燒符

我蘇菲今朝去咗燒符呀！
媽媽話老人家得閒要燒下符先平安架！
話說星期二我去泥涌石灘散步時，好尿頻咁，屙好多次每次屙一兩滴，媽媽已經提高警覺~~
到尋日終於發現我屙血尿呀，屙到尾尾係鮮紅色架...
所以今朝一早九點就打電話Book睇醫生~~

Dr. Dorothy話我老人家不如驗下全血，你哋睇....大致都正常呀~~

我十三歲有咁既成績表已經好叻，果啲高咗少少既指數都係因為我有膀胱炎，尿入面有菌亦有血~~~
醫生已經拎咗尿去種菌，當然即刻開咗抗生素先~
仲有耳仔發炎，媽媽都幫我洗咗幾日耳，今日順便叫醫生睇埋，開咗殺菌消炎耳油~~
仲有照x ray，無腎石無尿石.....醫生同媽媽都讚我好叻呀~~
不過x光中就意外發現咗啲問題.....(待續)