悠閒

 

單眼CC

食得瞓得健康就夠！

 

CC+綿花糖

 

貓壁畫key圖

油麻地有一幅巨大壁畫製成中，

頭巾貓旁有一個貓位未填上，好多貓民都key主子圖上去，

我都key先~~

CC和頭巾貓合照...靚！

 

Punch媽媽

 

陪睇電視

 

CC叻叻

媽媽：今日同小枝去見打預防針，莊醫生問起你....

我話好好，9月中3日唔食嘢以為你要回天堂，

點知3日後食番嘢，一路Keep住到衣家，

每日都正常食嘢。

而兩邊面頰下都無再腫，即腫瘤無再長大，

莊醫生都話你好叻！

繼續keep住好狀態啊！

莊醫生

 

有番食慾

媽媽：CC好叻，今日竟然主動，雖然只係少少，

叻女！

 

CC累了

媽媽：CC累了，兩日無食嘢...

可能時間差不多了....

今晚不吃類固醇了。

累了就休息吧....

 

牛肉味類固醇藥水

媽媽：今天到旺角VSH取藥，

係牛肉味類固醇藥水，希望對抑壓惡性腫瘤有少少幫助。

媽媽：每晚一次0.5ml。

其他藥包括朱古力抗生素、抗病毒藥其實都對你無用，

停哂佢！

CC每日輕輕鬆鬆過日子就好！

 

多啲抱抱

 

拆線

媽媽：今日莊醫生幫你拆咗線啦！

雖然未必有好大幫助，但同醫生商量過可以試下食類固醇，

每日半粒，對你無乜太壞影響，

但如果係淋巴癌或者有少少幫助！

腫瘤係惡性，而且好，生得快，

未來唔知有幾多日子，總之要食得開心！

 

傷口好靚

尋晚回家後有少少血水滲出，

今早已經無血水，

莊醫生手術真係做得好好！

 

平安完成手術

本來預計11點會轉3號，12點送CC到診所做手術，

點知天文台今早話8號會掛到11點後....

好彩莊醫生打黎再部署，天文台一改掛3號就盡快到診所。

慶幸好快天文台話1點10改掛3號，

莊醫生即打來叫1點9到診所。

媽媽一早預備好，1點就出到診所等....

,平安做完手術啦，醫生睇到口腔後有一個瘤，組織好唔正常，

已經連同被推逼的眼組織一齊切除送去化驗。

CC你話唔會咁快回天家，有排响度生活架，

我信你！

 

又打風

估唔真係打成風，下午預告9點幾掛8號，最少維持至明早11點，咁明早9點半CC手術都唔知要延至星期幾...

好彩7點幾放假中的莊醫生打來約定預計明日落波，

12點將CC送到診所！

實在太好，終於安心下來。

(圖文不符)

大妹3號風球散步~~

實在

 

擔心了一星期

終於能暫時放下心頭大石~~

折騰兩星期被逼睇住其他醫生的CC終於今日下午睇到莊醫生，

嚴重眼潰瘍背後未必係簡單cat flu，

約好星期一早上做手術摘除左眼，送去化驗。

之前既時間就趁金價高去中銀放售媽媽留下的金幣，

等咗三個鐘，賣得2萬7千幾，

留來給CC做手術。

 

拜託乖乖用藥

媽媽：CC小姐你勁flu流涕又眼腫發，只係早晚食一次藥，

滴下眼藥水，拜託唔好咁反抗，好唔好？

 

恐龍仔歸隊了

 

CC的話

CC：我知你想問我乜嘢？覺得我唔開心....

我完全知發生咩事，恐龍仔已經出發去彩虹橋，

我同佢係好感情，我明架！

你放心，我仲有好多年，唔會咁快離開！

你唔駛咁關注我架，畀啲空間我自己生活就夠。

唧唧零食呢，你都睇到啦，恐龍仔食唔食都係要離開，

我都一樣，食咗唔會早啲離開架，

梗係要趁在世時食多啲啦！

仲有呢.....有啲一個小小白色圓東西，以前舊媽媽畀過我哋食.....

好好味架！

媽媽：唔，經傳心師傳話，我知道啦，係鵪鶉蛋，媽媽明天就去買！

 

恐龍仔向彩虹橋出發

媽媽：恐龍仔今早大約3-4點出發去彩虹橋。

今日下午將你送到寵樂緣。

放心，媽媽會盡最大努力，將你送回前媽媽身邊。