草草上天堂

花店肥貓爸爸遺孤草草，尋晚將近12點突然抽筋，大叫一聲，之後進入瀰留狀態一兩分鐘，很快便出發往彩虹橋，與肥貓爸爸團聚。
（晚上清砂盤時發現有大灘血便，但搵唔到係邊隻貓，現在終於找到了，原來係草草）

由於草草實在走得太突然，擔心唔知佢而家點，有冇天使接佢？剛才傳心師幫我找到草草，feel到佢個心仍然卜卜地跳，停留在突然抽筋嚇到個心卜卜跳好驚唔知點好嗰種狀況。傳心師問草草你是否安好，草草反而問返媽媽是否安好？
草草而家身處嘅地方係黑色嘅，但係有微微光照住，身邊有好多聲音叫草草，但係草草都未識回應佢哋。
草草知道自己已經離開身體，但係擔心自己「身體」唔知會點樣，傳心師話俾佢聽媽媽會送去善終公司火化。
傳心期間，有一把好溫柔嘅女聲呼喚草草，相信係觀音來接佢，草草你就跟着觀音走啦，去經歷你的下一程吧。