2021年9月30日 星期四

盡享餘生


小咪:好香呀!
媽媽:佢叫左手香~~


小咪:媽媽你番工啦,我自己看風景~~


小咪:好似幾好味,我又想試下~~
媽媽:隨你試,你要食乜都可以。現在每天都要過得好,過得開心~~

 

2021年9月29日 星期三

小咪看風景


媽媽:見你成日望住外面喵,係唔係想出露台看風景?
小咪:係呀,我想看清楚周圍環境~


小咪:我知道我好快回貓星,
媽媽我應承你,當果一刻來到,我頭也不回退天使回貓星,好好休息~~
媽媽:小咪乖,記得唔好辛苦自己啊,攰就休息,時候到了就要出發啦!
你知道媽媽咁多貓之中最愛你!小咪係媽媽第一隻貓,
係你打開迪蘇家的大門,
之後貓貓先可以幫到咁多貓搵到屋企,
搵唔到家的,亦安安樂樂在迪蘇家生活,
以上功德全歸小咪!
你帶着滿滿的愛和功德,相信離去唔會太辛苦的!
記得攰就休息啦!

 

2021年9月28日 星期二

蘇菲黃咗






媽媽:蘇菲今日覆診,體重1.32kg,



媽媽本來以為有好消息,點知莊醫生睇到你黃咗,仲摸到好似有腹水,
要照超聲波,驗血,驗埋fiv同fel v~


媽媽:驗血報告顯示大幅差咗,有黃疸,而紅血容積由上星期20%跌到13%,
貧血嚴重!
另外超聲波睇到左腎附近少少腹水,不足夠可以抽出來‧
亦並非fip常見在肝臟附近~~
但種種跡象進一步指向fip,要立即打番441~~
同時我自行餵的clavaseptin份量不足,早晚各半粒50mg至啱,
回家後即餵番少咗的四分一粒。

由於勁貧血,莊醫生即刻幫你打咗造血針及補鐵針~


媽媽:今晚體溫無上升,回到正常!


媽媽:蘇菲女,打針係痛痛,但呢場仗一定要打嬴啊!
痛就咬我,但打時唔好爭扎!
我哋一齊加油!

 

2021年9月27日 星期一

重番啦!




媽媽:蘇菲終於上番1.325kg,叻呀!


今晚繼續打interferon~
今朝體溫39.1,但夜晚又上番39.6~~
明早覆診,睇下驗血有無進步先!
媽媽星期六夜晚開始幫你打interferon及gs441,
星期日朝體溫下降至39.2,退咗燒,但夜晚上番39.7。
媽媽見你精神好咗,胃口好咗,之前下跌的體重開始上升,
媽媽決定搏一舖,尋晚開始停441,只打干擾素及餵口服藥。
希望呢個決定係啱,
蘇菲只係病毒或細菌引致的cat flu,而不是fip!

 

2021年9月26日 星期日

2021年9月25日 星期六

定驚魚柳


媽媽:蘇菲打咗四日441都唔退燒,聽借針的資深義工建議,
今晚開始打interferon,如果係因病毒而燒到40度以上,
打完interferon翌日會退燒~~
今晚就辛苦蘇菲妹妹,打441之餘再打埋interferon!
打完兩妹食魚柳定驚!
蘇菲加油啊!一定好番!

2021年9月24日 星期五

昨晚好成功,今晚又甩針




媽媽:經過兩晚失敗,第一晚要兩次先成功打哂,
第二晚更係打出皮外要再抽藥補針,可能都唔足分量,
尋晚用肉醬吸引你專注食,成功一次過打完一針~~
點知今晚你見到肉醬已經走開~~
最終又要打兩次,尾果次仲要再抽少少藥補番足份量~~
打完再給你肉醬都唔食啦~~
蘇菲:食肉醬之後會痛痛,我無咁笨呀!


