車厘子暫住

託媽：今日接咗車厘子妹妹回家暫住，

星期二早上去絕育。

 

開始涼

 

迪奇與鳳鳳珠回家了

為你準備咗靚靚花~~

迪奇好好在彩虹橋休息~~

鳳鳳珠好似瞓着覺咁，好靚女啊~~

回家咯~~

 

霸大髀

 

小白與QQ

幫你改咗名叫小白，目測大約6個月大，

男仔，有蛋蛋，未絕育。

好乖，雖然今朝未敢食嘢，但我放工回來見清兜。

夜晚一放兜就，叻仔！

有少少傷風，有流眼水、鼻涕，已餵朱古力及抗病毒藥。

稍後好番會安排打預防針及絕育。

麻色貓叫QQ，地盤貓，6-7歲，已剪耳，

乖貓，尋晚驚咗一晚瞓砂盤，今日已無咁驚，

最叻係為食，早晚兩餐都好快食！

可摸，鍾意摸，一摸屁屁會升高屁屁。

兩個都已滴Revolution。

 

來自70貓擠逼戶的兩貓貓

QQ,，女仔，剪左耳，6-7歲。

無名，黃白蝴蝶紋，未知性別，未絕育。

唔駛驚，放心响度住，先安頓下來，調整好心情。

 

黐住

 

擋住哂

 

要健康

媽媽：Bu B做咩成日响櫃頂，快啲落黎....

媽媽：Ken都係，迪奇走當天發現你躲在貓架頂，開飯都唔落黎，嚇死人，
好彩之後自己落番黎，飲水食糧。
你哋要健健康康，唔好嚇親我呀...

 

每天親親蘇菲

媽媽：蘇菲每都要親親媽媽，我每日都畀個鼻哥你咬....
我哋每日好好食飯，好好生活..

 

和迪奇說再見

媽媽：蘇菲和迪奇哥哥說再見，之後等他在彩虹橋安頓好，

你兩自然能connect，不用擔心，媽媽陪你度過這難關。

你多看迪奇哥哥幾眼，之後媽媽送迪奇去善終公司啦。

 

迪奇突然被召回天家

媽媽：迪奇你星期一早晚兩餐唔食，晚上呼吸急，
星期二一早同你睇醫生，肺花咗，慶幸心肺和腹腔無積水，
只係近腎位置有少少水，
加上少少貧血，白血球高，a/g 0.3，診斷為肺炎，
亦可能係fip復發。
下午3點半已取了fip 針劑，夜晚9點打了第一針，你竟然好乖無反抗.....

醫生開咗一堆藥，有兩種抗生素、化痰藥、開胃藥、滴鼻藥，

仲有兩款霧化藥，下午及晚上都霧化....

好彩屋企有齊設備。

今早霧化完，擔心之後肺炎嚴重唔夠氧，於是訂了氧氣器備用，下午送到。點知你情況急速轉差，下午1:40pm，上天已經收番你條命，召回天家...

就這樣，你在我懷中離開...最後果段路，慶幸我在你身邊，

緊緊抱着你，感受你身體突然的變化，突然手腳不自住伸展，

心跳極快，這種是心房顫動吧...然後，心跳逐漸弱，慢下來，最後停止跳動..就這，離開了。

我立即找到Brenda姨姨傳心問你狀況....

迪奇：媽媽，我真係走咗了，係fip帶走我，其實fip病毒一路無走，只係我身體好，壓住，無畀佢發出來。

(媽媽：尋日傳心時，你仲話無事無問題....相信你都唔知事情來得如此急....)

媽媽：我由狗投胎回來，我知唔會好長命，但都無預到咁短，

我都唔知咩原因，要我咁快走...我衣家都要好好調整心態，

去調查係咩原因。

至於蘇菲，我呢刻connect唔到佢，或者等我安頓好，再聯絡佢。媽媽，我知蘇菲想同我一齊，但呢一段蘇菲會否跟我走，我都唔知，如果你想蘇菲留低，你要同佢講呀.....

我衣家要休息下先，之後有機會就番來，

今世做貓，我覺得唔係幾夠踏實，不如下世做番狗回來好嗎？

你會歡迎我嗎？

媽媽：傻豬，你做貓做狗回來我都開心，做狗好呀，可以去行山...你好好休息呀，媽媽等你....

 

 

鳳鳳珠回天家

鳳鳳珠，你呢兩日唔食嘢，知你日子差不多，

尋晚你望我食飯，我仲以為你想食唐記湯飯入面啲雞，

打算今日買，點知...

今朝起身你已經彌留中，但我又趕住帶迪奇去睇醫生....

於是請傳心師Brenda姨姨代傳話，讚你叻，

你話想等我回家好好告別先離開......

但我12點前回到家，你已經離開了。

唔緊要，我知道你仍在的，身體仍是柔軟的..

之後Brenda姨姨見到你在屋中飛翔，自由了！叻啊！

你在世時受盡自體免疫引發的口腔，剝了兩次牙，

食了一年多類固醇，之後一減藥就又口腔潰瘍..

到後來用抗病毒藥莫納皮韋拉，頭段日子食完好咗七八成...

可以後來藥效漸對你無效...

但我衣然會餵，你就出盡力反抗或吐出來...

衣家，唔駛再食藥，唔再口痛...

自由了！媽媽祝你下世生活順意自在。

 

陪睇劇

 

喇叭妹

媽媽：頭後近頸傷口已埋緊口，忍耐多一星期....

 

初秋傍晚

 

雙黃

 

今日幾涼喎

 

CC回家了

 

眼金金