小龍爛牙

自從開始託貓，家中貓口愈來愈多，為了照顧傷病新貓，好多時忽略了自家貓。小龍，6年前從鄰居婆婆處救回嚴重貓瘟、最後摘去一眼。
小龍一直乖巧。乖貓就是會被忽略，最近發現小龍抱上手愈來愈輕，揭開口睇到一口灰牙，星期二由dr. karen洗牙，點知一打開口無幾多隻牙，大部分已自行脫落，最後脫埋啲爛牙，剩下兩隻犬齒。
小龍對唔住，媽媽咁遲先發現你牙痛，你一定受咗好多苦。媽媽要好好補償，呢兩個星期食多啲好味罐罐吧！

好彩驗血指數肝腎功能正常，係amyl高咗同白血球高咗，食番一輸腸胃抗生表先！當然仲有少少止痛藥，等你個口無咁痛！