感恩有幫手

媽媽：蘇菲好叻，忍住痛捱了十一針啦！

蘇菲：痛痛......

媽媽：媽媽知道，蘇菲痛時會掙扎，甩咗針又要再拮就痛多次，

為了可以減少蘇菲痛楚，

媽媽請樓下鄰居幫忙，

感恩第一晚由學護囡囡幫忙，仲指導咗媽媽一啲抽藥時的小誤差，

學護又溫柔對蘇菲，所以媽媽好順利完成打針~~

不過之後幾晚媽媽有時做得好，有時做得唔好，

拮咗落蘇菲肌肉，致打針後流血，真係對唔住！

媽媽知道每一針都好痛，

亦知道蘇菲好勇敢面對。

蘇菲多謝你配合，

我哋一齊努力，每晚都做好少少，

我哋共同面對剩下的七十三針！