尋篤篤親人

迪奇：哈哈，你哋咪笑我啦，我知我下巴有羊咩鬚，下星期會修剪啦，由得我樣衰一陣啦！

今日陪媽媽入大壩，搵篤篤啲家人，呢個疑似係篤篤個女，瓊姨姨話佢自從篤篤走咗之後好唔開心，好似無主孤魂咁，成日喵喵叫呼喚~~

媽媽開咗罐罐佢都唔食~~

去到壩尾，見到呢隻苦面貓~~

呀~~係花面貓至啱！佢唔怕人，媽媽餵咗佢食三條魚柳~~

我哋就離遠有得睇，無得食！

聞到鬥雞添！好搞嘢呀！

花面貓叫大寶，應該係篤篤個仔，周身傷哂，平時最鍾意打交！
阿貓哥，你乖啲啦，傷咗無人醫架！下次媽媽帶支神仙水畀餵貓姨姨同你噴下啦！