9年前的10.1

九年前的十月一日，迪奇剛接受完抽骨髓化驗，晚上探望時站起來迎接媽媽。
叻仔！
永遠的戰士！

蘇菲最傷心

昨天迪奇走了，最傷心的不是媽媽，係蘇菲。
看見這情境，很痛心。臨送迪奇離開家前，請陳老師給蘇菲傳心解釋，蘇菲這樣說：
〞 唔相信！接受唔到迪奇走了！
 佢冇理由會走！ 佢話咗唔走！
我聞到佢死咗！ 但係佢話咗唔會死嘅！〞

蘇菲，不要傷心，迪奇哥哥只係離開肉身，.暫時去到另一國度~彩虹橋。休息過後，健健康康的迪奇會回來探你、照顧你。
迪奇一定會回來幫我看顧大家，請相信迪奇哥哥！

完成生命旅程

我的迪奇，今早在大約9:45am完成14歲11個月的狗生任務，奔往彩虹橋。
多謝迪奇帶給我滿滿的愛❤️❤️❤️❤️❤️❤️❤️❤️❤️❤️❤️媽媽以你為榮。

寒冷夜

今晚回家，迪奇成身好凍，雖然房內放咗小暖風機，但吹唔正，迪奇好凍好凍，來，等媽媽幫你暖身~~

吹咗個幾鐘，身才暖。媽媽特別訂咗大VetBed，唔怕無位瞓啦~~

小健、小霞、樂樂全部好乖，用身體幫迪奇伯伯取暖~~

冚埋抓毛氈，迪奇暖哂~~

貓暖迪奇

小健：迪奇哥哥我守護你~~

小健：我用身體暖住你~~

小霞：今晚等我暖住你~~
媽媽：我以為我攬住你可以令你溫暖，但原來，我唔及貓貓身體暖。守護迪奇為迪奇保暖責任，靠你哋啦！

守護迪奇

小健：尋晚好凍呀，我要守護迪奇伯伯~~

小健：用身體溫暖伯伯身體~~

小健：我會陪位你架~~

迪奇：平安度過一夜，太陽出來了，我迪奇伯伯起身了！

聽海

今日黃昏好舒服，媽媽又抱我迪奇去後灘睇日落，聽海，日日咁就寫意咯~~

小心着涼

天氣轉涼，大家小心着涼呀！
我迪奇伯伯當然醒目，留响房休息，有墊，唔怕凍，再凍啲媽媽會同我着衫~~

好陽光

秋涼的早上，好陽光~

我迪奇都出來曬吓
先~~

七年前的一場大病

七年前的今日，我迪奇因為白血球跌到極低住院成個星期，期間又照電腦掃描又抽骨髓，終於查到我係免疫系統作怪，之後就食咗成年類固醇。果次，算係我狗生最大的一場病.....

夜返

迪奇：媽媽，乜你咁夜番？

媽媽：係啊迪奇唔好意思，令日工作做極都做唔完，乖，摸一陣就去開飯~~~

耆英生活

HI，大家好，我迪奇頭仔已經生番好多毛了，雖然係生得好稀疏，但都叫做似番隻史維莎~~~

瘦就係好瘦，但我撐住呢個身軀，唔太重，都行到路，每日食得瞓得，瞓完起身行下圈，睇下細佬妹，任務完成，然後又瞓過，咁既生活都幾適合我耆英迪奇啊~~~

對照

5月21日以為最後一次去彭福~~

剛過去的星期再去彭福，我迪奇是否靚仔好多呢~~

做嘢啦唔該

媽媽：行行，好耐無見你陪迪奇伯伯瞓喎，放對手埋去啦，幫迪奇伯伯做REIKI啦~~~~
行行：UM.........

白桃

今日一回到公司有一箱白桃在桌上等我~~醒神！

迪奇：哇！

迪奇：我唔客氣啦！

為食阿伯

迪奇：今日得咁少份量？唔夠食啊.....

媽媽：迪奇伯伯，你身子唔好，就唔好咁為食，尋晚趁我打掃時偷食垃圾桶的貓屎貓砂，食到今日仲頂住個胃，頭由發發下！
休息吓啦，今日食少啲呀！阿伯！

新吊墜

呢個生命之花原本係媽媽既~~

衣家畀咗我！保護我！戴咗之後感覺好暖，不過呢，有啲重咯........

捐西瓜

媽媽：迪奇，呢個消暑西瓜樹窿咁細個，你竟然捐得入？
迪奇：我瘦吖嘛....
媽媽：你唔瞓大樹窿？
迪奇：好臭啊....
媽媽：咁又係，畀貓屙尿屙到臭哂....
等我搵下買唔買到新架啦......

行沙灘

星期六朝早，蘇菲同大細妹有得游水，下午，我迪奇都有得行沙灘~~

當然，行只係幾步，企都只係一陣，大部分時間係坐媽媽大髀吹海風~~好爽耶~~

訓廳

天氣好熱，我迪奇唔瞓房呀，要瞓廳呀，廳有樹窿，最啱我.....