迪奇:好妹唔驚,哥哥鍚番~~


媽媽:打咗三針,見你體重無上升仲跌咗,今日開始補Recovery營養濕量,
你要努力增重呀!

媽媽陪你流血~~


你爭扎時甩針拮到手指公位置,腫咗~~
明天繼續努力!

 

2021年9月23日 星期四

能吃就好


(早上)媽媽:小咪,媽媽番工啦!
烏嘴,要同小咪和平相處呀,你哋家陣都係腎病,
要甘苦與共呀!
烏嘴:哦~


(夜晚)媽媽:小咪,今日食完Sheba鮮味包,
一陣再Ciao魚柳、sheba肉醬,
總之都係你喜歡的!
要吃甚麼,媽媽都給你!


 

2021年9月22日 星期三

小雨又flu兼爛脷


媽媽:嘩,3.6kg,叻!上次七月中睇醫生時係3.34kg!


媽媽:小雨你呀又流口水流,漿實心口、手腳啲毛呀,
等莊醫生睇下你條脷幾潰瘍呀~~
應該係又卡里西病毒啦~~

食抗生素、朱古力、抗病毒藥,
頭五日早晚0.2cc止痛藥水(屋企存貨)
頭五日每日打100ml水!
順利好番呀你!

 

2021年9月21日 星期二

真係中fip?


媽媽:蘇菲乖乖畀醫生檢查~
莊醫生:仍然發燒,40.1度~


莊醫生:貧血,白血球高~~


莊醫生:雖然TBIL無高,無黃疸,
但GLOB高,
ALB/GLOB ratio 低過0.6,係0.5,
加上血小板低,
上星期發燒開始食住朱古力抗生素,無理由唔退燒~
好大機會係fip~~
建議開始用藥,如有效,幾日就會見到改善,會退燒~~


媽媽:睇完醫生,即刻出去同義工買住兩樽藥急用。
今晚12點開始打第一針。
下星期二覆診睇下有無成績。

 

2021年9月20日 星期一

夜晚無胃口


媽媽:蘇菲妹妹,做乜夜晚唔食嘢呀?今朝都好胃口食哂架!
蘇菲:唔想食.....
媽媽:你呢幾期都Keep住燒,今朝都夜晚都大約40度,
明天鳯鳯珠個覆診期,就讓畀蘇菲啦!


迪奇:阿妹我陪住你~~
蘇菲:多謝哥哥~

 

2021年9月19日 星期日

慈山寺地藏經共修


是日慈山寺地藏經共修,
午後一點半進寺時陽光普照天氣酷熱,
誦經完結離寺時天陰有涼風~
好爽!



 

2021年9月18日 星期六

仍有燒

媽媽:蘇菲妹妹,今朝仍然有燒,
晚上短暫退燒,
臨睡前又好似有燒,
想同你探下熱者,
唔畀就算啦!
加油啊,繼續努力,打低病毒細菌!

 

2021年9月17日 星期五

仍然發燒

媽媽:蘇菲你今朝仍然發燒,上到40度!
蘇菲(右):我OK呀,有胃口!
媽媽:迪奇幫我照顧蘇菲,知道嗎!
迪奇(左):哦....

 

2021年9月16日 星期四

睇醫生


媽媽:蘇菲你今朝又燒到41度,嚇死媽媽~~
好彩Book定醫生~
 Dr Max:39.4度,貓超過39.2度就係發燒~
不過你媽媽話你今朝打完皮下水即刻主動食嘢,
精神又幾好,牙肉都幾靚,
無黃膽,無貧血~
貓貓發燒有機會係唔同病毒引起,包括卡里西病毒,疱疹病毒,
不過睇你無屙無嘔,口面無潰瘍,睇黎都唔係呢啲病毒~~
係有機會fip,但暫時表面睇唔係,無黃疸~~
可以驗血,不過驗咗血都唔會影響治療,
暫時表徵上係發燒,你媽媽繼續食朱古力係正確的,
不過份量由每日一次四分一格,改為早晚一次,四分一格。
不過唔排除會係FIP,如果未來幾日轉差,就快啲番來啦!
媽媽:唔該醫生。

