我係陳小青

大家好，今日正式介紹自己，

我係陳家新成員陳小青，

今年4歲（愛協獸醫估），

一個月前唔知點解我在外流浪，好彩有愛心姨姨餵我，

上星期一帶咗我去愛協剪耳絕育。

雖然我又乖又靚，但因愛協爆棚所以上唔到領養部，

於是嚟咗陳家暫託。
事實，我嚟過呢個屋企好多次，以毛蟲丶飛蛾身份嚟過，

同媽媽好有淵源。

係，我係轉世回來嘅，喺邊隻貓嘅轉世並唔緊要，

我而家係一隻新貓，媽媽當我係新貓咁愛護就得啦。

我好乖，好易養，食嘢冇問題，好容易照顧㗎