2021年10月29日 星期五
2021年10月27日 星期三
好chill呀@泥涌石灘
自從泥涌臨時停車場拆咗咪錶，停車位長期被霸佔，我爛PAT強都無得去，
上月終於轉番咪表，啲死車走哂，有位泊啦，尋日終於可以出動，正呀~~~~
係咪好Chill呢.........
2021年10月26日 星期二
2021年10月25日 星期一
2021年10月23日 星期六
第一粒屎與砂盤第一篤尿
託媽：婆婆好叻啊，終於有第一粒屎！！！
婆婆：尋日傳心師故我用砂盤嘛，
我一世貓都未見過砂盤，仲問啲砂食唔食得，
原來係用來尿尿。
之前覺得尿尿唔啱，所以慣咗忍，忍唔到就屙在牀內、手提籠內.....
衣家知道要屙在砂盤，
我屙咗啦！
託媽：要一隻成世未見過砂盤既貓學識用砂盤，婆婆一學就識，
真係犀利，有智慧，
以後唔駛忍尿，有需要就去！
2021年10月22日 星期五
2021年10月21日 星期四
告別生意失敗look
託媽：早晨呀嘉嘉婆婆~~
嘉嘉：早晨~
託媽：忍唔住手，你毛打哂結，雖然之前執你果位義工姨姨幫你沖咗涼
剪咗部分打結毛，但係都係成身結，幫你剪咗佢舒服啲！
託媽：即刻靚女哂！
剛才傳心師朋友話我知你好凍，所以我放工即緊回來幫你着衫，
今晚冷鋒到啊~~
託媽：婆婆Good night~~
2021年10月19日 星期二
2021年10月18日 星期一
2021年10月16日 星期六
2021年10月15日 星期五
2021年10月14日 星期四
小咪的話#3 給媽媽的承諾
(2021年9月27日傳心記錄)
這一生的意義，就係能夠同你(媽媽)一齊，就係咁簡單，唔複雜嘅。
同你一齊經歷人生喜與樂（陳小咪是一直感受着Doris的感受情緒的），
咁都幾好玩嘅，多謝媽咪的陪伴，係好有趣的一生！
好喇，媽咪你都知啦，我在世的時光流逝，快到終站了，
但，我唔後悔，亦冇遺憾，我哋貓要求冇乜，好普通咁，有三餐就OK，
呢啲係基本野，其他我哋自己搞掂。
［有什麼特別想跟媽媽說］
媽咪，我錫晒你！特別嘅嘢…… （諗）媽咪！你唔好咁辛苦！你又辛苦我又辛苦（指打皮下水、清潔），你攰嘅話我可以等你的，唔好急，見你急我有啲心痛你㗎 ！
媽咪，我好錫你，好怕你喺我死後傷心，我應承你，我一死，就立刻照顧好自己，好好升天（因為Doris曾經咁樣吩咐過佢）
（影像：陳小咪上到雲上，被閃閃光輝包圍，當中隱約有少少藍色彩光，一小團、一小團的，佢表示因為藍色好襯佢）。因為我知媽咪會自己搞掂（指傷心的情緒），
我會首先處理好自己的事，好好歸天家，辦好手續，一切安頓先返嚟探佢。會返嚟？會！一定會！而且媽咪一定知！ （陳小咪認知，時間大約就係我哋講嘅離世後七天）
……再特別啲嘅係，我想好似迪蘇咁返嚟你身邊， ……我知你唔係咁想，我知！
但，我同你係分唔開嘅（再一次奇妙地在陳小咪的臉上看到半透明Doris的臉蛋），
所以，希望你歡迎我返嚟！幾時？詳情？媽咪一定知！
我哋未去到心靈相通，但緣份到，媽咪一定知！
（就像有一條線連住二人，條線一有少少郁動， Doris就會感覺到）
2021年10月13日 星期三
小咪的話2~對烏嘴的看法
(2021年9月27日傳心記錄)
熟悉迪蘇家的貓友，都知道賤貓烏嘴作惡多端，犯罪累累，其中最乞人憎的，是追打小咪，話唔打唔知身體好，話小咪似老鼠，所以搵佢做追捕對象，嚇到小咪有幾年要躲上熱爐頂避佢，之後長年入房躲避，到近年先有膽出番廳。
時光荏苒，兩個都在今年發現早期腎衰竭，兩個一齊食腎糧，同病相憐過日子。以為小咪同烏嘴已冰釋前嫌，原來........
