靜宜畢業了

迪蘇媽：乖女靜宜已於今日中午約1點出發去彩虹橋，

靜宜唔捨得，因為擔心我唔食飯，

佢話要食白飯我先至有氣力先至有腦力做嘢。

媽媽知道啦，你唔使擔心，我會食白飯㗎啦，

安心上彩虹橋啦。
靜宜唔捨得呢個家，你留在家直到夜晚，

聽住心經，靜靜地慢慢地上天堂。

靜宜同傳心師講，對呢個安排好滿意呀，

仲話俾我知舊年出發嘅大雄哥哥知道佢論盡，

在彩虹橋會教導佢，

另外亦都有好多兄弟姊妹在彩虹橋迎接佢，靜宜不會寂寞。

靜宜暫別，我哋彩虹橋再見。