卡卡小天使

卡卡bb尋晚入院後，姑娘打咗啲mousse糧，卡卡都有主動吃~~~`
估唔到捱到凌晨十二點二十分，卡卡爭扎咗一下，姑娘畀氧氣佢吸咗幾啖後就去了當小天使........
今朝去同bb告別後，蔡e打電話來話上卡雖然係街貓，但都唔應該死得不明不白，為咗街貓福祉及為咗及早知道啦啦的患者風險，建議解剖化驗，而是項化驗無須付款，我即刻答應。
下午解剖後，初步知道卡卡腸道腫脹，令佢無法吸收營養，昨天早上的屎屎好淺色，就係無法吸收營養下的後果，卡卡長時期吸收唔到營養，所以瘦到皮包骨咁，而肺組織亦有唔正常。而腸道無寄生蟲。
卡卡的組織會送出去化驗，大約一星期後有報告。
卡卡bb，你去到彩虹橋做隻快樂天使，守護你哥哥啊！