［對烏嘴的看法」
P ！ （向旁不屑地狠狠地吐口水、頭赤）我唔會理佢，亦唔想玩「原諒佢」之類。佢嘅脾氣太偏執，我玩唔起，我鍾意自己靜靜地，唔想人打擾我。佢而家好少追捕我啦，佢唔得喇（感受到烏嘴左肚下邊攣住痛）。烏嘴烏嘴，有名你叫，正百厭星！點形容現在同佢嘅關係？各忙各啦，自己顧掂自己先，睇吓邊個走先啦（有少少傷感），會有少少傷感嘅，始終同撈同煲咁多年嘛，唉⋯唔講啦！
2021年10月11日 星期一
小咪的話#1
陳小咪2021年9月27日傳心內容
［對這一生、這個家、這個媽的看法］
首先，這個家，非常大、非常熱鬧，你去睇片都知（指Fb post）。這個家，我愛！就是愛，就係咁，簡簡單單一個字！點解愛？因為有阿媽：主持大局、靈性之旅。有咁多貓貓狗狗，一隻一隻，每一隻都帶媽咪（嬌嗲地）一步一步向前向深走，明白世間萬物運作，回歸自然母體，冇錯，大自然係我哋眾人媽媽嚟，佢係大媽媽，媽媽係細媽媽，而我就係自己的自媽媽，而「家」就係咁樣形成，大家一齊修行（指貓同伴）狗狗另外有Mission，就係陪伴人類，修行唔係佢哋重點。
這個媽……又靚女又叻人！唔係佢照顧我哋，好多已經橫死街頭、冇得入室冇個家。佢係大慈大悲觀世音的現代版，就在此時此地，化身觀音，帶着憐憫的心去愛去照顧我哋。佢好認真㗎！佢嘅付出你唔可以想像到，而我哋一個一個離開，就像佢嘅心一片一片被掏走（影像：心臟從外被一片一片削走）。佢好陰功，但，佢好堅強，因為唔堅強唔得……但，媽咪，堅強源自你的心、你的一呼一吸，千祈唔好太用力，唔係好傷身體，要喊就讓佢流出嚟（指眼淚），冇相干嘅，我係你身邊陪你，仲有迪蘇，佢哋都好樂意好開心陪着你走呢段艱苦人生路，而苦中亦見樂，就係美好光輝出現嘅時刻，我意思係，只有在黑暗中你才能看到光、知道、感受光明的好，唔知你明唔明呢？ （影像： Doris用力點頭確定地話明 ）
待續........
2021年10月10日 星期日
2021年10月9日 星期六
2021年10月8日 星期五
2021年10月7日 星期四
2021年10月6日 星期三
2021年10月5日 星期二
2021年10月1日 星期五
蘇菲血紅素升番啦！
莊醫生：多多幫你探熱~~~~
係38點幾，無發燒~
媽媽：自從星期二起轉咗新441藥，已經無發燒啦。
莊醫生：咁現在抽血，睇血紅素有無升番.....
_____________________________________________________________________
10分鐘後，驗血報告顯示，蘇菲PCV由星期二的13%升到上23%，
好咗好多，不過都打多支補血針更穩陣~~
媽媽：441針轉咗用Capella，打三日有咁好效果，蘇菲在四日內增重100克有多，
媽媽放心哂！
之前用咗唔啱你既針，累你受苦但又無幫助，媽媽對你唔住！
媽媽好多謝蘇菲每晚忍住痛受針，打完先傪叫，
而我每次打針前半小時已經開始好緊張...
好驚打得唔好，令你太痛....希望好快可以克服緊張，
我唔緊張，蘇菲先可以一齊唔緊張。
蘇菲，整個療程84針，今晚打完仲有80針，
我哋一齊加油！
訂閱：
文章 (Atom)