圓月奧斯卡
昨日八月十五中秋佳節，雖則圓月被雲霧遮掩，天亦驟雨連連，但在月亮姐姐努力爭取下，終歸有幾刻能完全露出俏臉，令我們的中秋BBQ能在圓月高照下舉行，而更開心的是來了一位史納莎賓客，叫Oscar，已經九歲了，是樓下姜師奶妹妹的朋友帶來的，可能因為係獨仔關係，佢唔係好熱衷同我哋玩，大多數時候，係我哋追住佢黎玩。
唔通，佢覺得我哋好煩？
弊，唔記得同奧斯卡影相添！下次補番！
__________________________________________
一支眼藥水
這天，亦是我們陳家的大日子，因為迪奇哥哥做完手術剛好一個月，理應完全康復，但頭兩次覆診都仍有發炎兼眼睛不夠清晰明亮，加上這兩天她發現做完手術的左眼，表面上看來仍是有一層白濛濛似的，而右眼呢，早幾日她在燈光中赫見瞳孔的反映有點淺色，好擔心這隻眼的白內障開始嚴重了。幸好，媽媽的擔心在見完醫生後一掃而空，醫生說：「左眼你見到仍濛濛地，係因為手術後係會持續發炎一段時間，正常的；右眼呢，因為你留意多咗啫，我頭先檢查完，無變嚴重喎。」
「噢，醫生你真係好，祝你中秋節快樂！」媽媽聽後個心安樂晒，而個心亦都同醫生講咗中秋節快樂。藥水方面呢，由兩支減為一支。三個星期後再見啦醫生！
沒有留言:
張貼留言