2022年1月31日 星期一

暖笠笠送牛迎虎


簡直好似挪亞方舟咁~



迪蘇兄弟最Sweet~~


嘉嘉婆婆湊熱鬧~~歎暖爐~~


媽媽希望來年你哋要健健康康,
小雨,你學下婆婆咁悠然自得;
婆婆,你教下小雨好似你咁處方泰然!
拜拜牛年!

 

2022年1月30日 星期日

新Cam


終於有新CAM~~


你哋唔好作反,我番左工都會睇實你地架!
(舊果個幾個月前壞咗,連唔到線)

 

2022年1月29日 星期六

收罐


託媽:好彩,今日罐罐到貨,
否則婆婆過年無罐食....
嘉嘉婆婆:其實我食乾糧或其他罐罐都得.....
託媽:但可能會肚屙呢.....
都係食腸胃罐穩陣,
新年屙爛就慘慘豬...

 

2022年1月28日 星期五

胃口又差咗

 




媽媽:小雨BB點解今日食咁少呀.....
小雨:食唔落....
媽媽:咁唔好怪媽媽灌食啦....





2022年1月27日 星期四

鍚哂小雨



媽媽:小雨今日食嘢好叻喎,又罐罐又乾糧~
小雨:咁你抱多啲我...

 

 

2022年1月26日 星期三

噴泡


媽媽:只係朱古力啫,點解都要噴泡~~
好彩抗病毒藥入咗膠囊啫.....
小雨:好難食呀.....
媽媽:你乖啦......
小雨:我自己開口食嘢,已經好乖啦......
媽媽:再乖多啲啦....

 

2022年1月25日 星期二

血容積正常


媽媽:今日覆診上磅,媽媽都打定輸數,
結果體重只有2.58kg~~
之後抽血驗血紅素,預咗要打補血針,估唔到~~~
HCT竟然有34%,上番正常範圍!
所以醫生從表徵有少少鼻水,及呼吸聲大咗,呢兩日無胃口
估計係FLU造成。
但要清楚就有做CT。
媽媽無錢啦,暫時亦都唔覺得有呢個需要。
今日醫生開咗抗病毒藥加朱古力,
小雨BB會好番的!
媽媽有信心!
小雨自己都要有信心呀!

 

2022年1月24日 星期一

又唔食嘢


媽媽:媽媽知道你唔鍾意Forcefeed,餵食喉又令你辛苦,
但你又唔肯自己食,想點?
小雨:無胃口...
媽媽:無胃口都要努力嘗試食,
上上星期五拆咗候之後我唔逼你,
等你自己慢慢重拾進食樂趣,
相信你會努力食,
但點解去到星期尾都愈來愈唔食?
又話要多啲汁汁,
畀準準鮮食包你都係lam少少,
去到星期六直頭唔食,
咁點算?
你話畀我知,我應唔應該相信你會努力?
你究竟有無努力?

 

2022年1月23日 星期日

環保貓砂試用


圓圓:好大粒砂喎,踩落唔舒服,
不過媽媽放咗舊貓砂在底吸引我去用,
好啦,見你放左成個下午無貓幫襯,
我去幫襯~~一次咁多!


 

2022年1月22日 星期六

2022年1月20日 星期四

食剩

點解食剩咁多?
又有幾隻嘔,
唔通FROMM隻全魚無穀物糧有問題?


 

2022年1月19日 星期三

有進步


小健:都話我會自己照顧自己咯,
唔好做咁多嘢,又forcefeed又打水,打水好疼架我唔打呀.....
媽媽:知啦知啦,但你應承媽媽要自己食,未做到喎.....
小健:我想嘔多過想食....
媽媽:拿媽媽知小健好乖,會努力,會自己照顧自己,
有去努力飲水,媽媽明既........
所以唔逼你打水,
今日見你嘗試出來等開飯,雖然食肯食,
但媽媽睇到你既努力嘗試!
拿,今早少餵咗少少都有15ml,
夜晚都有30ml,
都幾叻仔!
明天再叻啲畀媽媽睇!

 

2022年1月18日 星期二

兩個病寶寶


小雨BB,你今日食量又少咗喎,要加油努力食啊~~
小健BB,媽媽知你反胃,唔想食,唔想打水,
但你應承過媽媽要好好照顧自已,盡力食啲好唔好?
我已經盡量一支3ml隔開時間餵,希望你唔好嘔,
用reiki幫你修復身體,
你要靠自己好起來啊!



 

2022年1月17日 星期一

大雄剝牙


今朝一早九點九交低大雄在診所~~洗牙、剝牙~~
傍晚接番,以為你要剝哂所有牙,估唔到左邊仲有大約五隻健康牙~~
莊醫生話,你右邊牙好差,斷咗好多,但牙腳仍在牙齦內,要逐隻橇走~~

今晚到大雄抱抱~
不知不覺已經九歲,左邊仲有五隻牙,今晚食咗唔少罐罐,明天再食多啲❤️


 

2022年1月16日 星期日

準備


媽媽:大雄BB,今晚早啲休息啦,明早9點9要到診所剝牙啊!
大雄:..........

