一路針一路郁~

針包BB今日第二次針灸，一路針，一路郁~~

肥綿鬼咁鍾意梳毛

BB YOGA

小寶的愛情故事

媽媽：小寶，你有心事？
小寶：咩心事呀？
媽媽：早兩日你幫媽媽的傳心同學練習時，透露咗一件埋藏心底五年既往事喎！
小寶：你講邊件呀？
媽媽：你話，你談過戀愛，對象係一隻啡白色貓女，你叫佢做妹妹！你仲話談戀愛時個心卜卜跳，而且兩情相悅。可惜，佢已經死咗！小寶，呢段往事好淒美呀？.
究然成件事係點架？
小寶：？？？？媽媽，你學好傳心，我到時話你知！

紅血球上升

媽媽今日好忙，朝早要帶癱瘓BB去九龍城見獸醫，下午就帶我到太平道覆診。唔知，食咗四日加碼類固醇(每日兩粒共10mg)，紅血球會否升番呢？

好緊張呀~~呀，原來都升咗少少，但未上到正常咯！
不過有得升就係好！我迪奇要乖乖食多十日10mg類固醇！希望下星期五覆診會升到40！

王子的要求

媽媽：王子，你有無咩唔滿意 呀，請你同傳心姐姐講啦！
王子：乜你哋人類咁煩，成日問貓有咩不滿？
媽媽：咁你同姐姐分享你既生活點滴啦！

(話說，傳心姐姐在媽媽我所託之下，星期六向王子了解，為何唔入砂盤而要在衣櫃解手)
王子：唔，係好偶然既，我有一天突然發現在衣櫃解手感覺好好咯！呢度陰陰暗暗，四周都係衫，軟棉棉好舒服，解手完又可以(用衫)冚得好好，我好鍾意咯！
姐姐：但係咁樣媽媽好煩惱喎，你可唔可以出番來砂盤呀？
王子：我鍾意衣櫃。
姐姐：咁媽媽可以點樣做，你先會在砂盤屙呢？
王子：唔..........不如媽媽將個砂盤放入衣櫃！
姐姐：@@~~UM，我諗呢樣嘢，媽媽未必做得到喎！你有無另一個提議呢？
王子：唔，咁不如將砂盤變成衣櫃啦！
姐姐：吓，點先可以將砂盤變衣櫃？王子有咩高見？
王子：將啲砂圍任砂盤，等我有衣櫃既感覺咯！
姐姐：好啦，咁我向你媽媽傳達達~~

又來一家五口

世上只有媽媽好~

美麗的有肚貓媽唔知走失定被遺棄，走咗入人哋舖頭，輾轉換咗幾個地方短暫停留後平安生咗四B~~

盡責餵奶照顧，隻隻肥嘟嘟~~

但有雙B後腳唔郁得呀！！！
都唔知是被責親還是換居所期間受傷！
今日在西貢睇咗獸醫確定係無反應啊！
B呀B,我哋會盡力幫你，明日即刻book針炙獸醫，希望有得救！

你哋都要平安長大啊！

攞藥變買嘢

迪奇：啲藥我架？
媽媽：係呀，今朝一早出去攞架！

仲有幫你買咗梯級，方便你上梳化或牀~~

仲有飲水木架，但係，好似矮咗啲添！

無升呀！

我迪奇今日覆診呀，好早呀，十點鐘，但我遲到咗，大雨嘛，好彩十點三黎到，Dr. Karen都未做完嘢~~

睇下我幾乖？

不過今日驗血報告好意外，我紅血球容積竟然無升呀！咁我之前食果啲類固醇(1.5粒頭五日，1粒後五日)，原來都壓抑唔到我亂咗既免疫系統呀！

dr. karen話要加藥，每日兩粒，即係共10mg，但係，點解，點解今日開啲藥無類固醇既？
弊啦，醫生唔記得開呀！媽媽好夜先發現，惟有食埋剩下果1.5粒先！
好彩佢頭先打咗電話去診所，診所好快開番藥。現在己夜深，媽媽聽朝先去囉咯~~

