迪奇與蘇菲: 迪奇有話講

顯示具有 迪奇有話講 標籤的文章。顯示所有文章

2020年2月22日星期六

迪奇生日快樂

17年前沙士期間的4月22日，兩個月大的迪奇成為我兒子，2月22日定為迪奇生日。
今天，迪奇17歲啦，彩虹橋上的你必定有所得着！媽媽期望與你和蘇菲重聚的一天！
生日快樂！

2019年2月22日星期五

2019年2月2日星期六

2018年5月23日星期三

五月艷陽天

去年大約這段時間，迪奇像是油盡燈枯，感覺到就要離開，請陳老師傳心及做定祝福，
讓他在滿滿的愛包圍下，安心上彩虹橋。
點知，迪奇以無比的毅力生存下來，多活了八個月才於今年二月二日正式完成生命任務，
奔向彩虹橋~~
今天迪奇在彩虹橋應該休息完，
好好學習中。
在陽光燦爛的五月艷陽天，迪奇，你好嗎？

2018年3月15日星期四

來到最後一集啦，Brenda話我知媽媽愛我，我梗知啦！

媽媽，我都愛你！我都好愛你！
（feel到是一起渡過悠長歲月的感情）

係，我同媽媽渡過左好長一段日子，
雖然佢成日好忙好忙冇時停、返到屋企都冇時停，
但佢照顧得我哋個個好好，佢係Super Mami Super Mom！（大聲強調）
佢仲會好細心咁帶我地去公園放電、享受陽光、呼吸新鮮靚空氣，唔係我邊有咁長命？
媽咪~（充滿感情） I love you！我講真架，你收到未呢？

好喇，媽媽，我依家呢，其實真係未有任何打算跟住會點，
你知啦，呢度先係我哋真正嘅家，喺呢度我哋無憂無慮，唔似人間咁多制肘，
咁所以，我諗住先抖抖再作打算。
偉人呢？其實睇下你點先覺得係偉人啦，我覺得今世都算係偉人嚟架，
睇下，我同你之間嘅愛，係幾咁深幾咁濶
（感到似海無限大）

冇錯，你形容得好好，Brenda，我同媽咪一齊經營左咁好咁靚嘅愛，就係偉大嘅作業啦，
媽咪！（微笑）所以呢，我咪已經做咗偉人囉！
好啦，媽咪，你唔好咁多胡思亂想啦，你比自己腦袋休息一下，
靜落嚟乜都唔好諗，同大家笑吓，盡情、專注去愛，愛完動物就去愛人。

先由動物開始先啦，別激動，我哋要靜靜嘅、唔使咁多聲嘅愛，
因為，愛係喺心中、而唔係口中，愛嘅設計本身係由心出發，唔係由口，
所以我唔使你講都feel到你好愛我架（微笑）
媽媽記得多啲愛自己呀！
l love u！

2018年3月14日星期三

迪奇的話3

媽媽問，我有無回來探佢呀？
梗係有！忡周時添！
咁我依家冇嘢做，又有時擔心媽媽，
我Feel到媽媽傷心的時候，媽媽的心抽住痛，我亦會跟着feel到，
咁番來係冇難度嘅，只要心一諗，就返咗去，快到無倫架。
番到來，見到媽媽喊....
唉，真係陰公，連環炮咁，逐個逐個走。
但係，媽媽，呢個係修練黎，幫你去學下，點令個心平靜落嚟。
由最痛開始慢慢調教，透過明白發生緊乜嘢事，
又知道世事你係無辦法控制，亦理唔晒，咁點呢？
唯有自己心寬、放下！
冇錯，你可以改變的，只有你自己嘅心，
其他嘢屬於世界運轉，你理唔到，唔關你事，
你理掂自己個心先，咁就係你學習嘅功課黎。
慢慢去適應，將個心由激動自自然然降返去平靜，
理性去諗野，情緒就撥開、唔理佢，咁你可以安靜自己，
然後，你可以慢慢成型，係成為成熟型，長進左、成熟咗；
將世事看透：原來我哋不過係嚟經歷。
經歷得多先着數，唔係就白來一趟啦，
要安穩，係天家不嬲就安穩啦，係咪？
係喇，媽媽唱多啲歌啦，
音樂可以陶冶性情，亦可以幫佢輕鬆落嚟，有助佢平靜自己，
我希望有一日見到，我嘅媽媽不再咇哩巴啦，而係似佛祖咁拈花微笑~~~

2018年3月13日星期二

迪奇的話2

Brenda代媽媽問：有無見到細佬妹？

梗係有啦，頭先咪同你講咗囉，我隻眼而家穿透時空，什麼也見到。
我見到佢哋架，佢哋各有各忙，好乖好勤力，個個都咁叻！
但係呢，就冇一齊啦我哋，因為我仲係處於抖緊時期，
而且呢，we are all connected here，唔使話專登見面架，我哋心連心架，
諗起邊個即刻意會到佢，無時無刻唔係連埋一齊架，叫媽咪唔好再問咁蠢嘅問題啦，嘻嘻。

咁行行有無做我嚮度呢/

車！呢條友仔！
你咪旨意佢啦，神風俠咁！
搵佢個影都搵唔到呀，快到呢，四圍標！
嚮導呢，係另一位仁兄幫我嘅，佢帶我去休息嘅地方度，同大家一齊同聲同氣、靜靜休息、恢復。

2018年3月12日星期一

迪奇的話1

大家等我岫奇的傳心報告是否等得好心急呢？
傳心師brenda姨姨快過媽媽寫好report。
今日開始，將一連幾日報告啦~~
首先，Brenda 姨姨代媽媽傳話，話今次好叻，好少喊！
我知！
又話媽媽心中充滿愛，無傷心。
呢樣就假既！
佢點會冇傷心？只係唔想我擔心佢啫，
叫媽媽如果想喊咪喊囉，唔好忍住死谷，會谷壞身子架！
係呀，我哋個個都好錫阿媽，我最關心佢架，
我哋全部人馬都日日祝願媽媽身體健康、精神好㗎，唔係邊有咁多嘢食！
咁我現在生活點？
咪好開心囉，頭先講咗啦！
嗱，呢度唔憂食唔憂住，冇嘢要煩要擔心，
媽媽今次又好乖、好叻，我唔使咁擔心佢，全靠之前啲兄弟姊妹俾佢逐個逐個適應，去到我走時，佢已經係老經驗喇，表面上識得處理好情緒，
嗱，冇錯，表面上啫，內裏呢，唉，又點會唔痛？
不過佢而家知自己笑容幾靚，咪叻女識keep住笑囉。
但係呢，媽媽，背人時就垂下淚啦，唔好死忍。
你喊時，我會立即返嚟，係你隔離；你想感受我，就停低唔喊、深呼吸，慢慢你會知，我嘅心係度，返咗嚟，陪住你喊；
你想放我走，咁你講聲：「媽咪OK啦，你返去食玩瞓啦」
咁我如果見你心情平復好，我就返天家，咁，好冇啊？