 

2022年1月15日 星期六

錫晒小雨



在頸部開孔裝餵食管feeding tube,係令病塌中唔肯食嘢抗佢灌食抗拒餵藥的頑固貓有足夠食物的好方法,舊年差不多時候胰臟炎入院嘅小風都裝咗,easy餵食好快回復食慾,大約兩星期後拆喉。
但估唔到同一條餵食喉,對小雨來說係酷刑⋯⋯
原來小雨比較sensitive,餵食管對佢來講係外來物伸咗入身體,令佢成條頸喉嚨都硬晒感覺好辛苦,喉嚨有嘢頂住就想咳佢出來,經過好多日嘅努力,終於半夜成功嘔左條喉出嚟,卡在口腔,結果令自己更辛苦⋯⋯
以上係傳心師話俾我知,佢感覺到當時小雨的極度辛苦⋯
尋日朝去診所拆咗條喉,經過半日休息後,夜晚小雨感覺已經冇咁辛苦。
小雨:我應承媽媽會自己食返野,但要比一兩日時間我,
我先可以會食返正常份量。
媽媽:小雨乖,媽媽睇到你好努力。
今日食咗鮮食包丶加咗燉湯嘅罐罐,
剛才貓貓開飯,又主動埋位食乾糧,雖然食量係少少,
但真係好叻叻,小雨BB快啲好返啦!

 

2022年1月14日 星期五

嘔出餵食喉


媽媽:點解你半夜嘔咗條餵食喉出黎呀........
小雨:你試下有條膠喉伸入胃呀,好辛苦呀!!!


媽媽:一早起身來診所等開門,拆咗佢啦!


小雨:終於無咁辛苦~~
媽媽:你應承媽媽,試下自己努力食得唔得?
尋晚見你主動食咗少少內醬,
你明顯好緊,開始有胃口,努力食好唔好?



小雨:你畀一兩日時間我好唔好?
拎走條喉,衣家喉嚨感覺無咁辛苦,但都需要時間復原,
仲有你逐少咁餵我食先,
細細聲唱住心經,
咁我會嘗試細啖細啖食,
唔可以急架...
媽媽:好啦好啦...
小雨:仲有啲食物要有多啲汁汁,
無咁乾先容易吞...
媽媽:遵命,媽媽明天去準備....

 

2022年1月12日 星期三

快跑彭福


尋日超好天,最真行山,不過媽媽好忙,我哋大細妹只能快跑彭福~~

2022年1月11日 星期二

小雨覆診


媽媽:幾好喎,體重無再跌~~




由於你一路未肯自己食,
今日覆診,放低你畀莊醫生驗血同照超聲波,

-----------------------------------------------------------------------------------------

傍晚接番你,血紅素保持上次差不多,
而超聲波無發現腹腔內任何問題,咁就安心啦,
你只係康復得慢啲啫,
會慢慢恢復的!
今日打多支造血針,兩星期後覆診。

 

2022年1月10日 星期一

2022年1月8日 星期六

膳心x胡仔蛋捲


迪奇:媽媽今日去咗打豆苗,
媽媽:係第三針新冠疫苗BioNTech呀!
然後買蛋捲~~
迪奇:快啲畀我食...
媽媽:唔係貓吃架.....

 

2022年1月7日 星期五

大雄大鬧診所


大雄:嚇死寶寶啦!
媽媽:嚇死我先真,估唔到平日在家乖乖既你,
去到診所會發癲做飛天貓~跳咗上櫃頂,
好彩莊醫生經驗老到,先收起所有會打得爛既玻璃藥樽,
一個VA預備好大毛巾,
莊醫生企到枱上,摸摸你頭,趁機捉住你後頸,
然後一拋將你下身拋到腋下爽實,犀利!
之後要靜鎮咗先檢查同抽血~~


肝腎指數正常~~


紅白血球都正常,
可以安排剝呀啦!
一口爛牙,有勁大舊牙石,甩剩唔係幾多隻牙,
唔駛再受牙痛之苦啦!

 

2022年1月4日 星期二

小雨出院啦


媽媽:駛唔駛咁慘樣?
明明回家後重鬼咁開心抓紙箱....
小雨:我要休息...
媽媽:好啦好啦,今晚餵食兩餐,之後就抱抱睡覺啦...

 

2022年1月3日 星期一

入院


媽媽:好嘢,今日10:45見醫生!
得3.07kg咋,輕咗好多呀。上星期仲有3.2kg架!


以為你有胰臟炎,點知快速測試係negative~~


貧血,白血球高!


醫生要你留院吊兩日水,
裝咗餵食喉!
今日盛惠七千八!
小雨少爺,燒完符就快啲好!

 

2022年1月1日 星期六

對抗


媽媽:唔好咁嬲得唔得?
咁多日都唔肯自己食,惟有Forcefeed~~
小雨:我有吞呀,都無吐出來!
媽媽:但食餵藥時你連埋糧吐出來呢!
小雨:好難食!
媽媽:你係要對抗,惟有送你入院,裝餵食喉!