小咪的話#1

陳小咪2021年9月27日傳心內容

［對這一生、這個家、這個媽的看法］

首先，這個家，非常大、非常熱鬧，你去睇片都知（指Fb post）。這個家，我愛！就是愛，就係咁，簡簡單單一個字！點解愛？因為有阿媽：主持大局、靈性之旅。有咁多貓貓狗狗，一隻一隻，每一隻都帶媽咪（嬌嗲地）一步一步向前向深走，明白世間萬物運作，回歸自然母體，冇錯，大自然係我哋眾人媽媽嚟，佢係大媽媽，媽媽係細媽媽，而我就係自己的自媽媽，而「家」就係咁樣形成，大家一齊修行（指貓同伴）狗狗另外有Mission，就係陪伴人類，修行唔係佢哋重點。

這個媽……又靚女又叻人！唔係佢照顧我哋，好多已經橫死街頭、冇得入室冇個家。佢係大慈大悲觀世音的現代版，就在此時此地，化身觀音，帶着憐憫的心去愛去照顧我哋。佢好認真㗎！佢嘅付出你唔可以想像到，而我哋一個一個離開，就像佢嘅心一片一片被掏走（影像：心臟從外被一片一片削走）。佢好陰功，但，佢好堅強，因為唔堅強唔得……但，媽咪，堅強源自你的心、你的一呼一吸，千祈唔好太用力，唔係好傷身體，要喊就讓佢流出嚟（指眼淚），冇相干嘅，我係你身邊陪你，仲有迪蘇，佢哋都好樂意好開心陪着你走呢段艱苦人生路，而苦中亦見樂，就係美好光輝出現嘅時刻，我意思係，只有在黑暗中你才能看到光、知道、感受光明的好，唔知你明唔明呢？ （影像： Doris用力點頭確定地話明 ）

待續........