爛牙美

美美：咩黎架？咁多既？
媽媽：咪就係你今日覆診啲藥lor~~
karen醫生檢查過你口腔，好番好多，消咗好多腫同紅！
不過呢，呢個星期你咁好胃口，但磅數都無回升，尋晚又發現你肚屙，驚腸胃有菌影響吸收，所以醫生再開多十日腸胃抗生素，殺腸胃細菌。而你有少少脫水，唔知會否係尿道炎，啲抗生素都殺到既！
再加咩panacur杜蟲，食五日，希望可以殺哂所有菌！

媽媽：仲有你啲牙啊！診所今日一次過畀番哂我！睇到啲牙先知道你好慘，爛成咁，之前一定好痛苦啦！
不過唔驚啦，你一定可以好快好番哂！加油！