 

2021年9月15日 星期三

退燒了


蘇菲:媽媽你番黎啦?
媽媽:見到蘇菲在門口等我,實在太好啦,
無哩埋,即係好咗啦~~ 


媽媽:即刻探熱,好嘢,退咗燒啦!
今朝探熱一度燒到上41度,嚇死媽媽。即刻打左皮下水,以免你脫水,
之後再量已經回落番40.3度~
其實諗番,今朝在modem上捉你出來量體溫,可能吸哂modem熱力,
令體溫上到41度,嚇死媽媽呢!
不過都打去診所Book定明日,萬一唔退燒就見醫生,
衣家唔駛啦!
迪奇你今口無胃口,好彩都精神,又吞咗媽媽餵你的奶奶,
同埋recovery~~
明天應該更精神咯!


 

2021年9月14日 星期二

一齊病

媽媽:尋晚你哋都好地地,蘇菲仍有番胃口~~


媽媽:點知今日又無胃口,好啦,不如試下開奶畀你哋飲~~
蘇菲:習習,好味~


媽媽:迪奇,都估到你會跟住病,果然你今日無胃口呀,
好彩乖乖吞哂媽媽用針筒餵你既recovery濕糧同奶奶~~

媽媽:蘇菲摸到身興,探下熱,果然燒到40.2度啊!
媽媽知道你身體正製造抗體打抵病毒,抗病成功自然會退燒,
只要保持身體水份就可以。


媽媽:今日兩個都要早晚食抗病毒藥,每次半粒。加埋早晚做reiki,
應該好快好番!加油呀你哋!

 

2021年9月13日 星期一

突然無胃口?

媽媽:今朝你突然無胃口,嚇死媽媽啦!
好彩餵你飲滴雞精,你好乖咁飲咗7-8支3ml,都有20幾ml~~


媽媽:好彩夜晚就有番少少胃口,叻女!
眼仔就自然上星期二打完針後,開始少少發炎,
好彩福仔哥哥兩款眼藥水有剩,
努力滴咗幾日,今日終於好番好多,
但就估唔到無胃口,
摸你個身好似興興地,唔知係咪發燒?
好彩夜晚個身已經唔熱,正常番!
蘇菲:我有啲攰,想休息~~
媽媽:好啦,休息啦!
尋晚半夜就同迪奇玩到反艇,今日早休息吧!

 

2021年9月10日 星期五

食玻璃大

媽媽:唔好阻住哂啦~~
迪奇:我食咗玻璃嘛,透明架,媽媽乜你睇到我咩?

 

2021年9月9日 星期四

學壞中


小虎:你哋兩個曳啦,跳上水箱~~
(左)蘇菲:呢度風景幾好,可以睇到浴缸入邊~~
(右)迪奇:我衣明白大貓點解鍾意呢度啦~~

 

2021年9月8日 星期三

腳係咁用的

迪奇:有腳瞓,正啊!

媽媽:畀我對腳休息吓啦!
你用個磅浪住頭仔仲舒服啦~


蘇菲:梳化頂係我架,唔好阻住我瞓~

 

2021年9月6日 星期一

第一針


蘇菲2世:我哋三個月大啦,媽媽今日帶我哋埃打針,
好驚驚呀!
迪奇2世:唔駛驚,有我陪!
今日磅重,我迪奇有1.51kg
蘇菲有1.27kg,醫生話你瘦呀,問我哋是否食BB糧,
其實我哋已經食緊生肉糧啦。
蘇菲,你要食多啲!唔係下次打針,媽媽會畀醫生話架!
蘇菲:哦.....

 

2021年9月4日 星期六

2021年9月3日 星期五

忙整餅


大妹:媽媽今日要整餅,
唔得閒寫Blog,
等我大細妹出住我哋星期二彭福靚相~~