小健的童年陰影

迪奇：我有兩個小保母，小健同行行，有佢哋兩個陪伴，媽媽安心番工。
陳老師見到小健咁乖，所以今日同我做完REIKI後問小健，點知佢未開口，小健已經搶住叫老師幫我多啲，話我好唔舒服，叫老師幫忙令我回復以前咁.....說時，眼泛淚光....
老師話我現在已經好緊啲，佢哋盡力幫我啦.........
之後，老師又代媽媽問，點解小健唔食罐罐，每次開罐罐其他貓都搶時，小健直情唔埋枱食架，點解呢點解呢？
原來係有一段悲慘經歷，小健以前個賤主，係用罐頭掉佢架，小健要避開啲罐頭，所以，佢一路唔吃罐頭，見到就企開一邊.............
行行：真係慘慘豬啊........
媽媽：小健乖仔，你細細個畀掉去堤壩，仲係寒冬，病就食唔到嘢，好彩執媽救咗你送來我家......希望你能放下童年陰影，吃一口罐罐試下啦，好好味架！
多謝小健幫我日日睇實迪奇伯伯呀！小健真係乖！鍚哂你！