1~~

本來Dr. Li之前話第一次吊藥後要留院觀診一兩個小時，
不過今日好快喎，吊完一陣就可以走啦~~
但要先跟媽媽番公司。
咁，我唔阻媽媽做嘢，就在車上休息，
夜晚回家，胃口正常，
Dr. Li話無乜副作用，似乎係真啦~~~

金仔抗癌之食補品

我金仔為了打好底子，衣家每日食五種抗癌營養補充劑，
包括飯前服沖繩納米褐藻糖膠，
飯後服核酸丶beta gluten丶消化酵素丶益生菌，磨成粉或打開膠囊倒出粉溝水餵服，
其實都幾難入口，但我好乖吞哂，之後有肉醬零食送口～

圓圓出院

回家即屙第一篤尿，雖然仍有血，係粉紅尿，但醫生話頭一兩日都仍然會有~~

本來要困你入籠，雖然，畀你自由碌啦，

唔開心有壓力都會有血尿.......

尿清了

尿尿清咗好多喎~~

圓圓：快啲帶我番屋企，診所Ah Fred好煩，
成日走來激嬲我........
媽媽：咁你自己要加油呀！
莊醫生話明天取走尿喉，你要自己識屙尿，屙到，傍晚就可以番屋企啦

圓圓塞尿道

媽媽：圓圓少爺，年尾流流又幫我荷包放血~~

媽媽，你就成個膀胱都係血尿~~

成個膀胱脹滿，尿道塞咗.......

谷到腎指數都爆燈！
好彩及時由醫生放尿，沖洗膀胱~~~
要留醫吊鹽水等腎指數降番先可以回家啊！
你好好休息啦！媽媽明天再來探你。
(好彩今日放假趕得切睇醫生)

養好身子

媽媽：你就舒服~
金仔：我要好好休息，預備做抗癌療程嘛~~
媽媽：叻仔！已經book咗今個星期六打第一針，加油！

休息日

奴才忙了一天，你哋就歎啦~~~

抗癌營養補充劑好多包

今日真係畀媽媽捉咗去太子CAU見Dr. Li~~
番來要食咁多營養補充劑，有褐藻醣膠、
消化酵素、益生菌、核酸，
仲有一樣叫beta-glucan~~
想飽死本貓咩？
求先我有抗佢架，不過最後都食哂~~
唉，之後要日日食，配合抗癌療程，我暈啦~~~

金仔拆缐

我靚仔金今日拆缐，傷口埋得好靚。
不幸的是，化驗報告出咗，係大B細胞淋巴癌，惡性程度高，需要化療，療程半年，過程有副作用，會肚瀉丶無胃口丶貧血，約有50％至60％機會完全治癒，平均只係大約有6一8個月壽命，亦有個案係完成化療化幾年都冇復發。
如不接受治療，可能隨時急速惡化而生命告終，這時間有幾長，冇人知。
媽媽約咗明早見CAU dr Li ，睇吓免疫治療可能性。

唔....本貓怕食藥，本貓唔想出街....唔好搞本貓.......不過明天都要畀媽媽捉出去......

頭痛

媽媽今日好頭痛呀，要休息，好似我金仔咁....

元旦消夜