痴痴地等

媽媽：小寶，你等咩呀？

小寶：等開門咯~~

小寶：你快啲開門啦媽媽，入面有好多嘢食架！
媽媽：廚房梗多嘢食架，但係你食咗飯啦~~~

唔該借借

喂喂，夜晚十二點幾，唔去瞓，係要阻咗我睇電視~~

喂喂，衣家九點幾，又係阻咗哂，唔該借借啦~~

抱抱

迪奇：我要媽媽抱抱！
蘇菲：我都要！

阻住呀

媽媽：雪雪，你又唔睇電視，咪成日在電視前阻住啦~~

媽媽：你哋都係呀，咪搶哂鏡呀！

又去數龜

我側頭迪奇今日又黎探獅子啦~~

今日媽媽瞓到自然醒，開完早飯成十一點半先出發，沿途好大霧~估唔到黎到獅子會都好大霧~~

呀，但明明望落少少霧啫，但點解影相咁大霧既？

原來係鏡頭有霧氣，抹完，霧走哂~

今日我哋又去探龜龜，今日啲龜玩疊疊龜~~

你疊我呀我疊你好開心！

七歲烏嘴

七年前，在馬鞍山新港城 某垃圾詀，有一隻黑白貓待產，大約三四點，生了三隻小貓~~

其中一隻就係死仔包烏嘴，胢佢兄弟一齊去咗藥房，妹妹就畀小朋友帶咗番屋企！
其後兄弟被人抱走，烏嘴大大下就成日出街玩，玩到失蹤，最後有好心人見我FB上的尋貓帖而搵番佢，之後，就黎咗我屋企咯！
拿，死仔包，今日生日，夜晚放監一陣啦！唔好打貓呀！

貓要罰

今日我哋無去街，但又係我蘇菲同迪奇哥哥出場~~

迪奇：因為啲貓好曳！

蘇菲：佢哋連續第二晚屙濕媽媽放响門口的拖鞋，媽媽無拖鞋着，好嬲呀！所以罰所有貓今晚無飯食！除咗房入面兩隻貓！

休息

是夜十分疲倦，要像龜一樣，好好休息~~

貓肚脹卜卜

媽媽快啲開飯啦，米瞓覺啦~~

噢，媽媽恰完眼瞓就放咗我入廚房等，但佢在廳搞好耐都唔入番廚房畀肉肉，咁我見到sibk盤上有袋蝦，咁我自己食啦，食完一隻又一隻，食到好飽，食到個肚脹卜卜，之後，畀媽媽捉咗我出黎影相！
咩喎，未見過貓肚脹卜卜咩？

阻住哂

你哋坐哂响度做乜？想一齊睇帶着矛盾去旅行嗎？

莫非今集太serious？你哋臉沉重咁？

喂喂，你哋玩尾就行遠啲！

大雄：好眼瞓~~

眼訓又唔睇電視就唔好阻住我睇字幕啦，有時開得細聲我聽唔到佢哋講乜架！

小風：啊，我都係瞓啦~~

跌咗

好攰呀我~~

今日出太平道覆診，一驗血，發現紅血球跌番菌黎，唔怪得之我咁攰啦~~

HCT得26%咋！

DR. KAREN估計係之前類固醇減得太快，而ATOPICA又未起到作用，所以免疫力活躍番又打我啲紅血球。今次類固固由1粒半食起，先食四日。之後六日食一粒。然後後覆診~~

唔，食完飯同藥，好眼瞓，休息啦我！

漢堡包呀

嘩，好好味咁呀！
尋日媽媽同洛媽叫左三個餐同一個pizza食完，見到隔離枱美式漢堡好靚，竟然又叫！
睇落個樣，真係好美味喎~~

不過之後睇番張，人哋果個~~有芝士！
點解？點解我哋無芝士既？